تقرير عن تصليح تكييف الاوبترا فى التوكيل المركز الرئيسى بالهرم

السلام عليكم

من كام يوم روحت التوكيل عشان التكييف مابيبردش خالص والزرار اللى بيقفل دايرة الهوا معلق كل ما ادوس عليه يطلع لبره

المهم وصلت الساعه 12 الضهر فى ميعادى وعلى ما المهندس استلم منى العربيه وعملنا أمر الشغل بقت 12:15

قولتله على تبريد التكييف والزرار , قاللى هانكشف ونشوف فى ايه بس الزرار ملوش حل غير اننا نغير البورده بالكامل مش الزرار لوحده وهاتبقى فى حدود 800 جنيه !!! قولتله طب خلينا فى موضوع التكييف الأول

دخلت الاستراحه وعلى 1:30 كلمنى المهندس وقاللى المشكله فى الخرطوم اللى داخل للسربنتينه الداخليه وهانغيره وهانشحن فريون وهانغير الفلتر قولتله توكل على الله

على الساعه 4 تقريبا العربيه خرجت وعلى ما دفعت ومشيت بقت 4:30 , كتير اوى 4 ساعات ونص ودى أول حاجه سلبيه

نيجى للفاتوره , وهاقولكم الاسعار شامله الضريبه على طول عشان اللخبطه

55 كشف على التكييف وشحن الفريون

79,5 فريون

15 زيت فريون

295 خرطوم دخول السربنتينه الخارجيه

110 مصنعية تغيير الخرطوم !!!

115 فلتر تكييف

22 مصنعية تغير الفلتر

37,5 أويل سيل (2)

الأجمالى 729 جنيه !!!! انا شايف ان كتير واللى مغليها المصنعيه خصوصا ال 110 بتوع تغيير الخرطوم , لكن الفريون ماشى , وفلتر التكييف ماشى لانى مغيرتوش خالص دا اللى جاى مع العربيه , والخرطوم معرفش غالى ولا رخيص بس ماعلينا

والزرار عملوهولى بورقه معفنه كدا حل مؤقت يعنى

الخلاصه التكييف بقى تمام بس المصنعيه غاليه واللى ضايقنى اكتر الوقت الكتير عشان كدا بإذن الله هابقى اروح فرع التجمع الخامس , اى نعم بعيد عليا بس مش زحمه والعربيه بتتعمل ادام عينى

ودى صور قطع الغيار



الخرطوم القديم اللى اتغير



http://img220.imageshack.us/img220/193/20120711299.jpg



الخرطوم الجديد اللى اتركب



http://img193.imageshack.us/img193/2952/20120711295.jpg



فلتر التكييف طالع اسود طبعا



http://img268.imageshack.us/img268/5862/20120711301.jpg



زرار دايرة الهوا



http://img856.imageshack.us/img856/9177/20120711303.jpg



انتهى :)

إيه ده منصور بقى يعرف يصلح
مبرووووك يا كبير انا رحتلهم بتكيف الأفيو كتير وكل ردهم هو ده الطبيعي مكانوش بيبصوا حتى!!!

اه كتير قوي فعلاً
بس ما دام النتيجة مرضية يبقى خلاص و لا تفكر
و تسلم ايدك على التقرير

مبرووك يا أستاذ/ حسام ... بس أنا عندي زرار دايرة الهوا ما بينورش لا وهو مضغوط ولا وهو مش مضغوط ... روحت لهم هنا في المنصورة من غير ما يبص قال لي البوردة عايزة تتغير ودي ب 571 جنية من غير مصنعية ... قلت له طيب ما جايز لما البوردة تتغير البوابة تكون معلقة والزرار ينزوور وما يبقاش له فايدة ... المهم هما هنا صيانة منصور في المنصورة ما بيفهموش حاجة وبصراحة حرام الواحد يسيبهم يلعبوا في العربية ... فما الحل هل ممكن الزرار دة يتصلح برة ... وعلي فكرة هو أخو بتاع الأوبترا تمام... وشكرا

اقتباس:

---

المشاركة الأصلية كتبت بواسطة yoko

إيه ده منصور بقى يعرف يصلح
مبرووووك يا كبير انا رحتلهم بتكيف الأفيو كتير وكل ردهم هو ده الطبيعي مكانوش بيبصوا حتى!!!

