حد يساعدنى تيل الفرامل للنيو أكسنت
من فتر ابتديت اسمع التيل يصفر لما اكون على سرعه واهدى وبما ان الظروف مزنقه كل سنه وانتو طيبين فقلت اشترى تيل كورى لان الاصلى 350جنيه المهم بعد فحص وبحث وجد أختلاف فى وجهات النظر فى كل أنواع التيل الكورى واللى يكون كويس والناس تشكر فيه تلاقى ىقولولك دا بقى مضروب وللاسف مش لاق الموبيس بست فيت اللى الاخوه هنا بيشكروا فيه طب ايه الحل المهم لقيت ماركه اسمه fraxis ومالقيتش حد جاب سيرتها وعملت بحث على شوية مواقع لاقيت كله بيشكر فيها المهم توكلت واشتريته ب 80 جنيه ونزلت العده وفكيت القديم الاصلى لاقيت لسه فيه حوالى التلت قلت مش مهم أغيره علشان الطنابير متابوظش وركبت الجديد ومن أول ماركبته التيل جميل والفرامل معاه بتمسك كويس جداًُ يمكن أحسن من الاصلى أول ماركبته بس الحلو مايكملش اول خروجه وانا ماشى على 80 وجيت امسك فرامل علشان أهدى الاقيلكم احلى صففافير و مزازيك المهم عدى يومين والحال زى ماهو بصراحه اضايقت وفكيته ومسكت القديم غسلته وصنفرته وركبته تانى والله رجع احسن من الاول والصفاره قلت كتير عن الاول ورحت للى اشتريت منه التيل حكيتله القصه وبص على الطنابير قلى كويسه وقام واخد التيل وادانى الفلوس ( مشكوووور)
دلوقت هل مفيش بديل عن التيل الاصلى ولا ايه الحل وسامحونى طولت عليكم