حرام اللى بيتعمل فى العربيات الجديده .......
امبارح راجع من اكتوبر الساعه 2.5 بليل كنت بايت عند ابن خالى لانو كان عامل حادثه بعربيتو وقاعد معاه المهم حصل ظرف ونزلنا الساعه 2.5 بليل انا وهو رايحين الدقى انا اخدت المحور من اولو عادى ماشى 120 ولقيت الاشارة اللى عند هايبر مقفولة والكمين مقفل مفيش حتى عسكرى واقف والطريق مخيف فى الوقت ده ومفيش حد اصلا ماشى المهم طلعت المحور بعد تانى رادار انا كنت ماشى 150 -160 لقيت عربيتين جداد بالورق عليهم ومش معلقين نمر واحده اكسنت ار بى لونها بترولى والتانية سيراتو فيرانى وشكلهم موديل السنه والاتنين معديين من جمبى تقريبا ماشيين بين 180-200 انا وابن خالى مصدقناش ازاى عربيات جديده وملينتش يحصل فيها كدا المهم انا زودت لحد 185 كنت وراهم علطول بس ال ار بى كانت معديه السيراتو بفارق عربيتين مثلا والسيراتو مش عارفة تجيبها او هو مش عاوز يقرص عالعربيه الله اعلم والاتنين ماشيين بياخدو غرز مابين العربيات مع ان الطريق رايق بس شكلهم بيجربو العربيات او طالعين يجرو انا داخل على 190 كنت عديتهم بس الموتور عندى كان جايب اخرو والتسارع بطىء جدا المهم لما عديتهم لقيت الشابين لابسين قمصان لبنى وشكلهم كدا عمال بيوصلو العربيات لاماكنها وقعدت اتحسبن انا وابن خالى على العربيات الجديده اللى بيتعمل فيها كدا بس انا مجاريتهمش الا كنت عاوز اشوف هما مين ومكنتش مصدق ان العربيات مكانش عليها نمر لحد ماطلعت قدامهم لقيت كمان العربيه من قدام مفيهاش نمر ... بس انا مش عارف الواحد مننا فى ايدو ايه يعملو غير انو يحسبن عليهم والواحد يدفع شقى عمره فى عربيه وناس عمال زى دول يبهدولها بالشكل ده ....