اسئله بسيطه و لكن مهمه ليه

**melagouze** · 13-07-2012 04:45 PM

السلام عليكم و رحمه الله

راكن امبارح في امان الله و عربيتي مركونه بعيد جدا عن اي خطرو مغطي العربيه كمان ,,,,اصحي الصبح النهارده الاقي واحد بيقوللي الحق عربيتك اتخبطت......و الله لو حكيت لكم الموقف مش هتصدقوا....واحد بعربيه كارو ....ساب عربيته بحماره و راح يصلي الفجر....الحمار جر العربيه الكارو و خبط في عربيتي من الجنب!!!!!!!!!!!!!

الحمد لله علي كل شئ....الرفرف اتخبط جامد بس ممكن يترد علي البارد....و غطي العربيه حمي المرايا و البويه شويه....الحمد لله

اتصلت بالتوكيل قاللي فيه فرع معتمد في السمكره في العاشر اسمه القاضي....مش عارف هل في اي حد له خبره في التعامل معاه.....انا دلوقت في الشرقيه ...و مش عايز اروح المركز الرئيسي لو ممكن ...لكن الشغل لو مش هيبقي مظبوط يبقي بناقص

السؤال التاني ....العربيه (اوبل استرا 2012) درجه الحراره من ساعه ما جبتها بتقف علي 90 درجه...المهم بعد 5 الاف كيلو المؤشر قال ان العربيه ناقصه ميه المبرد ....كنت مسافر فحطيت لها ميه من حنفيه لان ما لقيتش ميه خضرا .....بعد 600 كم لقيت المؤشر بيقرا تاني ان ميه المبرد ناقصه .....اشتريت ميه خضرا و حطيتها......هل كده يبقي فيه مشكله في العربيه و لا ده عادي ...و ليه الميه قعدت فتره طويله في الاول و المره التانيه ما قعدتش حاجه ......و ليه ميه المبرد اصلا في الاول كان لونها احمر مش اخضر؟؟؟؟

السؤال التالت ....العربيه دي بتيجي بطربوش علي مسامير الجنط....فيه طربوش منهم وقع ......هل ده ممكن الاقيه في التوكيل او بره التوكيل ؟؟؟؟

هل ممكن من خبرتكم العامه تردوا عليا.........جزاكم الله خيرا

**amraction** · 13-07-2012 05:55 PM

بالنسبه للميا.. ممكن يكون فيه شرخ فدوره الميا بينقصها.. بس اتأكد انت بعينك ان الميا مش بتنقص ليكون الكمبيوتر مهيس ولا حاجه

غطا المسامير بتاع الجنط دور عليه ف الحرفيين يمكن تلاقيه استيراد لو ملقتش اسأل فى التوكيل بقا

السمكره .. فيه سمكريه كتير شطار ف الزقازيق.. لكن معرفش بقا نظام التوكيل ايه وهل لو عملت كده العربيه هتطلع من الضمان ولا ايه ظروفها

والله اعلى واعلم

**haitham2011** · 14-07-2012 04:55 AM

اللي اعرفه ان الميه الحمرا بتكون في العربيه اللي مشمتش لسه ميه الحنفيه

**mrisuzu** · 14-07-2012 05:44 AM

عربيتك لازم التوكيل

او واحد فى الحرفيين

او واحد فى الحى السابع

علشان متبوظهاش

2-مشكلة نقص المياة مش طبيعية

اذهب للتوكيل او ميكانيكى

دة مشكلة افيز عاوز يتربط

او ان فار اكل جزء من جلدة المياة

3- لون المياة احمر او اخضر

دى مياة تباع فى محطات البنزين

مفيش فرق غير لون المياة

اشترى جركن مياة حمراء ثمنة 40 جنية صناعة المانى

4 طربوش الجنط مش هتلاقية الا فى توكيل منصور شيفورلية فرع الصحراوى