---

انا عندى مكنش بيبرد خالص مش تبريد ضعيف تقريبا مكنش فى ولا نقطه فريون , وكمان المهندس سألنى العربيه فى الضمان قولتله لأ فاكيد قال بس زبون وهانقلبه براحتنا فكان لازم يهتموا ويعملوه كويس

موضوع هو كدا وهو دا الطبيعى دا مستفز بصراحه عشان يريح دماغه , بس بيتهيألى دا ابسط موقف حصلك مع منصور مش كدا :)

اقتباس:

---

المشاركة الأصلية كتبت بواسطة أشرف العدوي

اه كتير قوي فعلاً
بس ما دام النتيجة مرضية يبقى خلاص و لا تفكر
و تسلم ايدك على التقرير

---

الله يسلمك

اقتباس:

---

المشاركة الأصلية كتبت بواسطة drmagieed

مبرووك يا أستاذ/ حسام ... بس أنا عندي زرار دايرة الهوا ما بينورش لا وهو مضغوط ولا وهو مش مضغوط ... روحت لهم هنا في المنصورة من غير ما يبص قال لي البوردة عايزة تتغير ودي ب 571 جنية من غير مصنعية ... قلت له طيب ما جايز لما البوردة تتغير البوابة تكون معلقة والزرار ينزوور وما يبقاش له فايدة ... المهم هما هنا صيانة منصور في المنصورة ما بيفهموش حاجة وبصراحة حرام الواحد يسيبهم يلعبوا في العربية ... فما الحل هل ممكن الزرار دة يتصلح برة ... وعلي فكرة هو أخو بتاع الأوبترا تمام... وشكرا

---

الله يبارك فيك

انا عندى مكنش بيضغط عليه يعنى كل ماتدوس يطلع لبره برضه , بس دلوقتى وهو متلكك كدا بالورقه منور

مش مهم عندك انه ينور المهم انه شغال احسن مايلعبولك فى العربيه , كويس انك عملت كدا

اقتباس:

---

المشاركة الأصلية كتبت بواسطة hosam_optrawy

موضوع هو كدا وهو دا الطبيعى دا مستفز بصراحه عشان يريح دماغه , بس بيتهيألى دا ابسط موقف حصلك مع منصور مش كدا :)

---

هههه أه طبعا انا قعدت من غير نور عالي من والعربيه زيرو وبيقولولي هي كده هههههههه على أساس إني اهبل؟

الاسعار عادية وخصوصا انها فى التوكيل

يكفى اقول لحضرتك ان شجرة التكييف بتاعة الفكترا 98 (حاجة شبة الخرطوم دة ) ب 1500 فى التوكيل من غير مصنعية ولا حتى يشوف العربية

أنا كان عندى نفس المشكلة من ساعة ما جبت العربية وكنت كل سنة على أول الصيف لازم أشحن الفريون لغاية لما رحت عند واحد كهربائى وبيتشغل فى التكييفات عندنا فى مدينة 6 اكتوبر وقولته انا مش عايز أشحن أنا عايز اعرف العيب مين قعد يكشف على التكييف ويبص على الخراطيم لغاية لما لقى نفس الخرطوم ده بيسرب وساعتها ماكنش موجود جديد راح كبسه واتكلف 160 جنيه وشحن فريون وحط اولسيل وغير فلتر التكييف كانت التكلفة الاجمالية تقريباً 420 جنيه ولغاية دلوقتى الحمد الله شغال كويس غير الأول كنت أشحن يعقد معايا فترة الصيف ويبقى ضعيف وفى الآخر الفريون يفضى كله.

وأعرف إزاي إنه شغال؟؟؟

انا الخرطوم ده باظ عندي
واشتريت حتة خرطوم صناعة الماني جديدة مش بتتأثر بالنار مش حرارة بس :) وكبستها وكلفتني 40 جنية :)
وشحنت التكييف ب 120 جنية فريون امريكي :)
و10 جنية مصنعية تركيب الخرطوم وتنظيف فلتر التكييف
يبقي المجموع 170 جنيها مصريا فقط لاغير

مبروك يا حسام باشا
بس هما كمان عمليين عموله تغيير فلتر دا ايه الافترا دا
ناقص يعملو عموله حط زيت

اقتباس:

