فى الحقيقة ان الدال على الخير كفاعلة
ر
حبيت احذر اى حد رايح يشترى سيارة من بعض الانواع لية يا ترى ؟
كل يوم بنحمل سيارات على الونش (ونش الانقاذ )
والغريبة انهم انواع لا تتغير
وهى
1- رينو ميجان
2- شيفورلية كروز
3- بى ام دبيلو
4- اللادا
عرض للطباعة
فى الحقيقة ان الدال على الخير كفاعلة
ر
حبيت احذر اى حد رايح يشترى سيارة من بعض الانواع لية يا ترى ؟
كل يوم بنحمل سيارات على الونش (ونش الانقاذ )
والغريبة انهم انواع لا تتغير
وهى
1- رينو ميجان
2- شيفورلية كروز
3- بى ام دبيلو
4- اللادا
يا راجل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!
وده اسمه ايه
اول ثلاث انواع وده بسبب انها عربيات معقده ومش اي حد بيشتغل فيها
انما اللادا دي غريبه شويتين
يا راجل اتق الله حرام عليك بس
يعنى انت داخل تحذر الناس
ولا تكره الناس فى عربياتها يعنى...بالله عليك لو معاك أى نوع مثلا ملا بيجو
ودخل واحد يقولك أنا بحدذر الناس أوعى أى حد منهم يقرب ناحية البيجو.....
بالله عليك هتعمل فيه ايه ساعتها....؟؟؟؟
اختر عنوان الموضوع بعناية عشان يدل عليه ... ده عنوان يسد النفس يا باشا والله
لا يا راجل كله الا البي ام
دة انا معايا منها اتنين ... واحده كوبيه والتانية جيب والاتنين ماشيين معايا زي الفل
هي صحيح بتحك في المطبات والابلاتنين سعات بيضرب لكن مقدرش استغنى عنها ابدااااااااا :grinder:
الاسبرنزا 516 بلاقيها كتير عطلانه على جنب فى الدايرى (خصوصا التاكس الابيض)
تصدق أنا بقالي بتاع كام شهر كده مابارودش بس بصراحة مقدرتش امسك نفسي
العربية اللي بتتحمل ونش دي بتتحمل ليه عشان عاملة حادثة ولا عشان عطلانة ؟!!!
وإيه اللي هيخلي ال 4 عربيات دول بالذات هم اللي يبوظوا
وأنهي bm اللي بتبوظ فيهم بالضبط إنت عارف البي ام كام فئة وكام موديل
ولا كلهم بيتحملوا عندك
وبعدين إنت كشفت على العربيات دي عشان تعرف فيهم إيه ؟!
يعني عيوب صناعة ولا اهمال ولا حوادث؟
وسؤال رفيع كمان وأروَّح
إنت مراقب كل الاوناش اللي فالبلد وعملت احصائية إن هي دي أكتر أنواع بتتحمل على ونش ولا ده ونش مخصوص
يعني لو كان الكلام ماتجيبوش العربيات لو ساكنين فالهرم عشان العربيات دي بتبوظ هناك متهيألي كان هيبقى منطقي أكتر من اللي إنت قلته ده
موضوع غير مناسب ....
