الموضوع: تجربتى فى تغير زيت الباور خارج التوكيل

احبائى اعضاء قسمنا الجميل .... وحشتونى جدا واعزرونى على غيابى الطويل فى المشاركات وذلك لظروف و مشاغل كتير وكمان انقطاع النت عندى
انا من حوالى شهر لما الحر بدء يشد و يشتدد بدات احس ان الدركسيون بتقل جدا فى الحر
المهم سالت صديقى العزيز احمد fbi قالى بقالك اد ايه مغيرتش زيت البوار طبعا قولتله ولا مره والعربيه عامله 55000 كيلو
المهم فتحنا الكبوت واحمد شاف الزيت لاقاه مصفر وقالى لازم تغيره لانه اصفر ولزوجته راحت والمفروض لونه احمر
المهم من اسبوع كده قررت انى اغيره قبل المصيف فسالت احمد تنصحنى ب ايه يا عم احمد قالى ياريت لو لقين زيت البور بتاع تويوتا اليابانى بيبقى في صفيحه سوداء
المهم روحت مركز تويوتا الى جنبى فى صقر قريش والحمد لله لقيته وهو فعلا فى صفيحه سوداء و مكتوب عليه تويوتا و مصنوع فى اليابان ومتبرشم

وادى صوره الزيت

المهم كلمت صديقى العزيز وليد عادل وسالته على واحد كويس اغير عنتده الزيت المهم دلنى على واحد ممتاز علشان اغير عنده
وروحت للراجل الصفيحه وقولتله عاوز اغير زيت الباور ( وانا فى اعتقادى انه فيلم كبير) قالى عينى يا باشا ولقيته هوب
1- فك الابزين بتاع خرطوم الراجع بتاع القربه بتاعت الزيت وفضى الزيت كوله الى فى القربه

ودى صوره خرطوم الراجع و الابزين الى فكهم

2-وبعد كده قلى دور ودورت لمده عشره ثوانى علشان يجيب الزيت الى فى علبه الدركسيون
3-وبعدين ركب الخرطوم وال ابزين تانى وقلى هات الزيت
طبعا اول مشاف الصفيحه اييه ده ؟؟!! قولتلو زيت باور بس بتاع تيوتا قالى وجايبو منين قولتلو من يابان البلد فضحك هااااااااااااااااااااه قلتلو اخلص وخلصنى
4- المهم انه حط الزيت لقيته احمر دم وعايرت انا بنفسى المقياس على قبل max hot او بظبط بين الmax hot و min hot وقولتله باس (وده طبعا علشان العربيه كانت سخنه)
5- وبعد كده دورت العربيه وقالى هات الدركسيون يمين وشمال كام مره كده وخلصت العمليه الحمد لله
6- بعد ما شيكت على اى تسريب فى الدوره والحمد لله كله زى الفل وتمت بحمد الله والموضوع طلع اهيف من تغير لمبه محروقه!!!!!
المهم السؤال الى طبعا هتسألووووه
هل حسيت بفر ق يا عموووورررر ؟
هقولكم طبعا ما يبنش كده على طووووووووووول
بس حسيت بفرق لما روحت الساحل و العربيه كانت بتتنقع فى شمس.. بان الاداء واحد سواء فى عز ظهر الساحل الحارق وليله البارد الرطب
وده هو المطلوب وبكده فعلا الزيت عمل نتيجه محسوسه
لكن الى هيتخيل ان الدركسيون هيبقى زى الميه فهو واهم والعيب فى خيالك مش فى الزيت
لان الطبعى ان الباور يبقى اداءه ثابت فى كل الاوقات زى ما استلمت السياره زيرو
والحمد لله رب العالمين
ارجو تكون التجربه افادتكم
للاستفسار عن اى حاجه انا تحت امركم