السلام عليكم يا جماعه
ياريت لو حد عنده معلومات عن احسن مكان نعمل فيه ليزك للعيون
لاني بفكر اعملها انا واختي وخايفين بصراحه عايزين حد مضمون
وفي جهاز جديد بيقولوا عليه فيمتو ليزك ده ممكن يبقى عند مين
عرض للطباعة
السلام عليكم يا جماعه
ياريت لو حد عنده معلومات عن احسن مكان نعمل فيه ليزك للعيون
لاني بفكر اعملها انا واختي وخايفين بصراحه عايزين حد مضمون
وفي جهاز جديد بيقولوا عليه فيمتو ليزك ده ممكن يبقى عند مين
أحسن مكان في مصر بلا منازع هو مركز رؤية للعيون فرع اسكندرية..
وأحسن دكتور بيعمل ليزك في مصر هو الدكتور أسامة ابراهيم وهو يعتبر برضو من أحسن الدكاترة في العالم كله.
والأهم إنه بيعمل عملية جديدة أحدث من الليزك والفيمتوليزك اسمها SMILE، وهو من الناس اللي ساهم في تطويرها كمان، والعملية حتى الآن لا تجرى إلا في 7 دول حول العالم، ومصر كانت تاني دولة تجريها بعد الهند عام 2009.
وفي هناك برضو دكتور أحمد المصري دكتور شاطر جدا
موقع مركز رؤية للعيون Roayah Vision Correction Centers
لو عاوز مكان كويس في القاهرة..
عندك مستشفى العيون الدولي فرع الدقي، وأحسن اتنين بيعملوها الدكتور بشر قناوي ودكتور أحمد برادة.
موقع مستشفى العيون الدولي Al O'youn Al Dawli :: مستشفى العيون الدولي
حبيب قلبي انا عملتها من تالت سنين في مستشفى الوطني في ميدان الحجاز لدكتور مشهور قوي اسمو فتحي حاجة كده مش فاكر اسمو ايه بس معاه طاقم جميل بس نصيحة بلاش لان في مشكلة من العمليات دي الي هيا جفاف العين المستمر بسبب الهوى والعفار ولو عاوز تعملها اعملها في الشتى افضل من الصيف علشان عينك تتعافى بسرعه وتحياتي
+11111111111111111111111111
حضرتك تقصد دكتور فتحى فوزى .. ايوة هو فعلا شغل الوطنى ممتاز وان كنت ارشحلك دكتور رياض فكري انا عملت ليزك عنده ف نفس المستشفى الوطنى للعيون اللي ف ميدان الحجاز .. بالنسبه لأعراض ما بعد العملية زي جفاف العين فا بتستعمل قطرة بديل دموع (أرتيلاك مثلا) و الموضوع بيقعد 3 تيام بس وبعد كده مش هاتحس بأي مشكله .. العملية اتكلفت 4500 جنيه للعينين واخدت ف حدود ربع ساعة وف نفس اليوم خرجت اتفسحت و تانى يوم سافرت اسكندرية عادي جدا بس اهم حاجه تهتم بمواعيد القطرة ..
ايوه بالزبط كده يا استاذ وسام هو فتحي فوزي وفعلاًكلفت ٤٥٠٠ جنيه
بس العملية اكتر من ربع ساعة بس عادية جداً ، بس ازاي ياباشا خرجت تتفسح بعديها
اومال انا بمجرد ما طلعت من اوضت العمليات قاعدت اصووووت ليه من حرقت عيوني والهوى الملوث وكنت غلطان اني مسمعتش كلام الدكتور لمن. قال غمض عنيك بقيت اليوم ..... بس كمان يا استاذوسام ازاي رحت على الاسكندرية في نفس اليوم انتا مخفتش على عنيك من هوى البحر. وشمس البحر .... انا قاعدت شهر لغايت ماعرفت اطلع من بيتي بشكل طبيعي اناا رجعت للدكتور على فكرة واداني قطرة للحرقان وراح الحرقان بس مازال بيجيلي جفاف في العنين بالذات لو نزلت وسط البلد او العتبة بلاقي عنيا ابتدت تحرقني. بسبب الغبار الي في الجووو وتحياتي
انا عملتها من سنة فى مستشفى الوطنى للعيون بميدان الحجاز ب 4500 جنيه مع دكتور اسمه رامى رياض فكرى ابن الدكتور رياض فكرى ( احد مؤسسى المستشفى ) و ممتازة العملية وهى ربع ساعة فعلا و بعد اسبوع نزلت الشغل عادى جدا
انصحك بالمستشفى دى وشكرا
رياض فكرى سعره 5600 عشان استشارى و كمان ده سعر اى استشارى فى المستشفى ده
المستشفى الوطني للعيون من الأماكن النضيفة برضو ودكتور رياض فكري من أحسن الدكاترة، بس مفيش عندهم الفيمتوليزك اللي بيسأل عليه
كل اللي عملته انى طلعت من المستشفى روحت اتغديت و نمت ساعتين و بالليل خرجت عادي بس الفكرة ان القطرة ف جيبى لما باحس بحرقان باديها نقطتين ودي بديل دموع يعنى مفيش منها ضرر انا وقفتها بعد شهر بس سافرت واتعاملت عادي جدا فا عينى اخدت ع الجو بسرعة .. هى بس ديتها 6 اسابيع انت نفسك هاتنسى قصة العملية و هاتلاقي نفسك بتمد صباعك تعدل النضارة و تفاجأ ان مفيش نضارة
مستشفى العيون الدولي ... بس مش عشان شغال فيها d:
حبايبي والله اشكركم على تفاعلكم الجمييل مع الموضوع
انا والحمد لله اختي عملت العمليه في الاكاديميه المصريه للعيون تقاطع شارع بيروب مع دمشق عند دكتور اسمه محمد عبد العزيز الشريف اتعملت ب 4500 وخرجت زي الفل وفعلا في اشعه بتتعمل قبل العمليه فورا وقبلها بيومين بتاخد قطره والحمد لله زي الفل
اشكركم اخواني انا كلها فتره بسيطه وهعمل العمليه برضو ان شاء الله
محمد عبد العزيز الشريف طلع دكتور جراح في مركز عين شمس الجامعي برضو
التحاليل اللى بتتعمل قبل العملية بيومين للتأكد من سمك القرنية وانها خالية من العيوب (مخروطية مثلا) ودي بيعملها الدكتور ف عيادته الخاصة و لو لقى امكانية اجراء العملية بيحولك ع المستشفى و هناك بيعملوا أشعة تانية للتأكيد و كله بيتحط ف ملف بتاخده بعد العملية
انا عملتها السنة ديه في مستشفي الوطني للعيون في شارع الحجاز . الدكتور فتحي فوزي و العملية كلفت 5500 بالاشاعات و القطرات كمان من المستشفي و علي فكرة الجهاز هناك احدث حاجه موديل 2011
لدرجة اني لما سألت اني اعمل العملية في نفس اليوم .. وافقوا و فعلا اتعملت في نفس اليوم اللي روحت فيه و الحمدلله كله تمام
نصيحه لوجه الله لو طول نظر ........اوعى تعملها خليك كدا احسن .....لو قصر نظر متقلقش الموضوع بسيط طالما الفحوصات سليمه
هل مع استخدام المتكرر للكومبيوتر ممكن النظر يضعف تاني و نستعمل النظارة من تاني ولا ايه الاخبار
متابع للاهمية القصوى