استفسار بخصوص كارت بريميم للتقسيط

**drmomoking** · 12-07-2012 01:15 PM

حد عندة فكرة او يمتلك كارت بريميم للتقسيط و اية رايكم فية و هل فعلا بيتعامل بية مع كل الاماكن الموجودة على موقعهم

واية شروط او طريقة اصدارة لانة فى ال كوول سنتر كل مرة حد يرد بكلام مختلف

و ياريت رايكم عنة بشكل عام

شكرا

**drmomoking** · 13-07-2012 08:02 PM

اية يا جماعة محدش يعرف؟

**samyyousef** · 13-07-2012 08:10 PM

السلام عليكم
من الناحية الشرعية لا اعلم مدى شرعيته
من ناحية الاستخدام فالمفروض انه يستخرج على كارت فيزا البنك الاهلي و يقسط المبلغ على 10 شهور بدون فوائد
لكن بعض المحلات - من باب الاستهبال المعهود - يقولون لا يستخدم البريميم في التخفيضات!!!! و يحاسبك على مبلغ اعلى
قمت بشراء 4 فرد كوتش من بريدجستون و لم يستهبل و حسب المبلغ كما هو و لم يزيد في المبلغ بحجة ان هناك تخفيض

**Sh_sunsea** · 13-07-2012 08:22 PM

هو كارت مفيد - ولكن يشوبه بعض العيوب

انا عاملة تبع الشركة - وليس له علاقة بأي بنك

بيقسط على 10 شهور بدون فوائد - معظم التخفيضات غير سارية عليه - يعني أي محل عامل تخفيض - ما تقدرش تستفيد بالتخفيض ده لو هاتستخدم الكارت

لكن مش من حق أي محل انه يزود عليك أي مبلغ عن السعر العادي - راديو شاك بيطلبوا زيادة 10% لو هاتستخدم الكارت - ارفض واتصل بالبريموم واعملهم فرح

أكتر مكان مفيد معاه رايه وبريدجستون - المشكلة الي بدأت تتكرر فيه السنة الأخيرة دي - ان يحصل مشكلة مع مكان بيتعامل معاه - ويوقف التعامل شهرين مثلا لحد ما تتحل - حصلت مع راية من فترة وخلصت ودلوقتي متكررة مع محل تاني

**drmomoking** · 14-07-2012 06:06 PM

شكرا للردود وبانتظار مزيد من التفاصيل

**drmomoking** · 15-07-2012 06:38 PM

مفيش حد عندة معلومات

**WalidAdel** · 15-07-2012 07:00 PM

Premium Card

بتخش حضرتك علي اللينك دي و تملي الطلب و هما بيتصلوا بحضرتك
كنت عملتها مره و بعدين اتصلوا بيا و قالوللي علي الورق المطلوب و كانوا هاييجوا ياخدوه من عند باب البيت بس انا اللي سافرت مده طويله و بعدين نسيت