خرطوم بلاستيك صغير وقع في تنك البنزين

**smshooo** · 12-07-2012 03:51 AM

نظرا لظروف نقص البنزين اضطريت انقل بنزين من احد اصدقائي , قدر ربنا ان قطعة خرطوم بطول 15 سم تقريبا وقعت في تنك البنزين.... محسيتش ان فيه مشكلة في العربية الوقتي.....هل ممكن يعمل مشاكل لو اتساب؟؟؟؟؟؟؟؟

**ahmed_m_ashraf** · 12-07-2012 04:39 AM

معلش سؤال جانبي،
هو فيه نقص في البنزين؟! حضرتك بتحط بنزين كام؟مع

**Fantooos** · 12-07-2012 07:57 AM

أعتقد مش من المحبذ انك تبقى عارف انى فى حاجة فى تنك البنزين وتسيبها . نصيحتى لحضرتك انك مع اول صيانة جاية تبلغ التوكيل بالى حصل علشان يحلوا التنك ويشيلو البلاستيكة دى ولونى مش عارف هتتأكد أزاى انهم شالوها

وعموما انا عندى فكرة مش عارف تنفع ولا لا . ببساطة كده البلاستيك المفترض انه هيطفوا فوق البنزين جوة التنك وبالتالى جرب تفول العربية على سرعة مسدس البنزين البطئ (لتقليل حدوث الفوران الى اقل حد) لغاية ما البنزين يطلع من الزور الى خارج العربية أعتقد لو البلاستيكة طلعت من التنك للزور بالطول مش بالعرض هتلاقيها طافيه فوق البنزين وتخرج برة