الموضوع: ارملة تتزوج عرفيا ثم تتطلق وتتزوج رسميا فماذا يكتب فى عقد الزواج ؟

المشاركة الأصلية كتبت بواسطة me_medoo

يامحمد ياعادل. ياحبيبي
ريقي نشف وانا بقول للشباب الزواج ملهوش علاقة بالشغل ..... ده بالعكس ربنا بيرزقك مخصوص علشان الزوجه الاولى او التانية وربك بيكرم ويفرجها عليك .... وتلاقيك متحمس انك تشتغل مليووون في المية .... وايد بايد تساعد والمركب تمشي
استحالة أتجوز وأنا مش متمكن الرزق بإيد ربنا بس أنا عايز أتجوز وأنا مالى إيدى وعارف اللى ليا واللى عليا عشان كدا أنا شايف كام فكرة مشروع من دلوقتى وبحوش فلوس الحمد لله ومحدش ضامن عمره بس أنا بعمل الصح لأن أنا طموحى أكبر من الجواز بكتير الجواز دا مرحلة طبيعية هتعدى عليا مش إنما فيه مراحل تانية بعدها أنا اللى هعدى عليها بس ما ينفعش أعدى عليها وأنا مش متجوز لأنى زى ماقلت الجواز هو اللى هيعدى عليا فلازم أكون مستعد ليه عشان أقدر أكمل طريقى بدل ما أقف فى النص لا طلت جواز ولا طموحى حققته دى فكرتى من الدنيا
والي ميعرفش يقول عدس .... متعرفوش جمال ولا روعة الجواز غير لمن تتجوزوا ويكون لكم بيت .... متتصورش قد ايه فرحتك لمن تخش البيت وتلاقي كل الي في البيت بيجري عليك وبابا جه بابا جه
شوقنا أكتر شوقنا زى ماقلت فوق لازم أكون على أتم الإستعداد عشان مظلمش العيال دول هههههه وأمهم الحلوة اللى همشى أيدى على شعرها هههههههههه
وقد ايه احساسك لمن تلاقي كل طفل اتشعلق برقبتك عاوزك تشيلوا وتحضنوا وتبوسوا .... ولا لمن تبقى قاعد على الكمبيوتر وهما زعلانين ومستنينك تخلص علشان تقوم تلعب معاهم ولا لمة السفرة .... او الطبلية ( الطبلية ) ياجماعة الي هيا اساس كل اسرة مصرية وتقعدوا تلعبوا ، وقد ايه متعت لمن تبقى هتموت وتتفرج على نشرة الاخبار وعاوز تعرف حصل ايه في العالم ومراتك هتموت وتشوف المسلسل التركي وعيالك بلطجة كده فانحين على سبيس تووون وياريتهم بيتفرجووو عليه الا كل شوية يقوموا يلعبوا ويسيبوا التلفزيون
كلام جميل بس أنا وضحت فوق :)
الرجل ربنا خالقوا بطبعوا بيمل بسرعة وبيحب التنويع والتشكيل أتفق معاك فى دى بالذات الراجل أكتر حاجة بيحب يغيرها خصوصا لما الفلوس تكون ماشية معاه الكيف ومراته .... واحساسك بمسؤولية ان في اطفال يتامى في رقبتك لا يضاهيه اي احساس ... كفاية ان كل قبلة بتقبلها ليك عليها حسنات وثواب يعني هتخش الجنة حدددددف كدة .... والي فاكر ان شخصية الحج متولي شخصية هولامية او خرافية يبقى غلطان دي شخصية مصرية اصيلة .... وربنا احل ليك اربعه وانتا مستخسر في نفسك يكون عندك زوجتين بس
عمرك ما هتحس الإحساس دا وإنت متجوز من غير و ظيفة لكن ممكن تحس الإحساس اللى هو إنك عايز تغير مراتك لمجرد التغيير وإنك تتجوز غيرها عشان المتعة الشخصية وأديك شفت فى القصة اللى فوق الراجل طلقها فى الآخر لأن أغلب الرجال فى المجتمع دا وليس كلهم بيبص للمطلقة إنها رخيصة فى كل حاجة برضه مش كل المطلقات لما النهاردة البنت بتذل عشان تتجوز فما بالك بالمطلقة اللى عاشت الحياة الزوجية أنا معاك لو المطلقة ما لقتش الراجل المناسب اللى هيصونها ويفضل يكون هو كمان مراته ماتت عشان ميبقاش فيه خساير مش عشان أرضى طرف بعيد أخسر دمى ولحمى وأقول أنا بعمل خير وأنا مش عارف إيه
والزواج عفه وصون للنفس .... وهديك مثال دلوقتي انتا ممعكش تشتري عربية زيرو مش بتروح تشتري عربية استعمال طبيب ولا حاجة وتكون ماركة وصاحبها محافظ عليها ... صح ولا انا غلطان ... فكزالك هو الحال صدقني ياعزيزي في ارامل ومطلقات تحل من على حبل المشنقة .... ومش طالبين اكتر من الستر وانك تشيل عيالها في عنيك وتعمالهم زي عيالك ويما يرضي الله .... صعبه دي .... بس اهم صفة لازم يتحلى بيها الرجل انوا يكون محنك ودوبلماسي ويقدر يرضي جميع الاطراف من غير مايزعل حد منو ....
فى ظل الزحام السكانى وضيق المعيشة فى مصر صعب الكلام دا على الواقع وبعدين لما تكفى بيتك فى الأول إبقى رطرط فلوسك برا وإنت ممكن تمشى شعرك على طفل يتيم من غير ما تجوز أمه ومن غير ما تدمر أسرتك الدنيا مليانة مواقف كتير صعبة وناس كتير عيشيتها صعبة قوى أنا متعاطف معهم ولكن كل شئ ليه حدوده عشان ربنا هو اللى عايز كدا
والانسان مننا محتاج ايه غير الكلمة الحلوة والستر والحنان تصور يكون عندك مصدريين للحنان والعطف . ... فالمطلقة او الارملة انسانة ومن حقهاة وفي امس الحاجة للحنان والعطف وانها تلاقي الانسان الي ياخود بايديها ويواسيها ... مش نقول انتي خدتي فرصتك خلاص وعيشي بقيت حياتك اترحمي على المرحوم ....

