الدينامو اتحرق (كده اتأكدت ان فيه حد حاططنى تحت المنظار )

**misoalex** · 11-07-2012 11:34 PM

بعد سلسله الحجات الغريبه اللى حصلت ولسه بتحصلى اخرها الازاز اللى اتفش والعربيه واقفه وحساس البوابه اللى بقى عمال يعلق

الدينامو اتحرق ومش مطلع شحن خالص

العربيه من يوم ما الازاز اتكسر وانا مغيرتوش وراكنها ومليش نفس اركبها انهارده دورت وسيبتها تسخن وجيت اطلع لقيت لمبه البطاريه بتنور وتطفى وبعد كده نورت
نزلت بصيت على كوابل البطاريه وهزتها لقيت نفس المشكله المهم بدل ما اروح مشوارى طلعت على الكهربائى
قاللى السير سليم الدينامو هو اللى بايظ روح لمكانيكى يحلهولى عشان دده فى مكان ضيق ومحتاج مكانيكى ياعم طب امشى ازاى لحد المكانيكى ده العربيه حتفصل منى راح بعتنى لمكانيكى جنبه قاللى لا مش بشتغل فى ال 1600
المهم رحت لواحد تانى قاللى لا ده كهربائى اللى يحله ونا مليش دعوه والدينمو فعلا فى مكان رزل
بعتنى لكهربائى لقيته قافل وحيفتح بعد ساعه !
رجعت البيت افتكرت الكهربائى بتاعى القديم روحتله قاللى ده الدينامو فاصل خالص ومش بشتغل فى العربيات الحديثه دى (عشان كده مرحتلوش من الاول )
رجعت البيت تانى طبعا بعد ساعتين لف والعربيه متصلحتش واهى مركونه والازاز مكسور والدينامو بايظ وحساس البوابه بايظ

والجديد كمان وانا ماشى لقيت صوت طقه فى المطبات جاى من ورا

وكده ضربت الرقم القياسى 4 اعطال فى اسبوع واحد

اقسم بالله بفكر انزل اعلان وابيعها

عشان كده شكل حد حاططنى فى دماغه ومركز معايا اوى والموضوع ده حصل مع واحد جارى فى عربيته الفيرنا لحد ما اتقلبت بيه وصلحها وعمل بيها حادثتين ورا بعض وباعها خرده بعد اخر حادثه
فالموضوع شكله كبير

**Medo.Malek** · 12-07-2012 03:27 AM

مش عارف اقولك اية والله
ربنا يكفيك شر العين و الحسد
و يهديك للصح

**eng_ghazaly** · 12-07-2012 05:08 PM

انا متهيألي ان مشكلة الكهربا (الدينامو) بـتأثر على البوابة ,,, اعتقد لو صلحت الدينامو البوابة هتبقى كويسة

**nouranwar** · 13-07-2012 03:48 AM

تبيع ايه يا ميسو حرام عليك
اصبر عليها و صلحها واحدة واحدة و هتبقي تمام التمام ان شاء الله

**ehab_mansour** · 13-07-2012 11:04 PM

الله المستعان

ربنا معاك أخي الفاضل و قدر الله و ما شاء فعل
معلش ربنا بيختبرك ليعلم مدي صبرك و رضاك و اتمني من الله ان تكون عند حسن ظن ربك بك

**misoalex** · 15-07-2012 12:01 AM

المشاركة الأصلية كتبت بواسطة medo.malek

مش عارف اقولك اية والله
ربنا يكفيك شر العين و الحسد
و يهديك للصح

شكرا لدعوتك وربنا يبعد عننا كلنا عين الحاقدين اللى بقو اكتر من الهم على القلب وفى كل حته
امال لو راكبين هامر كان حصلنا ايه :)

المشاركة الأصلية كتبت بواسطة eng_ghazaly

انا متهيألي ان مشكلة الكهربا (الدينامو) بـتأثر على البوابة ,,, اعتقد لو صلحت الدينامو البوابة هتبقى كويسة

