ظبط زاوية في مدينة نصر

**hanysamirzaki** · 12-07-2012 01:45 AM

أرجو المساعدة أنا عاوز حد في مدينة نصر كويس يعرف يظبط زاوية لعربية m12 وشكرا

**Amr Axel** · 12-07-2012 02:09 AM

فيه واحد بظبط زوايا عنده من زمان جداااا و ناس اللي شغالين لو فيه حاجة في العربية يبصوا عليها و ينبهوك و ممكن يقولك تعمل ايه بدون اي حاجة
و ناس من المنتدي هنا راحوا اللي شغالين هناك قالولهم ع مشاكل في العربية ميكانيكية و عفشجية متوصلولش ليها اساسا
المحل في الحي السابع لو تعرف مصر و السودان و جنبه فرن كريستال ع نفس صفهم و انت رايح ع الحي العاشر محل اسمه الدالي هو ده كاوتش و تظبيط زوايا و ترصيص

**kaza** · 12-07-2012 05:10 AM

عن تجارب شخصية ولا واحد عدل في مدينة نصر باضبط زوايا عند واحد كويس عند محطة مترو انفاق كوبري القبة اسمة هنتر سنتر صاحبة اساسا مهندس سيارات بس استحمل تناكة الصنايعية لان لو عندك اي حاجة بايظة مابيرضوش يجوا ناحية الضبط نهائي الا بعد ما تتصلح وللاسف ما بيصلحوش وبالمناسبة الكشف مجاني وياريت الاخ الرقيب ما يفتكرش ان دة اعلان تجاري بس انا باعمل لمصلحة الاخوة في المنتدي

**mstool** · 12-07-2012 08:08 AM

انا كان عربيتى مطلعة عينى زيك كدة و رحت لاحسن ناس فى مدينة نصر و مفدونيش فى حاجة لحد لما ناس هنا فى المنتدى قالولى على مراكز محسن لظبط الزوايا و كان حطين نمرة التليفون بس هيا مش معايا
الراجل دة عندى جهاز انفراريد بيوقف العربية و بيحط للاربع عجلات اطباق كدة زى الدش بيبعتوا اشارات للجهاز الكبير كلة قدام عينك مكنتش مصدق ان حد بيشتغل كدة فى مصر بعد ما يعرف نوع عربيتك و عندة عربيات و سوفت وير كبير جدا على الجهاز دة (استندار زوايا العربية فبريكا )
و بيقارن و يرجعها زى ما كانت الكلام دة عملتة فى عربيتى بعد حادثة جامدة فى الشمال بعد ما دوخت فى مدينة نصر على واحد يزبطها و الصراحة زبطت حبة حلوين اوى لحد لما رزعت بيها مطب على 70 تانى
عنوانة : فى العباسية امام بنزينة مصر اللى ونها ازرق اللى هوا الطريق بتاع مدخل الكاتدرائية و قبل ما توصل جامع النور اكيد عارف الشارع دة و انتا ماشى فية قبل ما توصل لاخرة بحبة حلوين كدة هتلاقى البنزينة و هتلاقية قدامها عالطول اسال على البنزينة هوا يعتبر جواها اصلا
و ادعيلى لو زبطلك العربية
اخد منى على ما اعتقد 30 جنية بس او 20 مش فاكر اوى بس قمة فى الاحترام و الشغل الصح

**AMGAD1521977** · 12-07-2012 10:05 AM

المشاركة الأصلية كتبت بواسطة kaza

عن تجارب شخصية ولا واحد عدل في مدينة نصر باضبط زوايا عند واحد كويس عند محطة مترو انفاق كوبري القبة اسمة هنتر سنتر صاحبة اساسا مهندس سيارات بس استحمل تناكة الصنايعية لان لو عندك اي حاجة بايظة مابيرضوش يجوا ناحية الضبط نهائي الا بعد ما تتصلح وللاسف ما بيصلحوش وبالمناسبة الكشف مجاني وياريت الاخ الرقيب ما يفتكرش ان دة اعلان تجاري بس انا باعمل لمصلحة الاخوة في المنتدي

انا اؤيد كلامك انا بتعامل مع هنتر من اكثر من 10 سنين بصراحة ناس محترمة جدآ فى التعامل و عنده سوفت لكل انواع الاسبرانزا و انا اول ما جبت العربية زيرو موديل 2008 كان فيها الزواية من المصنع مش مضبوطة و ضبطها لى على الجهاز عنده و عرفت عنده وقتها موضوع النيتروجين ده و الميزة عنده انه بيقولك العربية فيها ايه لو مش مضبوطة يعنى مش شغل سلطة و خلاص بس نصيحة تراجع بس بعد ضبط الزواية بأسبوع ببلاش و كمان تضبط زواية كل 4 او 5 شهور للاطمئنان بس مش اكثر على الزواية او كل 5 او 6 الآف كيلو عشان احوال الطرق الجميلة عندنا

**hemaa_82** · 12-07-2012 06:12 PM

المشاركة الأصلية كتبت بواسطة kaza

عن تجارب شخصية ولا واحد عدل في مدينة نصر باضبط زوايا عند واحد كويس عند محطة مترو انفاق كوبري القبة اسمة هنتر سنتر صاحبة اساسا مهندس سيارات بس استحمل تناكة الصنايعية لان لو عندك اي حاجة بايظة مابيرضوش يجوا ناحية الضبط نهائي الا بعد ما تتصلح وللاسف ما بيصلحوش وبالمناسبة الكشف مجاني وياريت الاخ الرقيب ما يفتكرش ان دة اعلان تجاري بس انا باعمل لمصلحة الاخوة في المنتدي

المشاركة الأصلية كتبت بواسطة amgad1521977

انا اؤيد كلامك انا بتعامل مع هنتر من اكثر من 10 سنين بصراحة ناس محترمة جدآ فى التعامل و عنده سوفت لكل انواع الاسبرانزا و انا اول ما جبت العربية زيرو موديل 2008 كان فيها الزواية من المصنع مش مضبوطة و ضبطها لى على الجهاز عنده و عرفت عنده وقتها موضوع النيتروجين ده و الميزة عنده انه بيقولك العربية فيها ايه لو مش مضبوطة يعنى مش شغل سلطة و خلاص بس نصيحة تراجع بس بعد ضبط الزواية بأسبوع ببلاش و كمان تضبط زواية كل 4 او 5 شهور للاطمئنان بس مش اكثر على الزواية او كل 5 او 6 الآف كيلو عشان احوال الطرق الجميلة عندنا

وانا كمان واحد هنتر... وعلي فكرة هيه مش تناكة ... بس اظن انت بتشوف الضغط عليهم ازاي ...لو قعد يغيرلك بار ولا تيش ولا اي عفريت يبقي قول علي كوبر القبة السلام بقي ....
و عندهم الجهاز اللي بالانفرا ريد في الناحية الشمال ....
بس بصراحة اساتذة

**Mohamed_Nafie** · 12-07-2012 07:14 PM

على فكره بس .. بدل كل ده .. اللي أنا قلت عليهم فوق .. عندهم جهاز ال"Haunter One" برضه.. و هو بالازر.. بجيب أرْبع اجهزه تتثبت على عجل كله ... وفي الكمبيوتر بيختار العربيه ... أنا العربيه عندي "Electric Power" ده حساس أكتر من ال"Hydraulic Power" و لما رحتله .. قال لي إن عندك نص درجه بس ....