اولا عندنا 5 اوناش
وهذه احصائية فى الشركة عندنا
من خلال 1200 سيارة فى القاهرة الكبرى
والعربيات اللى بتكلم عليها دى بيكون الاعطال كهرباء او ميكانيكا وبنوديهم التوكيل
مش حوادث انا بتكلم عن اعطال عادية
واحنا هنا فى المنتدى بننفع بعض
يعنى لا احب ان واحد يشترى سيارة ويكون كل يوم فى التوكيل
والكلام لو مش عاجب بعض الناس ممكن يفيد ناس تانية
وشكرا
على عدم الاحترام للاخر
اما عن العربيات اللادا
المشكلة ان البيض بتاع العفشة بيملص
والبعض عالج المشكلة
بتغيير البيض وتعديلة ببيضة مقص الشيفورلية الدبابة
ودة حل متجرب منذ سنوات
واعتذارى لاصاحب اللادا
شكرا على الموضوع فعلا حاجة جديدة
بس يعنى كلة الا الــ bmw دى عربية معمرة جدا ومعمولة عشان تقاوم اقوى الظروف
-------------------------------------------------------
ممكن اضيف لقائمة السيارات الغير امنة اطلاقا وبشوفها عاملة حادثة على طول ومتشالة على ونش
(هيونداى فيرنا)
عربية حوادث وفتحا بيوت صنيعية كتير
(لانسر بومة)
حواث الله واكبر عشان اكثر فئة بتشترى العربية دى الشباب وبيجرى بيها جامد
البى ام واللهى جميلة انا تكلم على الاعطال
مين معاة فلوس يروح كل شوية على التوكيل
وكمان العمالة الفنية فى مصر مش محترفين 100 فى ال 100
مينفعشى نركب عربية تتعبنا وتبهدلنا
البى ام حلوة وهى زيرو
موديل السنة
الموديلات القديمة بلاش احسن
والدليل ان الموديلات القديمة سعرها رخيص
ومحدش بيشتريها اد كدة
دى وجهة نظر
سيدي الفاضل ال bm لما بتعلق نمر سعرها بينزل جامد جدا مقارنة باي عربية تانية
عشان كده القديم سعره رخيص
سؤالي ليك بقى موديلات إيه في bm اللي بتبوظ كده
وكل يوم تشيلها بونش ؟
وهل مشاكل الميكانيكا والكهربا اللي فيها دي بتبقى بسبب اهمال صاحبها أو عشان راح لصنايعي بوظهالوا ولا عشان العربية وحشة ؟؟؟
ياباشا ماحدش قال إن كلامك غلط
استنتاجك هو اللي غلط
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ه فعلا يا جماعة الاوناش مالية البلد انتوا اللى مش واخدين بالكو ....بس ازاى كل يوم بى ام ...دا على كده احنا شعب غنى اوى :d
اول 3 عربيات بيتحملوا على الونش علشان اي واحد ه بتعطل فيهم محدش ليه قلب يسحبها علشان دي عربيات بفلوس مش شغل عيال
ده غير ان صحابها معاهم تمن الونش اللي حيسحب العربيه مش اجره السحب بس فمفيش داعي يكلم ميكانيكي يجيله او يكلم واحد صاحبه يقطره ..
اللادا بقى هي اللي ممكن تسحب الونش مش عارف انا انت جبت الكلام ده منين ههههههههههه
انا شايف ان الانواع المكتوبة منطقية
يا بيه ايه اللى جاب تعبان طول اليوم على الطريق فى الموضوع أساسا
ما كلنا تعبانين فى شغلنا عادى يعنى مش حاجه غريبه
الموضوع حريه شخصيه....موضوعه طريقته مش عجبانى
ممكن الموضوع يعجب حد غيرى يعنى ..... كل واحد ودماغه بقى
وبعدين بتقولى مش بيكره الناس فى عربياتها...أمال تحذير من الأنواع التاليه ده إسمه ايه والنبى..!!!!
أخيرا أنا شايف إن طريقة كلامى محترمه الحمد لله ومغلطتش فى حد...لو شايف غير كده إنت حر أكيد....هى دى الديمقراطيه بقى...
