لو متعلم سواقه جديد تجيب عربيه مستعمله ولا زيرو

**MMamdouh** · 24-06-2008 11:16 AM

زيرو او جديد مش فارقة... الحوادث نصيب... و لو نصيبك تخيش حتخيش...مبتفرقش لو انت مطلع الرخص امبارح ولا من 100 سنة او راكب موديل 2009 او 1909... دة نصييييب

اللى بيقول اخبط فيها لحد ما اتعلم يبقى مبيعرفش يسوق اساسا و بالتالى لازم يتعلم السواقة الاول... و تعليم السواقة مش انه يخبط فى الناس فى الشارع... لازم يروح مدرسة سواقة و بعدين يبقى يشترى عربية يسوقها

ساعتها حيبقى قرار شراء زيرو او مستعمل ملوش علاقة بسواقتك لانك ساعتها حتبقى بتعرف تسوق

MMamdouh

**Xpert** · 24-06-2008 11:58 AM

المشاركة الأصلية كتبت بواسطة عزيز محمد

معلش نقطة صغيرة جدا فى المقارنة بين الزيرو والمستعمل للمبتدأين فى القيادة

إن الزيرو ينفع تأمن عليه وفى حالة الحوادث شركة التأمين بتدفع نفقات الإصلاح كاملة وبترجع السيارة كما كانت قبل الحادثة (وأعتقد الأخت صاحبة السؤال كانت ذكرت إن سيارتهم متأمن عليها وبالتالى مهما كنت مصاريف الإصلاح فالمفروض أنها لا تتحمل منها شىء، هى فقط هتتحمل الوقت الذى تقضيه بدون سيارة)

أما المستعمل عندما يصاب فى حادثة فصاحب السيارة هو الذى سيتحمل:
ثمن قطع الغيار
البحث عن صنايعى شاطر ومش حرامى
التدقيق فى استلام السيارة بعد الإصلاح
الوقت الذى يقضيه بدون سيارة

العيب الوحيد - من وجهة نظرى - فى أن يشترى مبتدأ سيارة جديدة هو أنه سيحرم نفسه من فرصة تعلم المهارات الميكانيكية والتى يكتسبها مالكو السيارات المستعملة من طول تعاملهم مع الميكانيكية وغيرهم

على فكرة والله مش باهزر المهارات دى بتنفع - بس طبعا لما يكون الواحد غاويها

مش عارف ليه مابحبش ادخل 3rd party في حياتي اليوميه .. مابحبش التامين و بحس انهم حراميه .. بعدين تقريباُ فيه تامين علي العربيات المستعمله برضه و الله اعلم ..
المستعمل مش كله يا استاذ عزيز .. فيه مستعمل مضروب و مشنشن .. و فيه مستعمل بحاله الزيرو .. يعني انا مثلاُ وقعت في عربيه مرسيدس خنزيره موديل 1974 ... كل اللي عاوزاه 4 طاسات بتوع الجنوط ... و طقم داير نيكل !
هوه انا افضل لو العربيه تبقي عمرها 5 سنين .. يعني احنا في 2008 .. تبقي العربيه 2003 .. علشان نسبه الاضرار بتكون اقل .. انما ده مايمنعش ان العربيات تكون مغيره نص و ربع و مشنشنه برضه ...

**Xpert** · 24-06-2008 12:27 PM

ممكن حضرتك تتابعي الموضوع ده برضه شبيه بده ..
http://www.nilemotors.net/Nile/showthread.php?t=29988

**emadkamel** · 24-06-2008 01:13 PM

جديد او قديم فى السواقة كله بيتخبط ويتجرح... روح على المستعمل ... بصراحه فى بلدنا دى خسارة الواحد يجيب اى حاجة زيرو ..... العربيات بتتخبط وهى مركونه !!!