وانا اهو لو شفت اختي ولا بنتي لا قدر الله لا قدر الله اطلقت ولا اترملت مش هرتاح ولا يهدالي بال غير لمن تتجوز وتبقى في عصمت راجل حتى لو كان متجوز .... او حتى مش لاقي شغل لا ده انا اجوزهالوا واجيبلوا الشغل لغايت عندوا كمان
وتحياتي
واسف على الاطالة

لا قدر الله لو حصل مع أختى أو بنتى فى المستقبل إن شاء الله واتطلقت واتقدم ليها واحد متجوز هرفضه رفضا قاطعا أنا مش عشان أستر أختى أبهدل غيرى تقولى الجواز مش عيب بس مش فى الزمن دا لأن صعب تلاقى الراجل العادل اللى هيتجوز الأخت المطلقة عشان ولادها ولا حتى عشان يسترها كلها مصالح الحنية مش مرمية فى الشارع إحنا فى مصر يا باشا والحاج متولى دا قدوة سيئة وراجل مش تمام شخصية تعبانة جدا وبتاع مصلحته وبيتجوز عشان يدلع عشان المتعة الشخصية وعشان الفلوس بدليل إنه مرضيش يخلى ابنه يتجوز بنت كان هو متقدملها لإرضاء غروره مسلسل فاسد أنا على فكرة ماليش فى الدراما ولا التليفزيون خالص بس انا شفت المسلسل دا وقت ما اتعرض بس فاكره مسلسل عار وبيدعو للفساد انت لما راجل يقعد ويتفرج بياخد الفكرة أن الراجل دا متدلع وكل شوية بيتجوز مش بيبص لإن الراجل دا معاه فلوس بالهبل لكن بيقول إشمعن دا ما أنا أروح أتجوز وتلاقى بيته اتخرب والسقف وقع على دماغ اللى خلفوه نصيحة نصيحة لكل متجوز مراتك نصيبك حلوة وحشة زهقت من شكلها وعايز تغير لا اثبت مكانك هى قدرك وتعايش هتعيش وتلاقيها أجمل واحدة فى الدنيا ومتكسرهاش عشان ترضى ..................................

يا نهار اسود ومنيل