-
حادثة قبل مول العرب !!
السلام عليكم ورحمة الله وبركاتة
النهاردة كنت فى المشوار الصبح فى 6 اكتوبر وأنا راايح كان الطريق فاضى وكويس وأنا راااجع بقى الطريق كان زحمة بسبب حادثة واول مرة فى حياتى الاقى الناس بتجرى تساعد بأى حاجة وحبة كانوا بينظموا الطريق ,, بس حمدلله مفيش اصابات بس وش العربية (دة ظاهر) رااايح خلاص .. فيأريت الناس تتعظ وبلاش تقفيل العداد وربنا يستر طريقنا جميعا .
http://www8.0zz0.com/2012/07/13/17/192259322.jpg
-
ربنا يسترها علينا جميعا ومستني رد بتاع واحد صاحبنا قوووووووووووووي
http://img109.imageshack.us/img109/2429/downloadzaz.png
-
ربنا يكفينا شر الطريق
هي نوعها ايه العربيه دي
-
و الله يا باشا الحوادث فعلا قريبة مننا اوى و بالذات فى مصر الواحد ممكن يبقى ماشى فى حاله عادى من غير ما يشد و لا حاجة و تحصله مصيبة
و فعلا يا ريت الناس تهدى شوية و تتعظ و مهما كانت العربية كويسة برضه مفيش حاجة كاملة
و العربية فى الحادثة اوبل استرا و الاوبل دايما يضرب بيه المثل فى الثبات و الطريق ده يعتبر من الطرق الكويسة فى القاهرة برضه مش طريق مكسر او ضيق
بس و الله مهما كانت العربية كويسة فى طرقنا ديه ممكن برضه يحصل حوادث
-
الحمد لله ان صاحبها كويس وان الرصيف كبير و خبط فالعامود بدال ماكان يدخل عالطريق التاني كان ممكن تحصل كارثة
-
دا أكيد كان طاير 150 / 160 ربنا يسترها
-
-
الطريق دة تحديدا ال 150 علية عاااااااادى لانة متسفلت كويس وخاااااااااااااااااادع لابعد الحدود
بيتهيالى الراجل دة حب يفادى او كان بيفرمل وعومت منة وطلع على الجزيرة والحمد لله انة لبس فى العمود ومخرجش الناحية التانية كان ساعتها لا قدر الله حيموت وحيموت معاة ناس تانية
-
الحمد لله ...... ألمانيا عندهم شوامخر واحد بس
مصر فيها 85 مليون شوماخر
لازم يا جماعة نكون فخورين بنفسنا و بقدراتنا الخارقة على التسبب في الحوادث اليومية .
أحنا في موسوعة جينيس لأكبر عدد حوادث في العالم مع شوية دول متخلفة زينا كدا .
-
أنا بمشي على الطريق ده كتير .
بأخد يميني و أمشي على 60 ........... و الاقيلك واحد جاي يقلبلي من على اليمين و عايز يعدي أو عمال يزمرلي .
خصوصا بقى سواقين الميكروباظ .... أو شباب الجامعة المتهورين (الله يهديهم و يهدينا ) و سواقين التاكسي اللي أصبحوا سيئين جدا جدا لأبعد الحدود .
كنا فاكرين لما يشتروا تاكسي جديد هايخاف عليه و يحافظ عليه علشان جديد .
تهورهم زاد بسبب حداثة المواتير ...
المهم أن الطريق ده مليان مطبات و برضه تلاقي الناس طايرة عليه .
ربنا يهدي الشعب المصري الغريب ...... المتهور ........ بجد السواقة مغامرة كبيرة على طرق مصر بسببنا أحنا المصريين .
Content Relevant URLs by
vBSEO 3.6.0 PL2