---

المشاركة الأصلية كتبت بواسطة eng\ahmed

الاسعار عادية وخصوصا انها فى التوكيل

يكفى اقول لحضرتك ان شجرة التكييف بتاعة الفكترا 98 (حاجة شبة الخرطوم دة ) ب 1500 فى التوكيل من غير مصنعية ولا حتى يشوف العربية

---

طيب الحمد لله انه ب 300 عندنا :)

اقتباس:

---

المشاركة الأصلية كتبت بواسطة raoufrashad

أنا كان عندى نفس المشكلة من ساعة ما جبت العربية وكنت كل سنة على أول الصيف لازم أشحن الفريون لغاية لما رحت عند واحد كهربائى وبيتشغل فى التكييفات عندنا فى مدينة 6 اكتوبر وقولته انا مش عايز أشحن أنا عايز اعرف العيب مين قعد يكشف على التكييف ويبص على الخراطيم لغاية لما لقى نفس الخرطوم ده بيسرب وساعتها ماكنش موجود جديد راح كبسه واتكلف 160 جنيه وشحن فريون وحط اولسيل وغير فلتر التكييف كانت التكلفة الاجمالية تقريباً 420 جنيه ولغاية دلوقتى الحمد الله شغال كويس غير الأول كنت أشحن يعقد معايا فترة الصيف ويبقى ضعيف وفى الآخر الفريون يفضى كله.

---

مبروك حل المشكله وشكرا لنقل تجربتك ياباشا

اقتباس:

---

المشاركة الأصلية كتبت بواسطة drmagieed

وأعرف إزاي إنه شغال؟؟؟

---

طول ماتكييفك تمام يبقى شغال :) وحتى لو فى مشكله مش شرط يبقى من الخرطوم ممكن من حاجه تانيه لما تكشف هاتعرفها

اقتباس:

---

المشاركة الأصلية كتبت بواسطة hema_lancer

انا الخرطوم ده باظ عندي
واشتريت حتة خرطوم صناعة الماني جديدة مش بتتأثر بالنار مش حرارة بس :) وكبستها وكلفتني 40 جنية :)
وشحنت التكييف ب 120 جنية فريون امريكي :)
و10 جنية مصنعية تركيب الخرطوم وتنظيف فلتر التكييف
يبقي المجموع 170 جنيها مصريا فقط لاغير

---

ماشى ياعم هيما غيظنى براحتك :) مبروك ياباشا التصليح وربنا يباركلك

اقتباس:

---

المشاركة الأصلية كتبت بواسطة titooooasg

مبروك يا حسام باشا
بس هما كمان عمليين عموله تغيير فلتر دا ايه الافترا دا
ناقص يعملو عموله حط زيت

---

انت بتقول فيها ياباشا

انت حتى لو رايح تعمل صيانه ومفيهاش تغيير اى حاجه ولا حتى زيت وفلتر بياخد منك حوالى 150-200 جنيه مقابل انه يشيك بس على العربيه والله اعلم بيشيك بضمير ولا بيكروت

اقتباس:

---

المشاركة الأصلية كتبت بواسطة drmagieed

وأعرف إزاي إنه شغال؟؟؟

---

أنا مش قصدي الخرطوم ... أنا قصدي زرار تدوير الهواء إللي ما بينورش عندي ... والله المهندس من غير ما يبص قالي هنغير السويتش كله مش البوردة أنا أسف قلت البوردة في مشاركة سابقة ودي تمنها بس من غير مصنعية تركيب 571 جنية ودي صورتها:
http://www.nileup.com//uploads/images/scdaf0c1ace.jpg

اقتباس:

---

المشاركة الأصلية كتبت بواسطة drmagieed

أنا مش قصدي الخرطوم ... أنا قصدي زرار تدوير الهواء إللي ما بينورش عندي ... والله المهندس من غير ما يبص قالي هنغير السويتش كله مش البوردة أنا أسف قلت البوردة في مشاركة سابقة ودي تمنها بس من غير مصنعية تركيب 571 جنية ودي صورتها:
http://www.nileup.com//uploads/images/scdaf0c1ace.jpg

---

اهو ده قمة التخلف عندنا في مصرنا المحروسة ان لو عندك مشكلة في لمبة مثلا في جزء زي ده او في سوتش واحد يقوم يقلك هنغيرها كلها رغم ان الجزء ده بيتفكك حته حته و بيتغير فيه كل شيء لواحده حتي لمبة الزرار بتتغير لوحدها

