عند عمل الصيانة طلبوا منى تغيير سير الكاتينة للعربية ورفضوا عمل أى صيانة حتى تغيير السير رغم إن العربية عملت حوالى 10000 كيلوا فقط وهى موديل 2010 ، ياترى كام سيكلفنى سير الكاتينة
عرض للطباعة
عند عمل الصيانة طلبوا منى تغيير سير الكاتينة للعربية ورفضوا عمل أى صيانة حتى تغيير السير رغم إن العربية عملت حوالى 10000 كيلوا فقط وهى موديل 2010 ، ياترى كام سيكلفنى سير الكاتينة
لا ده مش هيبقي سير كاتينة بس، دا انت هتخش في بلي كمان وسير تكيف...الخ بتتكلم في 1400 - 1500 تقريبا
أشكرك على ردك الكريم
نفس الكلام حوالى 1400 الى 1600 مع ملحوظة انه تغيير طقم السيور و البلى لا يرتبط فقط بعدد الكيلوات و لكن ايضآ بالفترة الزمنية بمعنى انك لو ما بتستهلكش العربية و تمشى بيها كتير بيقيس الفترة الزمنية زى تغيير الزيت مش مرتبط بس بعدد الكيلوات و لكن ايضآ بالفترة الزمنية و لكن بالنسبة لسير الكاتينة انا مش متأكد ما هى اقصى فترة زمنية و انا عرفت المعلومة دى من التوكيل و تحياتى لك
معلومة جديدة ومهمة .. ربنا يستر.. شكراُ ياسيدى
سير الكاتينة المفروض يتغير كل سنتين حسب كلام التوكيل
بس مش لدرجة سنتين لو ما بتمشيش.... انا ليا قريب معاه اوكتافيا a4 عمل 60 في 5 سنين و في نص السنة السادسة غير الكاتينة ...بس هيه المشكلة لو انا طلعت فقري و قطع مش هلوم الا نفسي
خلاص لو عايز تغامر غامر بس اعتقد انه فيه حاجات ممكن اغامر فيها لكن سير الكاتينة مقدرش اعمل كده معاه لان ده روح العربية بالاضافة انك مش شايفه يعنى مش باين حاجة منه و انا بحكم عملى خارج القاهرة و سفرى كثير فبحب امشى مطمن ( الوقفة جنب العربية و هى عطلانة مش حلوة ) و هذه وجهة نظرى قد تحتمل الصواب او الخطأ و لك تحياتى
ماهو انا بقول والله اهه... ان لو ربنا اراد شئ مش هلوم الا نفسي ... بس برضه سنتين بس ده تهريج ....
علي سبيل المثال ...انا غيرت الفابريكة علي 42 الف كيلو بعد سنتين و 9 شهور استخدام ...
اللي ركب ده بقي ان شاء الله هغيرة علي 100 الف "اكون عملت 60 عليه يعني" او لما اعمل 3 سنين الي 4 سنين ايهما اقرب .... يعني نمسك العصايا من النص :).....و برضه ده فكري انا و لو اراد الله شئ مش هقول غير الحمد لله
عربيتى عاملة 55000 وان شاء الله هاروح اغيرة بكرة فى التوكيل وبقاله سنتين وثلاثة شهور
ياجماعة أنا عربيتى عاملة 10000 وموديل 2010 ، أنا رحت لمركز الخدمة فى الدقى قال لى غنها حاتكلفنى حوالى 2200 جنيه ، طبعاً صرخت فى وشه
انا عملتها مع صيانة ال 40
و الاجمالي كان 1871 جنيه
شاملة سير كاتينة و سير دينامو و 3 بلية شدادات و 4 بوجيه و 3 فلتر زيت و بنزين و هوا و 5 لتر زيت
بس في ابو رواش مش الدقي
تطلع الدائرى من المعادى وتطلع وصلة المريوطية وتدخل الاتجاة اللى رايح طريق مصر الاسكندرية الصحراوى وتنزل نزلة الطريق الصحراوى وبعد كارفور يمين دخلة القرية الذكية هتمشى حوالى 2 كيلو هتلاقى مركز الخدمة على اليمين
وعلى فكرة انا لسة مستلم العربية النهاردة بعد ماغيرت سير الكاتينة المبلغ لسير الكاتينة بس حوالى 1100 جنية وبقول حوالى علشان انا غيرت زيت الفتيس ومية الرادياتير وكان الاجمالى 1350 وبعد خصم الكارت الذهبى بقى المبلغ 1227
بالتوفيق
خلي بالك ان فيه يافطة قبل المركز بتشاور شمال ... امشي عدل و ملكش دعوة بيها لانها هتوديك علي اللي بعد البوابات .... بمعني لما تدخل يمين من عند القرية الذكية تفضل علي طول ولا يمين ولا شمال لحد ما تلاقي المركز علي اليمين
انا غيرت سير 516 2008 من اسبوع والعربيه عامله 55000 ونصيحه متوصلش 50000 لان السير طالع خلصان الحمد لله انى لحقتوا
اهم جزء لازم يتغير وبدون فصال هو سير الكاتينه والأفضل يتم التغيير فى التوكيل طبعا .