عرض للطباعة
السلام عليكم ورحمة الله وبركاته
محتاج رأيكم ونصحتكم يا اهل الرأي والنصيحه
هشتري سياره فان نقل موديل 2001 ياباني
ف حدود 15 الف
http://www.nilemotors.net/Nile/data:...UAgsjIwoUKIP/Z
زي دي ....
هروح اشوفها بكرا
بس انا مشترتش عربيات قبل كده ومعرفش فيها حاجه تنصحوني بايه
وايه اللي لازم اخد بالي منه وازاي اتاكد من ورقها وانها سليمه
انا كده كده هشوف ميكانيكي بس احب ابقي فاهم
وملقتش ناس اكتر منكم خبره بالسيارات
جزاكم الله خيراً
انا هستعملها في توزيع المواد الغذائيه
اتمني الموضوع ده يفيدك لكن طبعا ميغنيش عن ان يكون معاك ميكانيكي فاهم و يكون ثقة لكن برده هيساعدك تبص ع ايه
تعالوا نعرف نعمل ايه لما نيجي نستلم عربية جديدة او مستعملة
http://www.nilemotors.net/Nile/244408-a.html
و الورق و الرخصة و الكلام ده كله تتأكد منه من المرور اوعي تاخد كلام و تقول أصله ثقة و يدخل عليك بكلمتين حتي لو وراك الورق تتأكد من المرور و التسجيل في الشهر العقاري زي ما حضرتك عارف الاجراءات
و طبعا فيه صيانات تعملها اول ما تستلم العربية ان شاء الله عشان تبدأ معاها صفحة جديدة بعيدا عن المالك القديم
و هقولك حاجة بيقع فيها كتيير قد ينم عن جهل بالقواعد و الطريق الصحيح او منظرة او تقليد اعمي و هو تركيب جنوط عريضة بدرجة مفزعة بهدف تحقيق الثبات و الامان لكن في المقابل بتكسر العفشة و تحمل ع العربية و احيانا ممكن من كتر العرض و الارتفاع الكاوتش يلف بالعافية و يحك في بدن العربية لأن قياسات الجنوط و الكاوتش في العربيات ليها قواعد و أصول المفروض نمشي عليها مش اي حاجة بتتحط و خلاص
فخليك في المعقول و متزدش عن المقاس الاصلي ممكن تعرض الكاوتش شوية و تعلي الارتفاع بما بتناسب مع العرض و بدن العربية لكن الجنط يكون نفس المقاس اللي نازل مع العربية
و اي استفسار اتفضل
و ان شاء الله هنستني تقرير عن العربية :)
Axel
الف شكر يا غالي افدتني بالكثيييير
واكيد اي استفسار هكلمك وربنا يستر بمقاش تقيل عليك في أسألتي ^_^
جزاك الله خيراً
يا باشا في اي وقت اتفضل
اهم حاجة بقي متنسناش بالتقرير :)