ياترى بتسمع اية وانت راكب السيارة ؟؟
- راديو ؟
محطة اية واية الاوقات اللى بتحب تسمع الراديو فيه ؟
ولو كان الكاسيت ؟
- اية الاغانى اللى بتحب تسمعها ولمين وامتى؟
عرض للطباعة
ياترى بتسمع اية وانت راكب السيارة ؟؟
- راديو ؟
محطة اية واية الاوقات اللى بتحب تسمع الراديو فيه ؟
ولو كان الكاسيت ؟
- اية الاغانى اللى بتحب تسمعها ولمين وامتى؟
شريط جزء تبارك لمحمد جبريل حاليا مشغلاه على طول.. يا رب أقدر أحفظه :)
علي ال FM tranmitter
المصحف مجود للشيخ عبد الباسط الله يرحمه
أحسن إختيار بجد صوت التجويد لعبد الباسط عبد الصمد أحسن ما سمعت الى هذه الحظة وبدون تحيز بس أنا معنديش شرائط ليه
بحب أسمع سورة البقرة للعجمى
http://www.cheesebuerger.de/images/smilie/set/070.gif http://www.cheesebuerger.de/images/smilie/set/020.gif http://www.cheesebuerger.de/images/smilie/set/019.gif http://www.cheesebuerger.de/images/smilie/set/016.gif http://www.cheesebuerger.de/images/smilie/set/021.gif http://www.cheesebuerger.de/images/smilie/set/016.gif http://www.cheesebuerger.de/images/smilie/set/014.gif http://www.cheesebuerger.de/images/smilie/set/006.gif http://www.cheesebuerger.de/images/smilie/set/013.gif http://www.cheesebuerger.de/images/smilie/set/010.gif http://www.cheesebuerger.de/images/smilie/set/015.gif http://www.cheesebuerger.de/images/smilie/set/001.gif
1 - اذاعة القرآن الكريم
2 - الشباب والرياضة .... لو فيه ماتشات
3 - شريط شاطر شاطر .....وشخبط شخابيط لو معايا ابراهيم
4 - شريط قلبي مساكن شعبية لمحمد منير .... لو ابراهيم زهق من الشريط السابق
5 - اذاعة القرآن الكريم تاني .... لما يكون ابراهيم نام
لو صاحي و حاسس اليوم جميل و الجو لذيذ و الدنيا ربيع و الجو بديع .. بسمع بوب مارلي و كوين و الفيس و البيتلز و deep purple
لو رايح رحلة مثلا عشان اخش في المود بشغل ac/dc
لو نازل و حاسس يوم عكننة و الطريق وحش و ناوي نية سودة للي يدوسلي علي طرف .. بشغل pantera , motorhead
لو نازل بقي مشاوير اللي هي بوصل حد من البيت او بجيبه بشغل نايل اف ام
اذاعه القرأن الكريم
قرأن و اغاني من علي الموبايل ( اصلي موصله بكاسيت العربيه )
انا بفى لو موش عايز اتخنق بالناس اللي حولبا اديه اصالة
ولو عايز ابقى رايق اديها عمرو دياب
ولما ابقى نتعصب اي حاجة في الراديو
هو الموضوع ده مكرر , ولا انا بيتهيألى
اغانى و مكسات House, Trance
و Nile FM طبعا عشان ال Hot Mix
بشغل شريط سورة البقرة للشيخ أحمد العجمى
في المشاوير الصباحية بحب اسمع قران بصوت مشاري راشد
في بقية اليوم وسط الزحام و الهبل اللي في الشوارع .....حسب الموود بقي لو عاوز ابقي بلطجي اي حاجة تيكنو ساش مثلا ........ ساعات بديها حاجات هادية كلاسيك ام كلثوم او فيروز و ارسم ابتسامة هبلة علي وشي و اسوق بتناحة
بس اكيد بكون مستمتع و انا بسمع فيروز
قرآن الصبح
و بعد كده اغاني
و حاليا منييييييييييييييييييير بس في الاغاني اللي بسمعه
أنا بشغل الـ Mp3 وأعيش مع نفسى
تامر حسنى
هيثم شاكر
اليســا
عمرو دياب
ههههههههههههههههههههههههه هههههههههه...عسل يامان ربنا يخلية لك. انا كمان عندي نفس الحكاية. لما بنتي دارين بتركب العربية اول كلمة تقولها (بابا...شغل عالدنيا) ودي اغنية " حبك صالحني عالدنيا" لوردة. لما تنام اشغل منير او اصالة او مدحت صالح وساعات بحب اسمع اجنبي بس الاساس اذاعة القرأن الكريم بنسبة 80%
قرآن مشار راشد سورة يوسف
اناشيد مشاري راشد وخصوصا انا العبد وبكت عيني
فيروز لو عايز اهدي اعصابي
أصاله - عمرو - فؤاد - جنات
أنا بسمع القرأن من إذاعة القرأن الكريم، وبعدين FM.
لو مش راديو حيكون Madonna على فكرة يا جماعة البومها الجديد جامد جداً أو نوال الزغبي عشان أنا بحبهم جداً وبعديهم أي حاجة تانية تكون حلوة.
بحب أسمع دروس عمرو خالد.
