ياتري حد جرب منظف الانجكشن اللي بينضاف علي البنزين هل فعلا مفيد ولا بيضر العربيه
وهل فيه نوع معين اجيبه
وشكرا
عرض للطباعة
ياتري حد جرب منظف الانجكشن اللي بينضاف علي البنزين هل فعلا مفيد ولا بيضر العربيه
وهل فيه نوع معين اجيبه
وشكرا
جرب منظف إنجكشن ليكوي مولي دة ب 37 جنية وبيتضاف علي تفويلة وبيفضل تأثيرة 2000 كم لكن لازم تغير البوجيهات بعدها ... هتحس بفرق كبير في السحب وهدوء صوت الماتور.
طبعا يا باشا الموضوع ده مهم جدا في رأي ومفيد جدا لانه بيحافظ علي الرشاشات والبوابة انها تفضل نظيفة وبيحلل شوائب البنزين ويفتتها عشان ميحصلش سدد في المواسير او الرشاشات وانا بفضل كمان تحط معاه Octane Booster ده بيظبط حرق البنزين ويقلل نسبة الرصاص اللي فيه
الموضوع ده بيظبط معاك استهلاك البنزين وسحب العربية
أستاذ أبو محروس ... أهلا بك .
بالنسبة لمنظف الرشاشات أولا طبعا هو مفيد ......
بُص يا سيدي فيه كمان حاجة أسمها منظف دورة بنزين ........ و ده تخلي بالك منه لأن أستخدامه بيكون كل فترة طويلة علشان ده بيستخدم لما بتكون خلاص الدنيا خربانة و محتاج تنظف دورة البنزين .
تأثيره قوي و من شدة تأثيره بيعمل تآكل لخراطيم الدورة لو أستخدمته كتير .
نيجي بقى لسؤالك الأصلي و هو منظف رشاشات .
طبعا مفيد و بيفتت الشوائب اللي في البنزين ...... و مش لازم تستخدم معاه أي مكونات أو اضافات تانية .
فيه نوع أنا بستخدمه من 2007 و أسمه سبيدوا ....... إنتاج مصري و جودته ممتازه .
و ثمنه دلوقتي حوالي 10 جنيه بس .
كنت بجيبه ب 8 جنيه بس فضل يغلى لغاية ما وصل لعشرة جنيه .
بجد ممتاز و مش لزم تروح تشتري مستورد و تهدر فلوسك و الجودة هي هي ....... أو متقاربة جدا .
http://i56.tinypic.com/2chl69z.jpg
بالنسبة لمرات الأستخدام
أستخدمه حسب الحاجة ....... أنا بحطه كل 1000 كم أو 2000 كم .
و ده في الآخر هايرجع على حسب نظافة البنزين المستخدم
يعني ممكن في مرة تحطه و تنظف و العملية تبقى تمام .
تيجي تروح محطة بنزين فيها شوائب كتيرة ...... تخربلك الدنيا في وقت صغير .
ودي المعلومات إللي بتأكد كلامي من موقع ليكوي مولي:
http://www.nileup.com//uploads/images/s7a91f2e22d.jpg
وبالنسبة للصورة اللى رفعتها ، بتقول للتأثير طويل المدي يجب استخدمه كل 2000 كيلو
يعني بيقول اصرف 37 جنية تنظيف رشاشات كل 2000 كيلو وواظب على كدة لو عاوز تحافظ عليهم.
فاللي استاذ توت بيقول عليه نفس الغرض ، ومنتج مصري نظيف ، وله نفس المفعول ،
وب 10 جنية وكفاءة ، ممكن تسخدمه بردو كل الف او الفين كيلو زي ليكوي مولي لو عاوز تحافظ على الرشاشات لفترة طويلة المدي .
وبعدين كلام الاعلانات بتاعهم دة لازم يدخل على العقل الاول ، هيستمر مفعولة ازاي 2000 كيلو
انت بتنظف حاجة ، نظفت بقت تمام ، خلصت غرضها
دخلت فولت بعد يومين ثلاثة من بنزينة زبالة ، لقيت الدنيا ملخطبة وهتخاف على الرشاشات وهتروح تستخدم المنظف تاني ، ملهاش علاقة بألف ولا بألفين.
المسألة مش بيقعد أد أيه الفرق في الصناعة ده مصري وده ألماني ... الله يرحم المية الخضراء إللي غرقت البلد وخلت عربيات كتير جابت وش سلبندر ... وطلع مصنعها في المحلة تحت بير السلم ... أنا قولت رأي مش إلزام وصاحب الموضوع حر في إستخدام النوع إللي هو عاوزه ... وشكرا
الحاجة مجهولة المصدر شئ ........ و الحاجة معروف مصدرها شئ آخر . و طبعا شكرا على التنبيه.
بس خليك فخور بصناعة بلدك يا دكتور خصوصا لو كانت حلوة
ألمانيا دي من أكبر مؤيدين الصهاينة و من أكبر موردين الأسلحة المجانية (غواصات نووية .... الخ ) للكيان الصهيوني .
دي نقطة و النقطة التانية ثمنه غالي جدا ...... بالاضافة أنك لما بتشتري مصري يعني بتدعم عامل و موظف مصري و بتوفرله فرصة عمل و العكس لما بتشتري ألماني أنت بتدعم عامل ألماني و موظف ألماني و بتحرم منها مصري .
ده رأيي الشخصي و أي حد حر يأخد به أو لاءة .
عموما منظف الرشاشات اللي أنا قلت عليه معمول بالتعاون مع شركة بريطانية .
موقع الشركة في الأسكندرية أهوه :
ADCO - Alexandria Detergents & Chemical Company Egypt
أنا بستعمل سبيد و رابيدو من ساعة ما جبت العربية و شايف انه كويس و شركة اسكندرية للكيماويات اصلا شركة محترمة
تمام طالما كويس ومصدره معروف يبقي يستخدمه أنا بصراحة ما كنتش عارفه وكنت عرف أنواع تانية مثل أبرو وstp وليكوي مولي ... وبالنسبة للصناعة المصرية أنا دايما بأقول نفسي أقول علي قطعة الغيار دي ألماني أو تركي أو أمريكي ما فيش مصري ... والقصة كلها في الضمير صدقني المصريين عباقرة ممكن يعملوا أي حاجة تتخيلها ... وأنا حاسس إن اليوم ده قرب ... وشكرا ليكم جميعا طريقة الحوار المحترمة وذوقكم الراقي ... وكل سنة وإنتم جميعا طيبين.
شجع المنتج المصرى طالما الكل بيشكر فيه و أنا عن نفسى نويت اجربه