بخصوص الموضوع ده

http://www.nilemotors.net/Nile/299003-a.html

السيارة هوندا سيفيك 1993 EX كاربراتير

معلش الموضوع طويل شوية أستحملونى وناقشونى لأنى أول مرة فى حياتى أشترى عربية وسواقتى لسه مش قوية أوى بس الأهم ناقشونى فى اللى بقوله الله يبارك فيكم.

إمبارح أخدت العربية ووديتها بنزينة شل فى شارع أحمد عرابى فى المهندسين

العربية كان عليها جبل من الأتربة يبنى عمارة

نضفت العربية برة وجوة والماتور وظبطت الدنيا

بعد ما خلص التنظيف أدور العربية أسمع فيها صوت عالى زى زنة قوية كده

أتجننت وقولت الفلوس اللى حيلتى راحت .. راااااااااحت رااااااااااااحت

قلت أجرب أشغل الإنتظار .. لقيت الصوت رااااااح .. أعمل إشارة يمين أو شمال الصوت مش موجود .. أوقف الإنتظار وارجع الإشارات لوضعها الصوت يرجع تانى .. قلت خلاص سيبنا منه.

المهم بعد فترة لما العربية نشفت الصوت راح لوحده الحمد لله.

رحت لمكانيكى عنده كشف كمبيوتر وكل حاجة فى صقر قريش

1. رفعنا العربية هوب فيها إيه (كوبلن اليمين بيسرب زيت وعاوز يتغير والكاوتش اللى حواليه مفرتك)

2. كمان تانى حاجة لقيتها (فى تسريب بسيط أوى أوى فى تانك البنزين من تحت).

3. قاعدة الموتور مخلية الموتور مايل شوية ناحية اليمين وانت واقف قدام العربية وبيقولوا تتغير (هل ليها حل تانى)؟؟

4. النور بتاع التابلوووه ضعيف جداً .. فكينها عند الكهربائى طلع الداير بتاعته محروقة ومحتاجين نغير التابلوه كله.

5. الفوانيس اللى البيه كان مركبها تعبانة مولة والغريب أنه شايل الفوانيس الأصلية بتاعتها مش عارف ليه هاخدها منه وأركبها تانى ونجرب.

6. التكييف الراجل بيقول السربنتينة بتاعته صغير وعاوزنا نجيب سربنتينة كبيرة مش عارف كلامه ده صح ولا لأ؟؟

8. ده ملخص للى حصل إمبارح والنهاردة هيتم الكشف على كل السيور والبوجيهات والفلاتر إن شاء الله ونشوف إيه اللى عاوز يتغير فيها ؟؟