عملت حادثه على الماشي والحمد لله
انا مش مستوعب اللى حصل حصل ازاى
مره واحده لقيت العربيه اترفعت وبتزحف
من الاخر طلعت جزيره فى النص والحمد لله المكنه والراديتير والفتيس تمام
شويه شغل فى العفشه والرفرف وتتظبط
========
انا مش عامل الموضوع علشان البقين اللى فاتوا
-ياريت ياجدعان منتريقش خالص على اى حادثه بنشوفها ونقول ازاى الحمار عمل كده
اكتر حوادث بتنرفزنى كانت الناس اللى بتطلع على الجزيره وكنت دايما بتريق عليهم
على الفاضى والمليان خصوصا الجزيره اللى قبل الكوبرى اللى بعد موقف السلام
لحد ماخدت الدرس الالهى التمام وبقيت حمار زيهم
-كل واحد فينا له حادثه لازم يعملها وممكن 2 و 3 و 4 و5 علشان يتعلم ويتلم
ودايما كنت مقتنع بينى وبين نفسي ان حادثتى لسه مجتش واهى جت بعد تاخير سنه ونص
الحرص ياجدعان الله يكرمكم واوعوا الغرور يدخل عليكم كلنا كفتجيه على الطريق والسواقه ملهاش كبير سواء كان غلط منك او من طريق مبتمشيش عليه
امشوا بالراحه وربنا يستر والله مش مستاهله انا كنت هعمل مصيبه وكان ممكن يموت فيها ابن اخويا اللى عنده شهر علشان سهيت لحظه عن الطريق
سلام وربنا يسترها علينا
---------------
مساعده من الشراقوه حد يعرف عفشجى نضيف فى الزقازيق