الله المستعان !!!!!
مين يساعدني بمكان كويس يا رجالة نايل موتورز وانا أفتح مركز صيانة ؟؟؟؟ و يا سلام لو في المنصورة بلدي الأصلي هسيب القاهرة باللي فيها و ارجع بلدي

يعني بخبرتك كدة أصلحها فين في المنصورة؟

ربنا يباركلك فيه و اهم حاجه يحمهولك فى اليويمن الحنا فيهم دول

اقتباس:

---

المشاركة الأصلية كتبت بواسطة drmagieed

يعني بخبرتك كدة أصلحها فين في المنصورة؟

---

للأسف معرفش ...

اقتباس:

---

المشاركة الأصلية كتبت بواسطة ehab_mansour

للأسف معرفش ...

---

يعني لو العملية محتاجة تصليح زرار أو شيئ في البوردة مش السويتش ... فيه واحد أستاذ في شارع المديرية القديمة إسمة المكاوي متخصص في الإلكترونيات ... وكان الكاسيت شاشته فاصل صلحها ما شاء الله في زمن قصير .... أية رأيك؟

الف مبروك يا أستاذ حسام تصليح التكييف ......
لكن فلتر التكييف إزاى ماغيرتوش كل السنين دى ...!!
مكتوب فى كتاب الصيانة أنه بيتغيير فى صيانة ال30000 ..اللى المفروض انى اعملها قريب ... فهل أغيره و لا أسيبه ؟ و لو سبته أمتى أعرف أنه لازم يتغير ؟

اقتباس:

---

المشاركة الأصلية كتبت بواسطة drmagieed

أنا مش قصدي الخرطوم ... أنا قصدي زرار تدوير الهواء إللي ما بينورش عندي ... والله المهندس من غير ما يبص قالي هنغير السويتش كله مش البوردة أنا أسف قلت البوردة في مشاركة سابقة ودي تمنها بس من غير مصنعية تركيب 571 جنية ودي صورتها:
http://www.nileup.com//uploads/images/scdaf0c1ace.jpg

---

وانت ماشى بالعربية لو الهوا بيدخل من هوايات التابلوة وبيقطع مع حركة الزرار من غير لما تبقى مشغل المروحة ولا التكييف يبقى الليد اتحرقت ودى ممكن اى حد بتاع الكترونيات يغيرها

شاكر ليك مرورك الكريم ... يعني قصدك أفتح هوايات التكييف ومن مغير ما أشغل التكييف أضغط علي الزرار فتح وقفل وأشوف حركة تيار الهوا لو بتقطع يبقي الزرار شغال والليد محروق ... تمام

اعترف..انت في القاهرة؟؟؟

اقتباس:

---

المشاركة الأصلية كتبت بواسطة drmagieed

أنا مش قصدي الخرطوم ... أنا قصدي زرار تدوير الهواء إللي ما بينورش عندي ... والله المهندس من غير ما يبص قالي هنغير السويتش كله مش البوردة أنا أسف قلت البوردة في مشاركة سابقة ودي تمنها بس من غير مصنعية تركيب 571 جنية ودي صورتها:
http://www.nileup.com//uploads/images/scdaf0c1ace.jpg

---

اقتباس:

---

المشاركة الأصلية كتبت بواسطة eng\ahmed

وانت ماشى بالعربية لو الهوا بيدخل من هوايات التابلوة وبيقطع مع حركة الزرار من غير لما تبقى مشغل المروحة ولا التكييف يبقى الليد اتحرقت ودى ممكن اى حد بتاع الكترونيات يغيرها

---

+1

اقتباس:

---

المشاركة الأصلية كتبت بواسطة drmagieed

شاكر ليك مرورك الكريم ... يعني قصدك أفتح هوايات التكييف ومن مغير ما أشغل التكييف أضغط علي الزرار فتح وقفل وأشوف حركة تيار الهوا لو بتقطع يبقي الزرار شغال والليد محروق ... تمام

---

بالظبط كدا الله ينور

اقتباس:

---

المشاركة الأصلية كتبت بواسطة minicooper20

ربنا يباركلك فيه و اهم حاجه يحمهولك فى اليويمن الحنا فيهم دول

---

تسلم ياكوبر باشا

اقتباس:

