الموضوع: الدينامو اتحرق (كده اتأكدت ان فيه حد حاططنى تحت المنظار )

المشاركة الأصلية كتبت بواسطة ehab_mansour

يا تشتري دينامو استيراد يا تصلح اللي بايظ في الشريحة الالكترونية يعني شوف الشربون ولا منظم الجهد ولا السيليكونات هي اللي باظت و صلحها لأنها كلها قطع الكترونية و شربون و كل ده بيتباع و يتغير عادي طالما ملفات الدينامو نفسه سليمة

المهم لو فكرت تصلح تشتري أنضف قطع عشان تتحمل ده لو لقيت عندك في اسكندرية حد بيصلحهم اساسا

لو ملقيتش اشتري استيراد علي التجربة

ايه ده بتتكلم بجد يا بشمهندس
يعنى الشريحه دى ممكن تتفك وتتصلح ؟؟؟ اصلى ملقيتش فيها اى مسامير كلها كبس فى بعضيها
وتفتكر السليكونات لو بايظه ممكن الاقى منها عند بتوع الالكترونيات

انا ممكن اصورهالك لانى حليتها اول امبارح عند كهربائى جنبى بس جاب مكانيكى عشان يفك حبه حجات الاول فوق الدينامو فيقدر يطلعه من مكانه

المشاركة الأصلية كتبت بواسطة ehab_mansour

ايوه يا أفندم كل شيء بيتصلح عادي لكن اللي يعرف يصلحه
و بعدين انت مش هتلاقي مسامير ولا حاجه لأن كل شيء متقفل في البوردة باللحام و بيتفك لحام برضه

صور و ارفع بس تكون صور واضحة و من كل اتجاه و بعد تنظيفها جيدا عشان كل شيء ينكشف و يبان هههههههههههه

وربنا ييسرلك حالك ان شاء الله و تكون بسيطة و متتكلفش

ربنا يبشرك بالخير حصورها وارفع الصور ان شاء الله على فكره انا مهندس الكترونيات :)

والبوابه انا فكيتها لقيت ان لما بلف البكره بأبدى فيه تزيق وخشونه فشكلها فعلا عاوزه تتزيت عشان كده بتعلق
اعملها بال wd4 ولا احطلها نقطه زيت باور عشان خفيف ؟؟

المشاركة الأصلية كتبت بواسطة ehab_mansour

ايه الحلاوة دي و مهندس الكترونيات كمان ؟؟؟؟

و بتسأل علي تصليح البوردة ؟؟؟؟
ههههههههههههههه بهزر معاك طيب خلاص فك و صور و احنا مع بعض و ربك يسهلها

البوابة تنظفها تماما ب wd40 هو منه منظف و مزيل للصدأ و زيتي يعني كل اللي مطلوب فيه

ربنا يخليك يا بشمهندس الف شكر ليك
انا معرفتش اصوره انهارده عشان كنت مشغول فى حجات ومجتش جنب العربيه خالص بس بكره ان شاء الله حصوره كذا صوره وربنا يعمل اللى فيه الخير