الموضوع: صيام اللسان فى رمضان

المشكلة اننا نسينا ان ملايكة مبتسيبناش بتكتب كل حرف وهنتحاسب عليه

وانتشر الهزار بالشتايم
وفى ناس تتحجج ان لسا نها اتعود على كده خلاص مع ان الحديث"انما العلم بالتعلم وانما الحلم بالتحلم

مفيش حاجة اسمها اتعودت ومقدرش فى ضعف ارادة وعدم عزيمة فعلية على التغيير

والأسوأ ان مش كفاية ذنوب اللسان اللى فى الحياة الواقعية الناس وخدة راحتها على النت على الآخر كأن ده معليهوش حساب تلاقى شتايم واتهام بالخيانة وتكفير كمان

وتلاقى ناس متعرفهاش يوم القيامة بتاخد من حسناتك او بتديك من سيئاتها (( انت مين يا عم انت ))انا من المنتدى الفلانى ولا من الفيس اوتوي تر مش فاكر يوم ما شتمتنى

وممكن واحد يحكى عن قريبه مثلا موقف ويقعد يشتم فيه ناس تشارك وهو يشيل ذنوبهم كلهم

او يحط صورة بروفايل تخدش الحياء وملايين يشوفوها ويحمل اوزارهم كلهم معاه

ده غير استمرار الكلام السىء او الصور دى بعد موته يعنى يخرج من الدنيا وعداد السيئات شغال

فرمضان فعلا فرصة لتهذيب الللسان

والأغرب ان فى ناس بتفصل بين نهار رمضان وبعد الفطار فيمسك نفسه فى الصيام بس وبالليل الذنوب مسموح بيها عادى