---

المشاركة الأصلية كتبت بواسطة dr_essam

الف مبروك يا أستاذ حسام تصليح التكييف ......
لكن فلتر التكييف إزاى ماغيرتوش كل السنين دى ...!!
مكتوب فى كتاب الصيانة أنه بيتغيير فى صيانة ال30000 ..اللى المفروض انى اعملها قريب ... فهل أغيره و لا أسيبه ؟ و لو سبته أمتى أعرف أنه لازم يتغير ؟

---

الله يبارك فيك يادكتور , بصراحه انا مش عارف ميعاد تغييره , هو المفروض بيتنضف بالهوا مع كل صيانه زى فلتر الهوا , ولما مينفعلوش تنضيف يبقى يتغير , يعنى ممكن على 30 الف زى فلتر الهوا

اقتباس:

---

المشاركة الأصلية كتبت بواسطة ecybrarian

اعترف..انت في القاهرة؟؟؟

---

هاعترف ياباشا بس من غير ضرب :)

انا كنت فى القاهره وحاليا فى اسكندريه قولت اخطفلى يومين قبل رمضان

واحشنى يادوك ان شاء الله نتقابل قريب

اقتباس:

---

المشاركة الأصلية كتبت بواسطة drmagieed

شاكر ليك مرورك الكريم ... يعني قصدك أفتح هوايات التكييف ومن مغير ما أشغل التكييف أضغط علي الزرار فتح وقفل وأشوف حركة تيار الهوا لو بتقطع يبقي الزرار شغال والليد محروق ... تمام

---

+1
حرام تغير بورد بالكامل علشان ليد محروق

اقتباس:

---

المشاركة الأصلية كتبت بواسطة eng\ahmed

+1
حرام تغير بورد بالكامل علشان ليد محروق

---

المشكلة إن بعد كلام حضرتك والتجربة طلع الزرار ما بيشتغلش ... يعني لا يؤدي وظيفته ... فهل ممكن إصلاحه بدون تغيير السويتش بالكامل ... ولا المشكلة في البوابة المسئولة عن دخول هواء التكييف نفسها ... ولا الواير إللي بيحركة الزرار ... الله أعلم

اقتباس:

---

المشاركة الأصلية كتبت بواسطة hosam_optrawy

السلام عليكم

من كام يوم روحت التوكيل عشان التكييف مابيبردش خالص والزرار اللى بيقفل دايرة الهوا معلق كل ما ادوس عليه يطلع لبره

المهم وصلت الساعه 12 الضهر فى ميعادى وعلى ما المهندس استلم منى العربيه وعملنا أمر الشغل بقت 12:15

قولتله على تبريد التكييف والزرار , قاللى هانكشف ونشوف فى ايه بس الزرار ملوش حل غير اننا نغير البورده بالكامل مش الزرار لوحده وهاتبقى فى حدود 800 جنيه !!! قولتله طب خلينا فى موضوع التكييف الأول

دخلت الاستراحه وعلى 1:30 كلمنى المهندس وقاللى المشكله فى الخرطوم اللى داخل للسربنتينه الداخليه وهانغيره وهانشحن فريون وهانغير الفلتر قولتله توكل على الله

على الساعه 4 تقريبا العربيه خرجت وعلى ما دفعت ومشيت بقت 4:30 , كتير اوى 4 ساعات ونص ودى أول حاجه سلبيه

نيجى للفاتوره , وهاقولكم الاسعار شامله الضريبه على طول عشان اللخبطه

55 كشف على التكييف وشحن الفريون

79,5 فريون

15 زيت فريون

295 خرطوم دخول السربنتينه الخارجيه

110 مصنعية تغيير الخرطوم !!!

