جولييت 1300 . حد عنده فكره عنها

**MMamdouh** · 15-07-2012 02:38 PM

المشاركة الأصلية كتبت بواسطة هيثم

العربيه معروضه عليا
هيا 1300 سى سى و ديه حاجه غريبه بالنسبه لى
( اول مره اشوفها الحقيقه )
الازاز الخلفى عادى و الامامى كهرباء
و مفيهاش فوانيس شبوره بس فيها زارار بيعلى و يوطى الكشافات
مع ان العربيه اوروبى ( 2 ايرباج و ايه بى اس )

حد عنده فكره او تفسير للموضوع ده

اللانوس فيها مواتير 1350 سى سى بس دى نزلت فى اوروبا فقط و بتيجى مصر بنظام معاقين

المكنة هى هى المكنة ال 1500 بس الاختلاف فى البيلات و الكرنك فقط... اعتقد ان العربية دى فيها طقم دبرياج مختلف عن ال1500 بتاعتنا بس مش متاكد

MMamdouh

**MMamdouh** · 15-07-2012 02:42 PM

المشاركة الأصلية كتبت بواسطة هيثم

99
و الحاله جيده
و مطلوب 45

يا راجل يا طيب... دا سعر مبالغ فية اوى

اولا المكنة ال1350 دى معزة... 75 حصان او حاجة كدة و انا شايف انها ضعيفة على عربية بالوزن دة

ثانيا العربية جاية من اوروبا يعنى غالبا هيبقى فيها بارومة كتير... دا غير ان العربيات دى برة بتعامل معاملة سيئة فا ميغركش الشكل الخارجى الكويس و الاوبشنز اللى فيها

ثالثا و دة الاهم... الاية بى اس و الاير باج ملهمش اى قطع غيار فى اى حتة و اما حتدور على قطع استيراد ليهم لو هتحول العربية لفرامل عادية و تلغى الاير باج لو حصل فيهم مشاكل بالتالى هتفقد الميزة اللى انت شايفها فى العربية و تفضل مع المكنة العيانة

رابعا.... 45 الف تجيبلك لانوس محترمة انتاج محلى

MMamdouh

**MMamdouh** · 15-07-2012 02:44 PM

المشاركة الأصلية كتبت بواسطة هيثم

حاله تلف الحساس المذكور
الفرامل هتشتغل زى العربيه غير المزوده بايه بى اس و لا مش هتشتغل اصلا

ألفرامل هتشتغل عادى خالص... الABS هو اللى مش هيشتغل

و للعلم الدايو فيها عيب شائع و هو ان الحلقة اللى راكبة على الكوبلن بتحك فى حساس الABS و بتتلفة.... لو تعرف حد عندة حساسات ABS للانوس يبقى انت معندكش مشكلة

MMamdouh

**MMamdouh** · 15-07-2012 02:49 PM

المشاركة الأصلية كتبت بواسطة mhraslan

استاذى انا معايا العربيه ديه من 2008 والحمد لله مفيش اى شكاوى ولعلم حضرتك كل قطع غيار الــ 1500 بتركب عليها ومفيش اى اختلاف غير فى البلوك تمام

اعتقد ان فيه حد كان قال ان طقم الدبرياج بتاعها مختلف عن ال1500

وكمان من ضمن المواصفات بتبقى كمان عفشه اسبورت

مفيش لانوس نزلت بعفشة سبور

واوعى تخاف من قطع الغيار مفيش اى اختلاف

تعرف حد عندة قطع غيار للABS و الاير باج؟؟

واقولك على حاجه اللانوس المصرى او حتى اللانوس 1 الكورى معرف عنها ان الفرامل بتعاتها وحشه فرامل ماتيز اصلاً بس الاوربى ده موضوع تانى جرب وانت تعرف لو سقت اى لانوس حتى لو 2012 وسوق الاوربى

مشكلة فرامل اللانوس ال1500 مخش مشكلة خامات... دى مشكلة مواصفات الفرامل نفسها... يمكن عشان ال 1350 اضعف من ال1500 فا المشكلة مش بتبان اوى لكنها مشكلة معروفة و موجودة

و للعلم برضة اللانوس 1 مش كورى... دى انتاج محلى

MMamdouh

**MMamdouh** · 16-07-2012 05:49 PM

مهى الفكرة فيه كام عربية نازلة فيها الاير باج و الABS متقطعة عشان تلاقى فيها القطع اللى انت عايزها؟؟؟ و فية كام كهربائى حافظ الحاجات دى فى الدايو عشان يشتغل فيها و يطلعها صح؟؟

لاحظ ان احنا عندنا ضفيرة الABS جزء من ضفيرة العربية مش ضفيرة منفصلة زى باقى العربيات فا اى مشكة هتستدعى انك تغير ضفيرة كاملة لعربية فيها ABS... انا عارف الحوار دة لان ليا صديق ركب ABS فى نوبيرا و عاش فى الحوار دة شهرين و صرف بتاع 3000 جنية عشان يشتغل

العفشة و الشداد دول متركبين للعربية... مفيش عربية دايو نزلت بعفشة سبور او شداد فابريكة

MMamdouh