لو الشاري شاف العربية واتفق مع البايع
يديله جزء من فلوس العربية ويكتب اي عقد مؤقت
ولا لازم يكون فيه مشوار للشهر العقاري
مع العلم ان تمن السيارة مش هيتعدى ال4000 جنيه
عرض للطباعة
لو الشاري شاف العربية واتفق مع البايع
يديله جزء من فلوس العربية ويكتب اي عقد مؤقت
ولا لازم يكون فيه مشوار للشهر العقاري
مع العلم ان تمن السيارة مش هيتعدى ال4000 جنيه
ياباشا انت بتستلم العربية فورا مع صورة الرخصة وبطاقة البائع وبتعمل عقد ابتدائي بيتباع في المكاتب من نسختين وتبقي مبلغ وليكن 1000ج لحين احضار التوكيل والرخصة وشهادة مخالفات حديثة
اعتقد فى الحالة دى تدفع عربون وليكن 1000 جنيه
وتاخد العربية وباقى الفلوس فى الشهر العقارى
إيه المشكلة إنه يتم اللقاء أمام الشهر العقاري صباحا،
ويكون البائع معاه العربية ورخصتها وشهادة المخالفات (سارية: الصلاحية اسبوعان) وشهادة بيانات (لو الرخصة منتهية) وبطاقته
ويكون المشتري معاه المبلغ وبطاقته
وتتم اركان البيع واجراءاته في الشهر العقاري وعمل التوكيل أو التسجيل
وتتم كل الاجراءات بسلاسة وطمأنينة
وسلام سلام
أما في حالة إنك شفت العربية بالليل مثلا، ممكن عقد من نسختين متطابقتين وعربون 500ج.م (بتقول إن تمنها كله 4000) ومعاك صورة بطاقته وصورة الرخصة، وهو يبقى معاه أصل الرخصة وبياناتك أو صورة بطاقتك ويعمل لك شهادة مخالفات والتوكيل أو يسجلهالك وتتقابلو وتكمل الفلوس وتستلم العربية والرخصة والمخالفات والتوكيل أو التسجيل.
وبرضه سلام سلام
باشا متدفعش مليم غير لما تكشف على العربيه و متصدقش اى كلام يتقال اقسم بالله كنت بشترى بى ام دبليو موديل 97 فبريكا جوه و معظم اجزاء بره و كنت عايزها بس ورايا امتحانات و حاجات تانيه كتبت عقد ابتدائى و دفعت 5000 من اصل 73000 و لما جيت اخدها طلعت عامله حادثه من اول الحوض لحد القوايم ورا وواخده زرجينه و كانت معجونه يعنى و مشيسه و طبعا راحت عليا الفلوس ,,, ناس ولا د حرام و حسبى الله و نعم الوكيل عشان كده مش عايزك تغلط غلطتى ادفعله 50 جنيه او 100 بالكتير ولو اتكلم قوله لو مجتش فى المعاد تبقى حلال عليك و الله اصحابى بيعربنوا عربيات ب 60000 ب 500 جنيه ,,, عربيتك بتقول ب 4000 يعنى 50 جنيه كفايه قووووووى
متأمنش تاخد شهايدة المخالفات عميانى من غير ما تيجى مع المالك لان حصل مع واحد صاحبى انه خد شهادة المخالفات و كانت مفيهاش حاجه من صاحبها ضابط شرطه و بعد اما هو بيتعامل مع المرور خلاص لقى عليها حوالى 20 الف جنيه مخالفات و الشهاده كانت معموله اى كلام ,,, يمكن كلامى محبط بس للاسف ديه الحقيقه بلدنا و ناسنا بقوا فاكرينها شطاره انهم يكلوا بعض و ينصبوا على بعض يعنى عارف العربيه اللى كنت بحكى عليها انها طلعت متدمره فى التعليق اللى فوق ,,, اتنين كانوا لبسين فيها و مكملوش بيها كام شهر :\ كانوا حتى ماشيين بالعربيه برخص منتهيه مش عايزين حتى يرخصوها عشان ميدفعوش مليم اكتر من خسارتهم و دوروا على اى زبون -الللى هو انا يعنى :hlopaet_prv: - يلبسوه العربيه و هلما جرهاقتباس:
المشاركة الأصلية كتبت بواسطة benmatar
اللي فهمته اني هدفع عربون وهاخد العربية وصورة من بطاقته ونسخة موقعة من عقد ابتدائياقتباس:
أما في حالة إنك شفت العربية بالليل مثلا، ممكن عقد من نسختين متطابقتين وعربون 500ج.م (بتقول إن تمنها كله 4000) ومعاك صورة بطاقته وصورة الرخصة، وهو يبقى معاه أصل الرخصة وبياناتك أو صورة بطاقتك ويعمل لك شهادة مخالفات والتوكيل أو يسجلهالك وتتقابلو وتكمل الفلوس وتستلم العربية والرخصة والمخالفات والتوكيل أو التسجيل.
وبرضه سلام سلام
وهوا بقى المفروض يروح يجيبلي شهادة المخالفات ويعملي توكيل او تسجيل
يعني انا مش المفروض اكون معاه ولا لازم ؟
هل لو سجلت العقد في الشهر العقاري رخصة العربية بتسقط ولازم انقل ملكية و ارخص من اول و جديد ولا معملش العقد و بالتوكيل دة اقدر اتعامل عادي و ابيعها قبل الرخصة بشهر لنفسي
وارخص من اول و جديد ياريد تفيدوني