115 فلتر تكييف

22 مصنعية تغير الفلتر

37,5 أويل سيل (2)

الأجمالى 729 جنيه !!!! انا شايف ان كتير واللى مغليها المصنعيه خصوصا ال 110 بتوع تغيير الخرطوم , لكن الفريون ماشى , وفلتر التكييف ماشى لانى مغيرتوش خالص دا اللى جاى مع العربيه , والخرطوم معرفش غالى ولا رخيص بس ماعلينا

والزرار عملوهولى بورقه معفنه كدا حل مؤقت يعنى

الخلاصه التكييف بقى تمام بس المصنعيه غاليه واللى ضايقنى اكتر الوقت الكتير عشان كدا بإذن الله هابقى اروح فرع التجمع الخامس , اى نعم بعيد عليا بس مش زحمه والعربيه بتتعمل ادام عينى

ودى صور قطع الغيار



الخرطوم القديم اللى اتغير



http://img220.imageshack.us/img220/193/20120711299.jpg



الخرطوم الجديد اللى اتركب



http://img193.imageshack.us/img193/2952/20120711295.jpg



فلتر التكييف طالع اسود طبعا



http://img268.imageshack.us/img268/5862/20120711301.jpg



زرار دايرة الهوا



http://img856.imageshack.us/img856/9177/20120711303.jpg



انتهى :)

---

واضح انهم بيعملوا كده مع الناس كلها،،، انا برضه نفس الحاجات غيروها عندى ونفس قيمة الفاتورة

الحمد لله روحت لكهربائي إنهاردة .... وشغل الزرار ما نورش ... جرب حكاية الهوا إللي خارج من فتحات التكييف مع قفل وفتح الزرار ... وقال لي الزرار بايظ والبوردة شكلها هتتغير ... وقالي المشكلة دي قابلتني في أوبترا ... هي دي مشكلة في شيفرولية .... المهم قال أفك البوردة وأشوف ... قلت له طيب شيك علي الفيوزات ... شيك عليها إكشف إن في حد شال الفيوز وحطة مكان فيوز كان بايظ ... ولما ركب الفيوز الزرار إشتغل والليد نور ... وعرفت الفرق لما الزرار يشتغل في الهوا إللي خارج من فتحات التكييف ... المهم هو قالي سيب الزرار دة منور علي طول ومتطفيهوش أبدا ... فهل ده منطقي ... ومش ممكن الزرار إللي مفتوح علي طول دة يبوظ المرة دي ... فما رأيكم

اقتباس:

---

المشاركة الأصلية كتبت بواسطة hema_lancer

انا الخرطوم ده باظ عندي
واشتريت حتة خرطوم صناعة الماني جديدة مش بتتأثر بالنار مش حرارة بس :) وكبستها وكلفتني 40 جنية :)
وشحنت التكييف ب 120 جنية فريون امريكي :)
و10 جنية مصنعية تركيب الخرطوم وتنظيف فلتر التكييف
يبقي المجموع 170 جنيها مصريا فقط لاغير

---

منين وكبستها فين يا هيما ؟

اقتباس:

---

المشاركة الأصلية كتبت بواسطة drmagieed

الحمد لله روحت لكهربائي إنهاردة .... وشغل الزرار ما نورش ... جرب حكاية الهوا إللي خارج من فتحات التكييف مع قفل وفتح الزرار ... وقال لي الزرار بايظ والبوردة شكلها هتتغير ... وقالي المشكلة دي قابلتني في أوبترا ... هي دي مشكلة في شيفرولية .... المهم قال أفك البوردة وأشوف ... قلت له طيب شيك علي الفيوزات ... شيك عليها إكشف إن في حد شال الفيوز وحطة مكان فيوز كان بايظ ... ولما ركب الفيوز الزرار إشتغل والليد نور ... وعرفت الفرق لما الزرار يشتغل في الهوا إللي خارج من فتحات التكييف ... المهم هو قالي سيب الزرار دة منور علي طول ومتطفيهوش أبدا ... فهل ده منطقي ... ومش ممكن الزرار إللي مفتوح علي طول دة يبوظ المرة دي ... فما رأيكم

---

ألا من مجيب ... هو الصيام إبتدي بدري ولا أية؟؟؟ كل سنة وإنتوا طيبين ورمضان نادين

اقتباس:

---

المشاركة الأصلية كتبت بواسطة drmagieed

ألا من مجيب ... هو الصيام إبتدي بدري ولا أية؟؟؟ كل سنة وإنتوا طيبين ورمضان نادين

---

وانت طيب يا باشا ،،، عادى سيبه كده علطول انا سايبه ومفيش اى مشكله خالص

اقتباس:

---

المشاركة الأصلية كتبت بواسطة m_bander

وانت طيب يا باشا ،،، عادى سيبه كده علطول انا سايبه ومفيش اى مشكله خالص

---

شكر ليك وكل سنة وإنت طيب ورمضان كريم

اقتباس:

