عندي المساعد الشمال الامامي ضارب زيت ... واعتقد لازم اغير الاتنين اللي قدام ... حد عنده اقتراحات هل نركب المساعدين بتوع التوكيل ولا فيه مونرو او كوني أفضل مثلا ... ولو حد يفيدني لالاسعار كمان يبقى مشكور
عرض للطباعة
عندي المساعد الشمال الامامي ضارب زيت ... واعتقد لازم اغير الاتنين اللي قدام ... حد عنده اقتراحات هل نركب المساعدين بتوع التوكيل ولا فيه مونرو او كوني أفضل مثلا ... ولو حد يفيدني لالاسعار كمان يبقى مشكور
الف سلامة على ميجي يا باشا
هو الكوني لو هتجبيهم اعتقد هتجيب طقم كامل
كنت جايبه من 6 سنين ب 3200 جم
بس تعمل حسابك العربية هنبقي انشف
المونرو مجربتهمش في الميجان
بتوع التوكيل اعتقد هيعملو الجوز حوالي 1500 اقل شوية او اعلي شوية مش فاكر بالظبط
شكرا يا ابو حميد ... لسه مكلم ارابكوم سألت على الكوني
الطقم كامل سبورت ب 4660
الامامي بس ب 2660
مش عارف يستاهلو ولا لأ ولو غيرت اغير الامامي بس ولا مش هتفرق في الاستابلتي ان يبقى الامامي كوني واللي ورا استوك
وكمان بصراحة مش قادر احدد موضوع ناشفة شويه دي ... يعني هتعمل ايه في راحة الركوب ... وانا اصلا العمود الفقري ملصمينه
وكما سألته في تأثيره على ارتفاع العربيه قالي مفيش تأثير ... ايمن كان قال انهم بيوطوا العربيه شوية
ميجان بمساعدينها الأصليين مع كاوتش محترم ثباتها كويس جدا وقرأت كتير إن المساعدين الرياضيين ثبات أعلى لكن رد فعل أشد على الراكبين بالعربية وحضرتك ظهرك واجعك يبقى منصحكش بيهم خيلك فى الستوك الأصلى بتاع العربية خصوصا إن الميجان شكلها عربية رياضية لكن أداء غير رياضى خالص حالها حال معظم الأوتوماتيك أنا ممكن أعدل فى عربيتى مساعدين رياضيين لما تكون عربية تربو لكن مع ميجان مش هتحتاج لأنى شايف ان عفشة الميجان متوسطة انا ركبت الإلنترا والياريس أنعم من الميجان فى الطرق المكسرة لكن الميجان حلوة برضه وجايز إن جنوطها 16 ودا مش مخليها ناعمة قوى بس مش عارف هل تلاقى فى المصطفى أو رينو حاتم أو رينو عادل المساعديين الاصليين ولا لازم تشتريهم من التوكيل
لو عندك مشاكل فى ضهرك يبقى بلاش أحسن.........هو الفرق فى النشوفية مش شاسع بس متضمنش برضه.
الثبات بيفرق حوالى 20 أو 30% زيادة ده طبعاً من غير سوست
العربية هتوطى معاك حوالى نص سم بس.
منصحش بتركيب 2 كونى قدام و اللى ورا ستوك علشان هتلاقى العربية أثبت من قدام عن ورا و بالتالى الأداء بتاعها مش هيبقى مظبوط قوى.
جرب تكلم أرابكوم تانى و تسأله هل السعر ده للمساعدين السبورت ولا الستريت ؟؟
لو طلع السعر ده للسبورت و ده غالباً هو اللى هيحصل يبقى أسأله على الستريت بكام
الستريت المفروض أنها بديلة للستوك......يعنى مستوى ثبات مقارب للأصلى و نشوفية مقاربة كمان.
حسب موقع كونى لسه بينتجو الأتنين للميجان.