عمرو دياب واصاله او شيرين لكن لو عايز تعمل حادثه لقدر الله شغل تامر حسني مبارك
أسطوانة القران الكريم لمشاري راشد
عاوز أعمل أسطوانة mp3 لأغاني الأطفال علشان لما لجينه وهانيا يبقو معايا ترشحولي ايه
لو مش عاوزة اسمع حاجة اوى و مش رايقة بقضيها مع الراديو اذاعة الاغانى مثلا لكن نجوم اف ام دي بتعصبني مووووووت
لو رايقة و رايحة حاجة لذيذة و مبسوطة موووت يبقي منير بذات اخر البوم و خصوصا نايجرى بيه و يونس و ابو ااطاجية . دول بفضل لعيد فيهم لحد ما اوصل
لو فى العادى بأة عمرو دياب خصوصا القديم بس اليومين دول مقضياها عبد الوهاب و فيروز
واضح ان مافيش حد بيسمع الاذاعات المحلية الرسمية :
البرنامج العام
الشرق الاوسط
الشباب والرياضة
طب لية ؟؟
الطبيعى بتاعى...ان الصبح بدرى...اول ماركب العربيه...قرآن كريم
حوالى نص ساعه كده....وبعد كده
.................................................. .......
منير
او cold play
او pink floyd
او Red Hot Chili Peppers
................................
باقى اليوم بقه بعيد عنكم death metal و black metal
على كل شكل ولون
.................................................. ....
لو متعصب او مخنوء او عايز اموت حد وانا سايق بسمع
amon amarth
behemoth
dimmu borgir
cannibal corps
.............................
عندى drag race بسمع
KILL SWITCH ENGAGE
NILE
rammstein
...............................
مزاجى رايق....بقضيها HEAVY METAL
IRON MAIDEN
MEGA DEATH
فقط
.............................
وبرجع طبعا مش شايف قدامى...ولاسامع حاجه بودانى http://www.nilemotors.net/Nile/images/icons/icon10.gif
طبعا مافيش احسن من خير الذكر
انا معظم وقتي بقضيه في القرآن الكريم و دروسه و نداوته
ايضا اناشيد الشيخ مشاري و اذكار الصباح صباحا و اذكار المساء عصرا و مساء
دايما لما بيبقي معايا مازن ومالك بشغل شخبط شخابيط و اغنية بابا بتاعة هنيدي بناء علي صراخهم اقصد طلبهم
في السفر الطويل احب انوع عشان السرحان يعني احب اسمع اليسا و انغام الالبوم الجديد و منير ده حبيبي
علي فكرة حد سمع قصيدة ليس الغريب بتاعة الشيخ مشاري لان القصيدة دي ليها قصة معايا اول ما سمعتها ركزت معاها قوي و عجبني كلامها المباشر جدا و خلاني اسرح و اعيد حساباتي في كل شيء و لما سمعتها لمراتي انهمرت في بكاء و القصيدة دي كانت نقطة تحول في حياتها بشكل رهيب اذ جعلتها اكثر التزاما و اصبحت مواظبة علي الفجر حاضر و ايضا التهجد كل يوم و لا تشاهد في التليفزيون غير قناة الرحمة و الناس و اصبحت تعنيني اكثر علي الطاعات
و لما اختي سمعتها قعدت تعيط كتير برضه
انصحكم بسماعها بتدبر فهي رهيبة جدا و كلامها مباشر جدا
فهي لمن لا يعلم يحكي فيها الشيخ مشاري كأنه شخص يحتضر و ردود افعال من حوله و يسرد كأنه مات و يحكي كميت ماذا يحدث له بالتفصيل قبل و اثناء و بعد دخوله للقبر
محمد فهمي
بالظبط زيي وكمان شريط ألبوم حنيني كله وشريط سورة الرحمناقتباس:
قرآن مشاري راشد سورة يوسف
اناشيد مشاري راشد وخصوصا انا العبد وبكت عيني
ليل ونهار مشغلهم وأحيانا أحمد بو خاطر(لسوف أعود يا أمي)
وأحيانا نريح الكاسيت ونشغل الراديو على إذاعة القرءان الكريم(الكويت)
بس دلوقتي للأسف أنا مش عندي عربيه في مصر ..
New Age Music
انغام اخر شريط ليها (كل ما نقرب) و عمر دياب و اليسا
و اليومين دووول طلبت معايا ام كلثوم علشان اسمعها عالكمبيوتر بس مش عارف احيب اغنيها منين و ياريت لو حد يعرف لينك يكتبوة
و شكرااااااا
أنا عندي سي دي في العربية
عندي سي دي إم بي ثري حاطط عليه كذا مصحف ... بيفضل شغال على طول
وعندي سي دي تاني حاطط عليه music for Yanni , Hanz Zimmer , Fracyics goya , George Zampher , Omar Akram , and some coctail
كله موسيقى بس
وده بشغله ممكن مرة كل إسبوع مثلا
والراديو ... بقعد أقلب كدة وأسمع أي حاجة ... أنا ممكن أشغل الراديو مرتين في الشهر مثلا
احب اسمع الصمتتتتتتتتتتتتتتتتتتتتت تتتتتتتتتتتتتتتتتتتتتتتتت تتتتتتتتتتتتتتتتتتتتتتتتت تتتتتتتتت
محدش يفتح بقه في العربية الا لما انا اكلم و لو حد كلمني ممكن مردش عليه و لو حد شغل اغاني يعرف انه ضايع ضايع ضايع لاني هركز مع الاغنية و انفض للطريق:oops:زي من 3 ايام كنت سايق في المهندسين انا و والدي و لقيت ليون سوداء اللون والله ركزت معاها و نفضت للطريق و كنت هلبس في استرا مرتين:):):)
عندك حقاقتباس:
هو دة قصدى من الموضوع اننا ممكن نستفيد من خبرات بعضنا لاننا ممكن نقضى وقت طويل فى السيارة اكثر من المنزل
.........
فعلا يا أستاذ محمد فهمني النشيد ده رائع كباقي أناشيد العفاسي ... ربنا يثبته ويثبتنا .
قران يصوت امام الحرم المكي الصوت الملائكي السديس
ومحمد منير الاغاني القديمة