---

المشاركة الأصلية كتبت بواسطة drmagieed

الحمد لله روحت لكهربائي إنهاردة .... وشغل الزرار ما نورش ... جرب حكاية الهوا إللي خارج من فتحات التكييف مع قفل وفتح الزرار ... وقال لي الزرار بايظ والبوردة شكلها هتتغير ... وقالي المشكلة دي قابلتني في أوبترا ... هي دي مشكلة في شيفرولية .... المهم قال أفك البوردة وأشوف ... قلت له طيب شيك علي الفيوزات ... شيك عليها إكشف إن في حد شال الفيوز وحطة مكان فيوز كان بايظ ... ولما ركب الفيوز الزرار إشتغل والليد نور ... وعرفت الفرق لما الزرار يشتغل في الهوا إللي خارج من فتحات التكييف ... المهم هو قالي سيب الزرار دة منور علي طول ومتطفيهوش أبدا ... فهل ده منطقي ... ومش ممكن الزرار إللي مفتوح علي طول دة يبوظ المرة دي ... فما رأيكم

---

طيب الحمد لله و مبروك عيلك اصلاح العطل بسهولة دون افتكاسات التوكيلات

بخصوص التشغيل المستمر لدوران الهواء الداخلي فمتقلقش مافيهوش مشكلة للزرار و لكن المشكلة في السفر و مع عدد كبير من الأشخاص في العربية بتسبب قلة نسبة الأوكسجين داخل العربية لأن المكان مغلق و التنفس شغال باستمرار و بتحتاج من وقت لأخر تعمل ريفريش للهواء داخل العربية

ميزته انه بيرفع كفاءة التبريد لأنك بتعمل تدوير لنفس الهواء البارد فبيخرج أبرد اكتر و انا بستخدمه كده علطول لرفع كفاءة التبريد

و بالتوفيق ان شاء الله

اولا سيبك انك اكيد هتنضرب ياحسام لما اشوفك علشان تيجى بالسلامه وانا معرفش
ثانيا حمد الله علي السلامه وان شاء الله هشوفك قريب اوى علشان السبب الي فوق هههههههههه
ثالثا الي يجى في الريش بقشيش والحمد الله انها جت علي اد كدا والتكييف بقي كويس
والف حمدلله علي السلامه ياحسوكات

اقتباس:

---

المشاركة الأصلية كتبت بواسطة ehab_mansour

طيب الحمد لله و مبروك عيلك اصلاح العطل بسهولة دون افتكاسات التوكيلات

بخصوص التشغيل المستمر لدوران الهواء الداخلي فمتقلقش مافيهوش مشكلة للزرار و لكن المشكلة في السفر و مع عدد كبير من الأشخاص في العربية بتسبب قلة نسبة الأوكسجين داخل العربية لأن المكان مغلق و التنفس شغال باستمرار و بتحتاج من وقت لأخر تعمل ريفريش للهواء داخل العربية

ميزته انه بيرفع كفاءة التبريد لأنك بتعمل تدوير لنفس الهواء البارد فبيخرج أبرد اكتر و انا بستخدمه كده علطول لرفع كفاءة التبريد

و بالتوفيق ان شاء الله

---

شاكر ليك يا باشمهندس إيهاب وحمد لله علي السلامة مرة تانية ... أنا قصدي أشغلة حتى لو التكييف مش شغال ولا يفضل أفصلة وأشغلة مع التكييف بس؟

اقتباس:

---

المشاركة الأصلية كتبت بواسطة ahmedaglan

اولا سيبك انك اكيد هتنضرب ياحسام لما اشوفك علشان تيجى بالسلامه وانا معرفش
ثانيا حمد الله علي السلامه وان شاء الله هشوفك قريب اوى علشان السبب الي فوق هههههههههه
ثالثا الي يجى في الريش بقشيش والحمد الله انها جت علي اد كدا والتكييف بقي كويس
والف حمدلله علي السلامه ياحسوكات

---

السماح ياكبير , الله يسلمك معلش اول ما جيت الخط بتاعى مكنش شغال وبعد كدا طلعت العجمى كام يوم ومن ساعة ماجيت وانا عندى شوية ظروف كدا بس الحمد لله على كل شئ

على ميعادنا ان شاء الله