هوا نقل الملكية حاجة والرخصة حاجة والفحص حاجة ولا ايه بظبط

**aallmix** · 13-07-2012 10:26 PM

اللي بيشتري عربية بينقل ملكية كده الرخصة القديم بتاعة المالك ضاعت حتى لو فاضل عليها سنة ؟
اللي بينقل الملكية ممكن يكون نقل ملكية بس ولا لازم فحص وكله من الأول
لو عربية هتتسجل في مرور غير مرور فيه حاجة غير شهادة البيانات بتتجاب من المرور القديم ؟
واخيراااا.... تكاليف نقل الملكية لو العربية 950 سي سي موديل 81

**إبراهيم المصرى** · 13-07-2012 10:42 PM

1 0 لما بتكون الرخصه ساريه ولسلها فترة 0يفضل عمل عقد ابتدائى + توكيل عام وله حق البيع للنفس والغير0وتمشى عادى مع الاحتفاظ بالتوكيل فى السيارة 0 وعند انتهاء الترخيص يتم التسجيل ونقل الملكية فى المرور والفحص ويطلع الترخيص باسم المالك الحالى
2 0 التسجيل فى الشهر العقارى من البائع لا يعنى بالضرورة الفحص ونقل الملكيه فى المرور فوراً ولكن اذا وقع المشترى فى الشهر العقارى بصفته مشترى فيجب نقل الملكية فى المرور خلال شهر على الاكثر وفى حالة عدم توقيع المشترى يمكن ان يستمر الترخيص باسم البائع حتى ينتهى الترخيص ويتم نقل الملكية اثناء تجديد الترخيص
3 0 والبنسبه للنقل من مرور للمرور لو الرخصه سارية مش محتاج شهادة بيانات بتسلم النمر فى المرور اللى تتبعه السيارة وتجيب شهادة مخالفات وتروح مروورك تفحص وتدفع الضريبة والتأمين والنماذج والدمغات وترخص

**aallmix** · 13-07-2012 11:05 PM

وفى حالة عدم توقيع المشترى يمكن ان يستمر الترخيص باسم البائع حتى ينتهى الترخيص ويتم نقل الملكية اثناء تجديد الترخيص

ازاي يعني العقد بيتم توقيع طرف واحد بس ؟
وتاريخ العقد ؟ وتسجيله ؟

يا ريت توضيح

**drmagieed** · 14-07-2012 12:43 AM

بص يا سيدي إنت ممكن تعمل العقد وتوثقة في الشهر العقاري طالما الرخصة سارية ... وتروح المرور إللي تبعة العربية تجيب شهادة بيانات وبراءة ذمة من المخلفات من نيابة المرور إللي تبعها العربية ... وبعدين تروح المرور إللي هترخص فية (بتاعك إنت) وتفحص وتجدد الرخصة بإسم لنهخاية الفحص وبكدة مش هتدفع ضريبة وهتستفيد بالضريبة إللي دفعها المالك الأصلي ... وإختصارا للوقت ممكن تروح المرور بتاعك الأول وترفع بصمات العربية علشان هتروح تعملها مطابقة في المرور إللي رخصتها تبعة ... وكمان هتروح مباحث المرور تجيب تأشيرة غير مبلغ بسرقتها ... يبقي ممكن توفر المشاوير وتفحص وتروح تطابق وتجيب شهادة المباحث وشهادة البيانات وبراءة الذمة في يوم واحد ... وبعد كدة تروح تكمل إجراءاتك في المرور إللي إنت تبعة ... وتكاليف تسجيل عقد العربية مش هتعدي 125 جنية ... والصورة المرفقة فيها تكاليف نقل ملكية السيارات عام 2011.
http://www.nileup.com//uploads/images/s3c2e2820f9.jpg