عرض للطباعة
العربيه معروضه عليا
هيا 1300 سى سى و ديه حاجه غريبه بالنسبه لى
( اول مره اشوفها الحقيقه )
الازاز الخلفى عادى و الامامى كهرباء
و مفيهاش فوانيس شبوره بس فيها زارار بيعلى و يوطى الكشافات
مع ان العربيه اوروبى ( 2 ايرباج و ايه بى اس )
حد عنده فكره او تفسير للموضوع ده
العربية جاية من بورسعيد ولا إيه ؟؟
هيا اساسا معاقين و الحظر انتهى من 3 سنين
طيب هيا موديل كام وحالتها ومعروضة عليك بكام
لان برضو اتعرض عليا واحدة كانت معاقين واتفك الحظر بس كان طالب كتير ومش كشفت عليها
متابع
العربية دي بتنزل معاقين بس تقريا .... وفيه اجزاء من قطع الغيار بتاعتها مختلفة عن اللانوس ال1500 بتاعتنا .... مفيش ناس كتير راكبينها .... خد رأى اكتر من حد برضه يكونوا خبراء اكتر فالموضوع دا
99
و الحاله جيده
و مطلوب 45
ابعد عنها خالص وشوفلك حاجة تانية بالسعر ده تركب لانوس 2005 محترمة
اقتباس:
المشاركة الأصلية كتبت بواسطة tarek_2005
يعنى حضرتك شايف ان السعر مبالغ فيه بس
انما ما لكش اى ملاحظات على مواصفات الموتور
مش صعبة شوية يا استاذ طارق يلاقي 2005 ب 45 ومحترمة كمان ؟؟؟؟ اعتقد ان ال2005 لن تقل عن 48 الف ..... ولا الاسعار اتغيرت اليومين دول ؟؟؟؟اقتباس:
المشاركة الأصلية كتبت بواسطة tarek_2005
الاوربي بتفاجئنا بمشاكل في عدم توافر قطع غيار معينة منها
يعني لو مشكلة حساس abs تلف فكرت هتجيبه منين ولا هتبتدي تعدل وتحولها لعادة
السعر مغالي فيه اوي
و لا حتى استيراداقتباس:
المشاركة الأصلية كتبت بواسطة tarek_2005
و سوال تانى من فضلك
حاله تلف الحساس المذكور
الفرامل هتشتغل زى العربيه غير المزوده بايه بى اس و لا مش هتشتغل اصلا
الله اعلم بس اعتقد هيبقي فيها خطورة
غير لمبة التشك بتاعة abs الي هتقرفك
من الاخر (( ابعد عن الشر وغنيله )) دا رائ الخاص ولك مطلق الحرية
اقتباس:
المشاركة الأصلية كتبت بواسطة tarek_2005
المشكله انى بدور من شهر و شويه و ده انسب عرض لقيته و خاصه ان حاله العربيه
عجبتنى
ربنا يقدم اللى فيه الخير
نفس الموديل وبنفس السعر اتعرض عليا واستغلتها وعرض على الراجل 41 ومش رد :)
حالتها كانت ايه
و كان طالب كام
استاذى انا معايا العربيه ديه من 2008 والحمد لله مفيش اى شكاوى ولعلم حضرتك كل قطع غيار الــ 1500 بتركب عليها ومفيش اى اختلاف غير فى البلوك تمام
اولاً العربيه ديه انضف من اللانوس 2012 بمراحل عن تجربه وعدم انحياز والله وكمان من ضمن المواصفات بتبقى كمان عفشه اسبورت بجد عربيه جميله ولو حتى الموتور زعلك واحتاج طقم شنبر ولا عمره ابقى هات موتور استعمال 1500 استعمال ولا حتى 1600 المهم الاساسات العربيه لو سليمه اوعى تفرط فيها بجد ممتازه واوعى تخاف من قطع الغيار مفيش اى اختلاف
اقسم بالله ان من سنتين اتحطلى فى عربيتى 50000 بدون مبالغه من مهندس غاوى المواصفات الاوربيه الاير باج والاى بى اس وانا مافقتش لسبب واحد كنت بتجوز ومكنش فى مجال ازود الفلوس ومش يفكر اغير العربيه فى المرحله ديه وفكرت لقيت ان المبلغ ده مش هيركبنى عربيه احسن منها
واقولك على حاجه اللانوس المصرى او حتى اللانوس 1 الكورى معرف عنها ان الفرامل بتعاتها وحشه فرامل ماتيز اصلاً بس الاوربى ده موضوع تانى جرب وانت تعرف لو سقت اى لانوس حتى لو 2012 وسوق الاوربى
شهر دا مش رقم كبير يعني يا باشا .... انت هتجيب عربية مش قميص .... دور تاني ومتستعجلش .... اللانوس والجوليت كتير جدا ومنتشرة واكيد هتلاقي حاجة فنفس المستوى ويمكن احسن كمان وربنا يوفقكاقتباس:
