التقرير التاني عن ونش الفرسان
من فترة كنت عملت التقرير ده
وكان ليا ملاحظات
http://www.nilemotors.net/Nile/296755-a.html
النهاردة كلمتهم عشان كان لازم أنقل العربية لورشة في شارع العشريني ( محمد عبدة )
كلمتهم الساعة 6:15 وقالولي هيكلموني عشان أكلم السواق
6:30 كلموني وقالولي نص ساعة يبقي عندك السواق
الراجل أتأخر جدااااا ... جه بعد نص ساعة وخمس دقايق :hlopaet_prv:
ايه السرعة ده !
انا المرة اللي فاتت أستنيت 3 ساعات ونص !
جالي سواق بعربية isuzu نضيفة جداااا
والسواق شكله محترم جدا
الغريبة اني مالقتش كلمة الفرسان !!!
سألته قالي انا مش تبع الفرسان !
امال انا كلمت مين بس !
أكتشفت ان لما كلموني عشان يقولولي السواق وهايجيلي ازاي ان الرقم كان رقم تاني
اللي حصل ان ونش الفرسان مكانش موجود فكلموا شركة تانية وهما جولي !
السواق اسمه عبده
محترف بمعني الكلمة
رفع العربية في وقت خيالي وبمهارة عالية جدا
قلتله علي الطريق وهنا كانت المفاجأة
الراجل عارف الشوارع ( خرم خرم )
برنس من الاخر
روحنا من مدينة نصر الحي السابع للعشريني في ساعة و 10 دقايق
سواق محترم ودمه خفيف
معلش لازم اللي ماشافش الموضوع اللي فات يشوفه عشان يفهم انا موضح الكلام ده ليه
http://img6.imageshack.us/img6/3897/12072012566.jpg