لوجان مانيوال 2013 فول اوبشن المميزات والعيوب

**mohamed raafat** · 12-07-2012 10:48 AM

انا عملت الموضوع ده يا جماعة عايز كل الى استلم العربية يكتب فيه التقرير كامل عنها مميزتها عن الموديلات السابقة وعيوبها الجديدة وهل عيوب نفس الموديلات السابقة اتعالجت ولا لسة موجودة فيها ان شاء الله انا لسة ما استلمتش وحستلم يوم الحد الى جاى وحقولكم ايه الى حصل معايا بالظبت تعاونو ليستفيد الجميع

**yousse_mohamed** · 12-07-2012 11:26 AM

انا استلمت ولا قللولى تقرير ولا حاجه موديل2011

**mohamed raafat** · 12-07-2012 04:04 PM

ايه يا شاباب هو مفيش حد استلم لوجى 2013 ولا ايه؟

**mohamed raafat** · 17-07-2012 10:33 AM

الحمد لله استلمت على خير يوم السبت الى فات وفولت الت اول تفويلة العربية بسم الله ما شاء الله بجد جميلة قوى ومفيش اى عيب من العيوب الى قريتها هنا فى المنتدة ظهرت معايا ولا سخونة ولا غيره العربيةالاستابيلتى بتاعها ممتاز وجميل والعفشة فوق الممتازة ومفيش صوت موتور عالى ولا حاجة هو بس المشكله فى توزيع اماكن زراير الاوبشن انا شايف انه غريب شوية بس مع الوقت اعتقد حاخد عليه زى زرار قفل الازاز تحت فرامل اليد وزراير رفع الازاز الى ورا فى ظهر الفرامل والمرايات الكهربا قدام فرامل اليد والكلاكس فى يد النور يعنى بس عامة والله العربية زى الفل وبنصح اى حد بيها لو بيفكر يشترى

انا عندى بقى بعض الأسئلة للوجانية الكبار القدام
انا اولا مبحرقش بالعربية خالص يعنى كبيرى 2500 لفة ار بى ام ولحد دلوقتى معدتش ال 100 كم / ساعة يعنى خايف من موضوع التليين ده بس فى نفس الوقت عايز افتح الموتور بس خايف على العربية بصراحة ده بيأثر ولا لأ

وثانيا انا بشغل التكييف والعربية زيرو لأنى مبتقش الحر بصراحة
برده ده بيأثر ولا لأ

حاسس العربية مش بتاخد سرعتها بسرعة يعنى بتاخد وقت على بال ما تجمع برده ده عادى ولا ايه

ارجو الافادة فى هذه الاسألة

**كوباية شاى** · 17-07-2012 02:34 PM

متخفش من التليين .. الموتور بييجى متلين

التكييف شغلة عادى مفيش اى مشكلة

و السحب عادى و هيتحسن جدا بعد 1000 و هيتظبط بشكل نهائى بعد 5000

**YahiaAshraf** · 17-07-2012 02:49 PM

المشاركة الأصلية كتبت بواسطة كوباية شاى

متخفش من التليين .. الموتور بييجى متلين

التكييف شغلة عادى مفيش اى مشكلة

و السحب عادى و هيتحسن جدا بعد 1000 و هيتظبط بشكل نهائى بعد 5000

يعنى ايه الموتور بيجى متلين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

**mohamed raafat** · 18-07-2012 09:30 AM

[QUOTE=said24581;3874439293]مبروووووووووووووووووووووو ووووووووووووووووووك

الله يبارك فيك يا ريس

**mohamed raafat** · 18-07-2012 09:35 AM

المشاركة الأصلية كتبت بواسطة كوباية شاى

متخفش من التليين .. الموتور بييجى متلين

التكييف شغلة عادى مفيش اى مشكلة

و السحب عادى و هيتحسن جدا بعد 1000 و هيتظبط بشكل نهائى بعد 5000

يعنى اعدى ال 100 براحتى ولا ايه انا
انا النهاردة جبت ال 120 لاحظت ان الموتور صوته على قوى مش عارف بقى

**jackson_75** · 18-07-2012 03:16 PM

المشاركة الأصلية كتبت بواسطة mohamed raafat

يعنى اعدى ال 100 براحتى ولا ايه انا
انا النهاردة جبت ال 120 لاحظت ان الموتور صوته على قوى مش عارف بقى

يافندم نصيحة لوجه الله , ما تجريش بالعربية وماتزودش عن معدل 3000 أر بى أم قبل الألف الأولى ,, يعنى لأزم تمشى على مهلك فى الألف الأولى عشان تأخد من العربية أحسن أداء بعد كده .. بالنسبة للتكيف مش هأقدر أفيدك بس اللى أعرفه أن فى عربيات كتير جديدة بينصح فيها بعدم تشغيل التكيف فى أول ألف كيلو .. نصيحة أرفع سماعة التليفون وأسال مهندس متخصص فى فرع العبور , وخد برأى مهندس أخر فى فرع القطامية .

أنا كنت عاوز أعرف حضرتك جبت العربية منين وبكام لأنى كنت بفكر أجيب واحدة ان شاء الله اليومين دوول ؟ وهل أستلملت على طوول ولأ أخدت فترة ؟
- عاوز أعرف منك بردوا أيه رأيك فى قاعدة الجلوس يعنى مستريح وأنت قاعد وكاشف أبعاد العربية كويس ؟! أنا عارف أن مفيش مسند يد فهل ده مديقك وأنت أيدك على طول مرفوعة وهل بتفكر تعمل مسند ولأ مش فارقة ؟!!
- أيه رأيك فى التكيف .. حلو وشغال فى الحر ده كويس ولأ مش قد كده وكنت تتوقع مستوي اداء أحسن ؟
-هل لما بتيجي تنقل لأزم تدعس الدبرياج للأخر وهل فعلأ صحيح أنه لأيقبل النقلأت لو هاتبقى نصف دوسة فلأزم تكون للأخر ؟
- الكاسيت جربت صوته ,, أنا أعرف أنه بيبقى متشفر ولأزم تروح التوكيل ؟
- هل أستلمت هدايا دوسات أو حاجة من هذا القبيل عند التسليم ؟
وأخيراً أرجو من الله عز وجل ان يطعمك خيرها ويكفيك شرها وأسف على الأطالة