انا غني ! انا غني ! هودي الفلوس دي كلها فين !؟

**ams** · 24-06-2008 10:16 AM

لو معايا 10 مليار دولار او حتى جنيه هابنى بيها مصر و هتجوز و اجيب شقه و عربيه حلوين بس كده

**Goodle** · 24-06-2008 12:11 PM

ال 10 مليار دولار هايتقسموا نصين
نص (اللي هو 5 مليار) هايكون رأس مال لمشروع قرض حسن للناس، زي اللي معمول في بنجلاديش (على ما آظن)

والنص التاني هايكون لإنشاء منه زكاة ومشروع لمنع التحكم في أسعار السلع الغذائية (شركة بتشتري من المستورد أو هي نفسها بتستورد.. وتبيع بهامش ربح يكفي إدارة رأس المال دون خسارة)
وبعدها أعمل صدقة جارية على روحي قبل ما يقتلوني الناس إياهم عشان هاكون خسرتهم الجلد والسقط :) :)

**osama** · 24-06-2008 04:52 PM

انا لو معايا 10 مليار هشتري خضار وفاكهة ولحمة يقضيني سنة في مصر المحروسة

**Ibtal** · 25-06-2008 02:31 PM

المشاركة الأصلية كتبت بواسطة PRO-DRIVE

كنت قرييت مره زمااان ان اوبيرا بتعمل الحجات دي عشان بتتشال من الضرايب اللي بتدفعها :)

That is true:
Bussiness people make always profitable moves
1) donations reduce income taxes
2)donations improves public image which also has benefits politically and in helping the hundreds of court cases against their bussiness
I would also assume that Bill donations are mostly towards the jewish activities

**Mido80** · 26-06-2008 07:49 AM

المشاركة الأصلية كتبت بواسطة MoToRiZeR

انهاردة في الأهرام خبر اعتزام بيل جيتس الا ستقالة من مايكروسوفت للتفرغ للعمل الخيري .. انا كنت زمان قريت انترفيو لبيل جيتس ( اللي ثروته 80 مليار دولار ) و كان فيه سؤال بخصوص ليه تبرعاته الخيرية بالمليارات .. فا كانت إجابته ان علي مدار حياته جمع قدر من الأموال لا يستطيع إنسان انه يصرفها و هو عايش حتي لو عمل ايه .. فا شاف انه طالما هو مش هينتفع بيها يبقي يفيد العالم بيها أحسن .

فعلا الناس اللي ثرواتها بالمليارات .. لا يمكن انسان يستطيع يصرف هذا الكم من الأموال .. يعني واحد ثورته مثلا نقول 10 مليار جنيه مش دولار .. هيعمل ايه بكل ده ؟ حتي لو عمل مشاريع .. ماهي المشاريع هتجيب فلوس مش هيعمل بيها حاجة برده .. و عشان كدة تصرف بيل جيتس حكيم جدا .. و اوبرا وينفري برده بتتبرع بمبالغ ضخمة من خلال برنامجها لأطفال افريقيا و جهات أخري

في بلدنا بقي .. في مين بيعمل كدة ؟ رغم ان عندنا كمية ثروات لا بأس بها .. و في العالم العربي عموما .. أمراء العرب .. عمري ما سمعت غير إن أميرة أهدت لمطرب عربية هامر مثلا .. او إن الأمير الفلاني اشتري جزيرة مش عارف فين عشان يروح يقضي فيها ويك اند واحد .. و عمري ما سمعت ان احمد عز مثلا كان ليه تبرع في مستشفي سرطان الأطفال اللي بيتجمع فلوسها من تبرعات الناس في حين ان عندنا رجال اعمال و ثروات لو تكاتفت ممكن تنضف البلد دي كتير .

يا تري أصحاب الثروات في بلدنا بيعملوا بيها ايه ؟!
يعني بعد ما الواحد يبقي عنده 100 مليار .. و بعدين؟

تسلم ايدك يا زعيم علي الكلام الحلو دة. يا ريت الحيتان اللي عندنا في مصر تنفذ الكلام دة والبلد تنظف شوية

**m_aash** · 26-06-2008 10:40 AM

المشاركة الأصلية كتبت بواسطة Goodle

ال 10 مليار دولار هايتقسموا نصين
نص (اللي هو 5 مليار) هايكون رأس مال لمشروع قرض حسن للناس، زي اللي معمول في بنجلاديش (على ما آظن)

والنص التاني هايكون لإنشاء منه زكاة ومشروع لمنع التحكم في أسعار السلع الغذائية (شركة بتشتري من المستورد أو هي نفسها بتستورد.. وتبيع بهامش ربح يكفي إدارة رأس المال دون خسارة)
وبعدها أعمل صدقة جارية على روحي قبل ما يقتلوني الناس إياهم عشان هاكون خسرتهم الجلد والسقط :) :)

الله ينور عليك و يجازيك خير على تفكيرك
لو الناس دايما تفكر غن الفوس الكتير اللى معاها هاتبقى طرقهم لنهاية مش كويسة فى الآخرة , كانوا فكروا زيك كده
هو إيه الهدف من إنى يكون معايا فلوس ما أقدرش أخلصها و حواليا ناس مش لاقية و بتعانى فى حياتها .
السعادة الحقيقية إنك تشوف إبتسامة و تسمع دعوة من شخص أخلت على قلبه السرور و فرجت له كرب
اللهم أرزقنا بالمال الذى يكون لنا سبب لإسعاد الآخرين من حولنا........آمين