-
لانساوى جديد
السلام عليكم ورحمه الله وبركاته
ازيكم يا شباب :brn: اخوكم بفضل الله . لسه مشترى دايو لانوس 2007 ومحتاج نصايحكم لانى جديد فى الكار
عايز النصائح الهامة للمحافظة على السيارة ياعنى امتى اغير زيت وايه الانواع الكويسه
- زيت المتور
- زيت البور
- المياه
- مياه المساحات
عايز نصايحكم اخواتى الاعزاء
وشكرا
-
الف مبروك ..وربنا يديك خيرها و يكفيك شرها انشاء الله ...بس لازم تغير السيور مع الزيوت علشان تضمن ميحصل حاجة لا قدر الله .....اما عن المواعيد ف حضرتك تحاول تغير الزيوت و السيور ف اقرب وقت عشان انت مش ضامن اللى قبلك ...بالتوفيق
-
الف مبروك يا باشا
وياريت تبتدي بتغير زيت المحرك ..
موفق
-
شكرا يا معاذ ، عايز اعرف الانواع بتاعت الزيت و السيور الكويسة
-
S o p h o s الله يبارك فيك يا عمنا (:
-
بالنسبة للسيور جيب charter gates ده انضف نووع و فية ال continental حلو بس بيعمل صووت .
و بيتغير كل 30-40 الف بس الاماان من 25-30
البوجيهات ngk 2 شمعة كل 10 الاف كابلات مرة و مرة او مرتين و مرة ( بالكتير)
الفلاتر gm ( زيت مرة اه و مرة لأ ) و بنزين و هواء ( انا عن نفسى كل 10 )
زيت الموتور كل وااحد برأى انا عن نفسى بستعمل فيسكو 3000 فى غيرى مقتنع ب شيل الاصفر .
زيت الباور فيسكو او موبيل ( معرفش اذا شيل عاملة زيت باور ولا لأ) و قولو يغيرو مش يزودوووو
بالنسبة للمية انت تكبس دورة تبريد و تغسلها و تحط مية خضرا iada . الكبس عشان تبقى ف الامااان
و تكشف على تيل الفراامل و جيب ال gm الاصلى ( اغلى بس بيعيش كتير و مش بيصفر ) و ممكن الجولد ( ارخص بس بيصفر ساعات) و زيت فراامل dot 4 و قولو يغيروو مش يزودووو
و اكشف ع زيت الفتيس و غيرو مش تزودووو
كدة ان شااء الله تركب العربية مرتاااح و متطمن ليها و فاايقة
ملحووظة : انا عارف انى الحاجات اللى مكتووبة كتير بس رخيصة مش غاالية هو بس اللى غالى التيل الاصلى و زيت الموتور و الفتيس . و ده اللى عملتو اما اشتريت عربيتى
-
بلاش ngk 2 شمعه وخليك في الواحد شمعة
-
الف مبروك عليك وعلى فكره انا نفسى اغير للانوس علشان بس الدعم اللى هتلاقيه هنا فى المنتدى وخصوصا من الاستاذ محمد ممدوح
انتظر ردوده
-
الف مبروك عليك اللانوس وربنا يديك خيرها ويكفيك شرها .... ومبدئيا كده اعمل الاتي خلال النهاردة وبكرة بالكتير ومتروحش مشاوير كبيرة الا لما تظبط الحاجات دي
1- غير زيت الموتور فورا .... وأكشف على زيت الباور والباكم وانت فالبنزينة
2-غير فلتر الزيت وفلتر الهواء وفلتر البنزين
3-غير سير الكاتينة وسير الدينامو وسير التكييف وبلية شداد الكاتينة
4-غير البوجيهات (هات ngk شمعة واحدة التخينة مش الرفيعة ) وغير سلوك البوجيهات
5-اكشف على الاطارات
وبعد كده طير يا معلم
-
شكرا يا شاب انا غيرت الزيت وكان الزيت اللى فيها اسود طين و زوت زيت باكم بتاع الفرمال و الدبيرياج
و النهاردة بأذن الله هغير سير الكاتينة و هكشف على الفرامل
بس العربية تسخن ومؤشر الحرارة فى المنتصف !!
Content Relevant URLs by
vBSEO 3.6.0 PL2