الموضوع: عايز نصيحة ملاك التويوتا الجنوب افريقي الجديدة

بصراحة كل حاجة فى العربية التويوتا الـ MMT ممتازة من ناحية الكماليات والاتزان واستهلاك البنزين اللى اعتقد انها أقل عربية فى فئتها استهلاكا للبنزين بس!!
موضوع الفتيس ده فعلا حقيقي انه فيه نتشة وممكن تقل بنسبة كبيرة لو سقت بأسلوب معين زي انك تخف رجلك من على البنزين وهى بتنقل وانصحك بالتالى:
لو ناوي على التويوتا الجنوب افريقي تروح الاول توكيل تويوتا اللى فى العباسية وهما عندهم عربية Test drive وتجرب بنفسك قبل ما تشتري وهما ناس محترمين جدا ومدير المعرض هناك (أ / خالد ) طلع بنفسه معايا وورانى طريقة سواقة على عربيتى -أثناء ما كنت باعمل صيانة الـ 5000 كم - بتقلل كتير من النتشة دى لان طريقة سواقة الـ MMT مختلفة تماما عن الاتوماتيك العادى والمانيوال
وربنا يوفقك فى الاختيار ان شاء الله

المشاركة الأصلية كتبت بواسطة hn_kamal

بصراحة كل حاجة فى العربية التويوتا الـ MMT ممتازة من ناحية الكماليات والاتزان واستهلاك البنزين اللى اعتقد انها أقل عربية فى فئتها استهلاكا للبنزين بس!!
موضوع الفتيس ده فعلا حقيقي انه فيه نتشة وممكن تقل بنسبة كبيرة لو سقت بأسلوب معين زي انك تخف رجلك من على البنزين وهى بتنقل وانصحك بالتالى:
لو ناوي على التويوتا الجنوب افريقي تروح الاول توكيل تويوتا اللى فى العباسية وهما عندهم عربية Test drive وتجرب بنفسك قبل ما تشتري وهما ناس محترمين جدا ومدير المعرض هناك (أ / خالد ) طلع بنفسه معايا وورانى طريقة سواقة على عربيتى -أثناء ما كنت باعمل صيانة الـ 5000 كم - بتقلل كتير من النتشة دى لان طريقة سواقة الـ MMT مختلفة تماما عن الاتوماتيك العادى والمانيوال
وربنا يوفقك فى الاختيار ان شاء الله

ده الي انا كنت عايز اسمعه من حضرتك انه مش عيب عربية
لان في ناس بتقول ان المشكلة بتظهر فجأة وبيروحوا الصيانة والكمبيوتر هناك يطلع ان في error
لكن لو هي طريقة سواقة تبقي حاجة جميلة جدا
وشكرا علي المعلومات المفيدة دي وربنا يكرمك

السلام عليكم
أنا بفضل التويوتا الجنوب أفريقي زي عربيتي، لأن بسم الله و ما شاء الله عزل السياره كويس و ناعمه على الطريق، و تقريباً ما بتشعرش بالمطبات.
الأحساس بالنقل بين الغيارات في الفتيس MMT (إلى بيقولوا عليه نتش) بيقل كتير بعد ال 2000 كيلوا وبعد ما تتعود على قيادة السياره، و التفسير المنطقي أنه فتيس عادي بينقل كهربائيا و دا بياخد وقت وبالتالي هوا دا إلى بيحسسنا بالنقله بتاعتها.

لكن فيه كام نقطه، لسا مالقيتش فيهم حل بخصوص الفتيس:
1) لما تكون ماشي عادي و تهدي علشان تعدي مطب أو تدخل في شارع جانبي و تيجي تشد تاني، تلاقي الفتيش مش عايز ينقل إلا لما يوصل الRPM ل 4000 و دي مشكله بلا شك لأن النقل المفروض يتم على 2500 تقريبا او 3000 على أقصى حد، و أنا لما ألاقي الفتيس بيعمل كدا، بأستخدم زرار ال + إلي خلف الدركسيون علشان أنقل الغيار و بعدين الفتيس يكمل أوتماتيك بشكل عادي.
2) لما تيجي طالع بيها من الصفر و يكون الضغط على البنزين خفيف - يعني طالع برحتك - تجد السياره بتنقل بسرعه جدا في الغيارات لدرجة أن الفتيس بيوصل للغيار الخامس بسرعه وانت يدوب وصلت ال 60 كيلو متر.
3) كام مره كدا لما أكون بركن في مكان زحمه و عايز أركن بسرعه و ما أوقفش الطريق، بلاقي النقل بين E و R بيتم ببطئ، بمعنا أن من الطبيعي أنه يديك زماره واحده لما تحول من E إلى R أو العكس، لكن في بعض الأحيان يتأخر و يديك 3 زمارات و بعدين ينقل.

في أعتقادي الكبير أن كل المشاكل دي سببها السوفتوير الخاص بالفتيس و ليست مشكله ميكانيكيه، و ناوي أروح التوكيل مخصوص علشان يشوفوا حل.