انا شاكك برضه بس تفتكر ان لما البوابه بتعلق ومترجعش مكانها تانى ده برضه من الدينامو ولا ايه ؟؟

المشاركة الأصلية كتبت بواسطة nouranwar

تبيع ايه يا ميسو حرام عليك
اصبر عليها و صلحها واحدة واحدة و هتبقي تمام التمام ان شاء الله

والله هو كله جه مره واحده تقريبا فى اسبوع واحد كله جه ورا بعض ومش فى وقته اصلا خااالص

**misoalex** · 15-07-2012 12:07 AM

المشاركة الأصلية كتبت بواسطة ehab_mansour

الله المستعان

ربنا معاك أخي الفاضل و قدر الله و ما شاء فعل
معلش ربنا بيختبرك ليعلم مدي صبرك و رضاك و اتمني من الله ان تكون عند حسن ظن ربك بك

شكرا يا بشمهندس ايهاب
والله بقول الحمد لله على كل شيء بس كله لما بيجى مع بعضه الواحد بيبقى زعلان ومش عارف يعمل ايه ولا ايه

المشاركة الأصلية كتبت بواسطة bobbozo4b

+++++++++++++1
والله كلام ده فعلا انها اختبارات من ربنا سبحانه وتعالى
واتاكد ان شاء الله ربنا بيفاديك انت واسرتك بشوية حديد وفلوس

والله انا كمان بعد حادثة الصحراوى ليا انا والاسرة بشكر ربنا واحمده على سلامتنا كلنا
وقول تيجى فى الحديد والفلوس وتفادى الانسان احسن بكتير

الحمد لله انها بتيجى فى الحديد بس عارف لما يحصلك اول مشكله حتقول ماشى خدت الشر وراحت تانى مشكله حتقول برضه الحمد لله فى ستين داهيه تالت مشكله حتقول التالته تابته والحمد لله رابع مشكله حتقول ايييييييه لا كده فيه حاجه غلط
والمصيبه انك لسه مصلحتش اول مشكله اصلا

فالواحد حامد ربنا الحمد لله على كل شيئ بس بفضفض معاكم عشان حاسس انى حطق

**misoalex** · 15-07-2012 12:11 AM

طب دلوقتى طلع العيب فى كتاوت الدينامو وهى عباره عن شريحه فيها كل حاجه كتاوت وشربون وسليكونات
عارفين سمعت ان الاصلى زى اللى اتحرقت تمنها كام ؟؟
500 جنييييييه ماركه بوش وسألت عند كام واحد مفيش منها

واستعمال تقريبا مفيش منها ولو فيه ب 250 جنيه
الحل دينامو استعمال او استيراد وتمنه 350 جنيه وفيه اغلى من كده كمان

اعمل اييييييه ؟؟؟؟؟؟

**misoalex** · 15-07-2012 12:13 AM

نسيت اقول ان نفس القطعه دى فى الرينو لوجان(شبهها يعنى ) ب 500 جنيه برضه !!

هو احنا راكبين عربيات فرنساوى موديل 2012 وانا مش واخد بالى ولا ايه ؟؟؟؟؟؟؟

الموضوع: الدينامو اتحرق (كده اتأكدت ان فيه حد حاططنى تحت المنظار )

LinkBack

أدوات الموضوع

عرض

الدينامو اتحرق (كده اتأكدت ان فيه حد حاططنى تحت المنظار ) - انشر الموضوع فى :

-

-

-

-

-

-

-

المواضيع المتشابهه

معلومه غريبه لكن اتأكدت منها 0 فتيس اللانوس الأتومانيك 11 لتر زيت

سؤال بخصوص جراحة الانزلاق الغضروفى بواسطة المنظار ؟

انا اتأكدت دلوقتي ان قسم الفيات واخد عين

الكلاكس اتحرق

الكلمات الدلالية لهذا الموضوع

المفضلات

المفضلات

ضوابط المشاركة