اللي موجود عنده السبورت بس (Manual Adjustable) بالسعر ده ... بديل الاستوك ده مش موجود
سألت في صقر قريش امبارح عرفت ان المونرو فرنساوي الطقم امامي هيعمل حوالي 800 جنيه
انا شايف انه بديل كويس عن الاستوك اللي هيوصل حوالي 1800 بالضريبة ... بس مش عارف حد جربه ولا لأ
لان من فتره كده كانت ابتدت تظهر شكاوي من المونرو بس في عربيات تانيه مش الميجان
طيب ما سألتش عن سعر الأصلى فى صقر قريش ؟؟ أو حتى إستيراد ؟
هو الموضوع كله إننا نعرف مين الشركة اللى عاملة المساعد بتاع ا لميجان وموديله ونشتريه بسهولة طالما عرفنا ماركته وموديله
في استيراد في صقر قريش ... بس قلقان منه
أوعى تشترى المونرو...وحش أوى وبيوطى العربية وبيبوظ البطاحات
انا كنت شارى 2 استيراد بالبطاحات والبلى..تقريبا مش فاكر بالبطاحات ولا لأ.....كانوا ب 900 جنيه
وكانوا كويسين جدا......
لو العربية قاعدة معاك وعجباك وناوى تكمل بيها.......هات جوز جداد من التوكيل أنضف
بس لو لقيتهم غاليين اوى....هات استيراد أحسن
شكرا يا باشا انا كنت متوقع كده برضه .... الغريب كمان ان البطاحات في الميجان سعرها ضعف تمن المساعد ... فلو الواحد استرخص هيلبس في الحيطة قدام شوية
سال من فى التوكيل البطاحة بى 1150 بالتركيب و المصنعية رقم غريب مع العلم انى غيرتها فى شهر 12 اللى فات فى التوكيل و بدا تطقطق فى المطبات الجامدة تانى قالولى شرخ بسيط و لكن مشهغيرها لان المرة اللى فاتت كان فى الضمان و اللى فى الضمان معلهوش ضمون فقلت خليها شالت فى دمش البطاحة بالبلية حوالى 300
انا كنت مجرب المونرو في اللانوس
ثبات احسن كتير بس العربية ناشفة جداااااااااااااااااا
لكن ما بوظليش اي حاجة
المساعدين فايدتها الأولية تقليل الصدمات عن جسم العربية بناء على كدا إن لو المساعد بقى أنشف من مساعد العربية الأصلى ممكن يأثر على العربية نفسها بجانب الثبات ناهيك بقى عن تأثيره على راحة الجلوس !!
أوعي تجيب مونرو أنا لسة مغيرهم من يومين و جبت جوز اصلي ب ١٦٠٠ جنيه
مساعدين الميجان الأصليين ماركة kyb وصناعه اسبانيا
ممكن تلاقى kyb هو اصلا يابانى بس ممكن تلاقى اتحاد اوروبى بحوالى 850 جنية ويقال انهم كويسين بس انا مجربتهمش بصراحة انا جربت جبت استيراد استمر معايا 3 شهور وبعد كدة جبت مساعدين غاز وزيت ماركة concord مكتوب انها فرنساوى بس من خلال معرفتى عارف انة مصنع فى تونس وبيكتب concord france ومشهورين فى السوق على انهم فرنساوى بالنسبة لى شغالين الحمد لله كويس من 9 شهور بس النصيحة البطاحة مهمة جدا جدا علشان اللى فى السوق خامة مش كويسة سواء تركى او اسبانى .
شكرا يا جماعة على المعلومات
سألت على ال KYP الوكيل SMG بتاعه مش بينزل مساعدين الميجان رغم انها موجوده في الكتالوج بتاعهم بس ممكن يجيبهم سبشيال اوردر بس طبعا هتاخد وقت جامد.
الهواري في شارع رمسيس عنده ال Concord فرنساوي 700 جنيه امامي و 650 خلفي
والتوكيل الاصلي تمن الطقم 1600 جنيه بدون التركيب والضريبه
والكوني الطقم كامل امامي وخلفي 4600 جنيه
وصقر قريش موجود استيراد وانت وشطارتك في السعر
حضرتك تقصد الطقم كامل فى التوكيل ب 1600 ولا الأمامى فقط ؟
لا السعر للامامي فقط
أنا ياباشا جايب طقم كامل kyb في أول إبريل الماضي وآدائهم فوق الممتاز ماشاء الله
جبتهم من ش دمشق من واحد اسمه محمد عاصم
محمد عاصم بيقول عنده طقم امامي (أصلي) صناعة اسباني ومحفور عليه رينو تمنه 900 جنيه