الظريف في الفتيس أنك ممكن تسخدم ال + و - إلى ورا الدركسيون في نقل الفتيس حتى لو أنت على E .

لو رجعت تاني أفكر أشتري لانسر 2008 و لا كورولا، هاختار الكورولا 2008 MMT ، و ربنا ييسرك الخير

المشاركة الأصلية كتبت بواسطة AOMARA

السلام عليكم
أنا بفضل التويوتا الجنوب أفريقي زي عربيتي، لأن بسم الله و ما شاء الله عزل السياره كويس و ناعمه على الطريق، و تقريباً ما بتشعرش بالمطبات.
الأحساس بالنقل بين الغيارات في الفتيس MMT (إلى بيقولوا عليه نتش) بيقل كتير بعد ال 2000 كيلوا وبعد ما تتعود على قيادة السياره، و التفسير المنطقي أنه فتيس عادي بينقل كهربائيا و دا بياخد وقت وبالتالي هوا دا إلى بيحسسنا بالنقله بتاعتها.

لكن فيه كام نقطه، لسا مالقيتش فيهم حل بخصوص الفتيس:
1) لما تكون ماشي عادي و تهدي علشان تعدي مطب أو تدخل في شارع جانبي و تيجي تشد تاني، تلاقي الفتيش مش عايز ينقل إلا لما يوصل الRPM ل 4000 و دي مشكله بلا شك لأن النقل المفروض يتم على 2500 تقريبا او 3000 على أقصى حد، و أنا لما ألاقي الفتيس بيعمل كدا، بأستخدم زرار ال + إلي خلف الدركسيون علشان أنقل الغيار و بعدين الفتيس يكمل أوتماتيك بشكل عادي.
2) لما تيجي طالع بيها من الصفر و يكون الضغط على البنزين خفيف - يعني طالع برحتك - تجد السياره بتنقل بسرعه جدا في الغيارات لدرجة أن الفتيس بيوصل للغيار الخامس بسرعه وانت يدوب وصلت ال 60 كيلو متر.
3) كام مره كدا لما أكون بركن في مكان زحمه و عايز أركن بسرعه و ما أوقفش الطريق، بلاقي النقل بين E و R بيتم ببطئ، بمعنا أن من الطبيعي أنه يديك زماره واحده لما تحول من E إلى R أو العكس، لكن في بعض الأحيان يتأخر و يديك 3 زمارات و بعدين ينقل.

في أعتقادي الكبير أن كل المشاكل دي سببها السوفتوير الخاص بالفتيس و ليست مشكله ميكانيكيه، و ناوي أروح التوكيل مخصوص علشان يشوفوا حل.

الظريف في الفتيس أنك ممكن تسخدم ال + و - إلى ورا الدركسيون في نقل الفتيس حتى لو أنت على E .

لو رجعت تاني أفكر أشتري لانسر 2008 و لا كورولا، هاختار الكورولا 2008 MMT ، و ربنا ييسرك الخير

شكرا علي المعلومات دي
انا كدة استريحت للعربية وشايف انها احسن من اللانسر بالنسبالي
بس الي خايف منه موضوع الحجز ده الي بياخد 4 شهور
علي العموم ربنا يقدم الي في الخير

المشاركة الأصلية كتبت بواسطة thunder_eagle

شكرا علي المعلومات دي
انا كدة استريحت للعربية وشايف انها احسن من اللانسر بالنسبالي
بس الي خايف منه موضوع الحجز ده الي بياخد 4 شهور
علي العموم ربنا يقدم الي في الخير

على فكرة آخر مرة لما كنت فى التوكيل الاسبوع الماضى قالوا ان الحجز شهرين والتسليم فى الشهر الثالث

ربنا يكرمك
يا ريت بقي لو مفهاش غتاتة تحاول تشرح طريقة سواقتها عشان متنتش

المشاركة الأصلية كتبت بواسطة AOMARA

في أعتقادي الكبير أن كل المشاكل دي سببها السوفتوير الخاص بالفتيس و ليست مشكله ميكانيكيه، و ناوي أروح التوكيل مخصوص علشان يشوفوا حل.

ما هو المشكله ان التوكيل مش عارف يحل مشكله الفيتيس وبيقول هو الفيتيس كده مع انه مسئول مسئوليه كامله لانه هو اللى اختارها للشعب المصرى(الجنوب افريقى)

المشاركة الأصلية كتبت بواسطة ramylancer

ما هو المشكله ان التوكيل مش عارف يحل مشكله الفيتيس وبيقول هو الفيتيس كده مع انه مسئول مسئوليه كامله لانه هو اللى اختارها للشعب المصرى(الجنوب افريقى)

موضوع النتش ده مش مشكلة ولا حاجة
هو ده النظام بتاع التكنولوجيا دي وموجود في الاستون مارتن والمزاراتي بنفس النتشة بس الفرق ان دي عربيات رياضبة انما الكورولا مش زيهم فالغلطة ان النظام ده اتحط في عربية ضعيفة زي دي