هو الموضوع مبالغ في شويه اكيد bmw وميجان الاكثر اعطالاً لأن تكنولجيا عاليه جداً بس زى البيجو والاودى والستروين عادي جداً بس مش لدرجة انهم على طول على الونش وبعدين الكروز؟؟؟ دى دايو فعلا مستحيل تروح على ونش الا في حادث والادا؟؟؟؟؟ صعب جداً لان تكلفة نقلها بونش يعملها عمرة متور في مكانها معلش مبالغ شويه بس اى رقم هيخدو الونش يجيب ميكانيكى يدورها فى مكانها بسهوله وطبعاً احنا نشكر مشاركتك بس لو انت بتاع خدمة انقاذ ممكن تعمل موضوع بس بدقه يعني هتتعب شويه وتجمع نمر كل بتوع النقاذ وتحصر انواع العربيات اللى اتنقلت وسبب النقل حادث او عطل وبكده تبقى عملت موضوع يستحق التقدير والتثبيت فى المنتدى والله المستعان
أشكرك على الإفادة
جزاك الله خيراً
-
غريبه البى ام ايلى بيعطل ده ؟؟
مافيش عربيه مابتعطلش وخاصه bwm وعموما الألماني أكثر أعطال إلا المرسيدس فأعطاله قليله أما / الأودي والبورش والبي أم فأعطالهم بسبب حرارة الجو والأجواء غير ملائمه لها يعني إستعمالها ليس كا لانوس أو لانسر أوتويوتا لأن السيارات الفخمه أعطالها كثيره وذللك بسبب أن العربيه تحتوي علي أكثر من كمبيوتر فيها الفرامل لها كمبيوتر الفتيس الماتور حتي التكيف وكذلك البورش لها كمبيوتر للجناح الذي يعمل موازن للعربيه علي السرعات العاليه وعموما الواحد أو الشخص يستفاد من كل هذه المعلومات الذي يقدمها المنتدي للأعضاء وشكرا لصاحب الموضوع
ياراجل أنته معاك الستر مش البي أم 2 ربنا يسترها معانا ومعاك 2 مره وحده سبحانك عالم الحال
معلومات تلقي قدر من الاحترام والاهتمام بارك الله فيك
البي ام القديم كله مشاكل زيه زي الاوبل وطبعا معظمه متهان
الميجان عربية فول كومبيوتاريز وبرده بدات موديلاتها من مدة وفيه كتير منها متهان
اللادا ومشاكل المقص الشهيرة
اما الكروز بقى انا مستغربها بس عموما هيا ما باعتش كتير
يوجد مشكلة بالكروز
بتفصل وحدها وهى ماشية
ممكن تبطل وتدور تدور
وممكن ماتدورشى
احد اصداقائى راح التوكيل وعمل مشكلة كبيرة
وركبو لة جهاز مرتبط بالكنترول
وكتب تعهد باعادة الجهاز فى ميعاد معين
ومشكلة منتشرة مسقطة سعر السيارة والاقبال عليها
على فكرة انا بتكلم علشان عندى مركز صيانة
وكمان معاية ارقام تليفونات اصحاب السيارات الكروز اللى فصلت
وانا بتكلم عن خبرة مش بضلل الناس
ومش بقول حلو يا حلو انا بقول كلام فى محله
++++++++++++++++++++++++++++++1
هو ده اللى انا أقصده بالضبط والله
أنا معرفش صاحب الموضوع ولا بينى وبينه عداوه شخصيه مثلا لاسمح الله والله
أنا بس معترض على مضمون الموضوع وعنوانه فقط......يعنى أى واحد معاه عربيه من دول مثلا حط نفسك مكانه يعنى وشوف إحساسك هيبقى إيه...؟!!!!!
وبعدين يجى يقولك شكرا على عدم إحترام الاخرين...!!!!!!!!!!!!!!!!!!!1
يا عم هوا أنا لازم أدخل الموضوع أقولك الله ينور وكلامك زى الفل......ده شىء عادى إنى أختلف معاك فى موضوع يعجبنى أو ميعجبنيش عنوانه ومضمونه..خصوصا إننا بنتكلم عن سيارات وأعطال...مش بنتكلم عن قران واحاديث نبويه يعنى...!!
فعلا أثبت كلامك ياصاحب الموضوع أن العربيات إللي إنته تكلمت عنها فيها أعطال كثيره هوطبعا الأعضاء تكلموا عنها ونشكرك علي موضوعك ومناقشتك ونتمني منك مواضيع أخري من اليوميات التي ترها من مجال عملك وبالتوفيق
احنا هنا فى المنتدى
علشان نفيد بعض
ولا نقع فى اخطاء الغير
خاصة ان السيارات فى مصر
ثمنها خيالى مقارنة بدول العالم كلها
يا خبر اخضر خالد طلعت بياكل عكاوي من غيري .. طب والنعمة يا خالد لاسحب منك الاتنين بي ام اللي انا مديهوملك
يا جماعة بشروا ولا تنفروا لو نعرف معظم اعطال السيارات دي بتتمثل في ايه هانقدر نحكم على الكلام ده .. يعني ماينفعش اقول ان البي ام عربية وحشة علشان لما بيدخل فيها نص نقل الرفرف بيطبق ..
الف شكر على الموضوع.