الموضوع: مطلوب سير كاتينة للعربية التيجو

لا ده مش هيبقي سير كاتينة بس، دا انت هتخش في بلي كمان وسير تكيف...الخ بتتكلم في 1400 - 1500 تقريبا

أشكرك على ردك الكريم

المشاركة الأصلية كتبت بواسطة mkamel52

عند عمل الصيانة طلبوا منى تغيير سير الكاتينة للعربية ورفضوا عمل أى صيانة حتى تغيير السير رغم إن العربية عملت حوالى 10000 كيلوا فقط وهى موديل 2010 ، ياترى كام سيكلفنى سير الكاتينة

نفس الكلام حوالى 1400 الى 1600 مع ملحوظة انه تغيير طقم السيور و البلى لا يرتبط فقط بعدد الكيلوات و لكن ايضآ بالفترة الزمنية بمعنى انك لو ما بتستهلكش العربية و تمشى بيها كتير بيقيس الفترة الزمنية زى تغيير الزيت مش مرتبط بس بعدد الكيلوات و لكن ايضآ بالفترة الزمنية و لكن بالنسبة لسير الكاتينة انا مش متأكد ما هى اقصى فترة زمنية و انا عرفت المعلومة دى من التوكيل و تحياتى لك

معلومة جديدة ومهمة .. ربنا يستر.. شكراُ ياسيدى

سير الكاتينة المفروض يتغير كل سنتين حسب كلام التوكيل

المشاركة الأصلية كتبت بواسطة firstknight_eg

سير الكاتينة المفروض يتغير كل سنتين حسب كلام التوكيل

كلام مضبوط و احب اضيف انه مدة السنتين دى ليها علاقة بظروف التشغيل منها درجة الحرارة و الرطوبة و تشقق السير فى حالة طول فترة الركن للعربية او انه ينشف برده من طول ركن العربية لان زيه زى اى مطاط يتأثر بكل العوامل ديه و تحياتى لك

المشاركة الأصلية كتبت بواسطة hemaa_82

بس مش لدرجة سنتين لو ما بتمشيش.... انا ليا قريب معاه اوكتافيا a4 عمل 60 في 5 سنين و في نص السنة السادسة غير الكاتينة ...بس هيه المشكلة لو انا طلعت فقري و قطع مش هلوم الا نفسي

خلاص لو عايز تغامر غامر بس اعتقد انه فيه حاجات ممكن اغامر فيها لكن سير الكاتينة مقدرش اعمل كده معاه لان ده روح العربية بالاضافة انك مش شايفه يعنى مش باين حاجة منه و انا بحكم عملى خارج القاهرة و سفرى كثير فبحب امشى مطمن ( الوقفة جنب العربية و هى عطلانة مش حلوة ) و هذه وجهة نظرى قد تحتمل الصواب او الخطأ و لك تحياتى