المشاركة الأصلية كتبت بواسطة هيثم
اقتباس:
المشاركة الأصلية كتبت بواسطة mhraslan
زى الفل
اقتباس:
المشاركة الأصلية كتبت بواسطة mahmoud_eng85
الظروف بتحكم
اللانوس فيها مواتير 1350 سى سى بس دى نزلت فى اوروبا فقط و بتيجى مصر بنظام معاقيناقتباس:
المشاركة الأصلية كتبت بواسطة هيثم
المكنة هى هى المكنة ال 1500 بس الاختلاف فى البيلات و الكرنك فقط... اعتقد ان العربية دى فيها طقم دبرياج مختلف عن ال1500 بتاعتنا بس مش متاكد
MMamdouh
يا راجل يا طيب... دا سعر مبالغ فية اوىاقتباس:
المشاركة الأصلية كتبت بواسطة هيثم
اولا المكنة ال1350 دى معزة... 75 حصان او حاجة كدة و انا شايف انها ضعيفة على عربية بالوزن دة
ثانيا العربية جاية من اوروبا يعنى غالبا هيبقى فيها بارومة كتير... دا غير ان العربيات دى برة بتعامل معاملة سيئة فا ميغركش الشكل الخارجى الكويس و الاوبشنز اللى فيها
ثالثا و دة الاهم... الاية بى اس و الاير باج ملهمش اى قطع غيار فى اى حتة و اما حتدور على قطع استيراد ليهم لو هتحول العربية لفرامل عادية و تلغى الاير باج لو حصل فيهم مشاكل بالتالى هتفقد الميزة اللى انت شايفها فى العربية و تفضل مع المكنة العيانة
رابعا.... 45 الف تجيبلك لانوس محترمة انتاج محلى
MMamdouh
ألفرامل هتشتغل عادى خالص... الABS هو اللى مش هيشتغلاقتباس:
المشاركة الأصلية كتبت بواسطة هيثم
و للعلم الدايو فيها عيب شائع و هو ان الحلقة اللى راكبة على الكوبلن بتحك فى حساس الABS و بتتلفة.... لو تعرف حد عندة حساسات ABS للانوس يبقى انت معندكش مشكلة
MMamdouh
انا سمعت من مصدر موثوق منه ان كل المكن الى فى مصر بتاع الدايو 1350 سى سى -بس البلوك1500 سى سى انما المكونات الداخليه للماتور مختلفه-وهيه الى بتحدد اذا كان الماتور 1350 او 1500 سى سىاقتباس:
المشاركة الأصلية كتبت بواسطة mmamdouh
اعتقد ان فيه حد كان قال ان طقم الدبرياج بتاعها مختلف عن ال1500اقتباس:
المشاركة الأصلية كتبت بواسطة mhraslan
مفيش لانوس نزلت بعفشة سبوراقتباس:
وكمان من ضمن المواصفات بتبقى كمان عفشه اسبورت
تعرف حد عندة قطع غيار للABS و الاير باج؟؟اقتباس:
واوعى تخاف من قطع الغيار مفيش اى اختلاف
مشكلة فرامل اللانوس ال1500 مخش مشكلة خامات... دى مشكلة مواصفات الفرامل نفسها... يمكن عشان ال 1350 اضعف من ال1500 فا المشكلة مش بتبان اوى لكنها مشكلة معروفة و موجودةاقتباس:
واقولك على حاجه اللانوس المصرى او حتى اللانوس 1 الكورى معرف عنها ان الفرامل بتعاتها وحشه فرامل ماتيز اصلاً بس الاوربى ده موضوع تانى جرب وانت تعرف لو سقت اى لانوس حتى لو 2012 وسوق الاوربى
و للعلم برضة اللانوس 1 مش كورى... دى انتاج محلى
MMamdouh
اقتباس:
المشاركة الأصلية كتبت بواسطة mmamdouh
انا بدور على جولييت بالاساس يا استاذ ممدوح
ده غير انى عندى نوع من الهوس بالعربيات المتقفله بره
و السعر ده افضل سعر سمعته خلال الشهر اللى فات
شفت كذا عربيه حالتهم اقل و سعرهم اغلى لحد 55 مثلا ( اغلبهم فى السوق )
عامه انا كده هصرف نظر عن موضوع الاوروبى و هدور على حاجه كورى
استاذ ممدوح انا اللى اقصده انك لو مشكلتك الموتور زى محضرتك بتقول معزه مقدور عليه يتغير ولو تقصد الاير باج واي بى اس (الاستعمال هو الحل ) ولا حضرتك مختلف معايا؟
المهم اساسيات العربيه
وعلى فكره انا عربيتى العفشه سبورت فعلاً وكمان فيها عند الموتور شداد ماسك الفخد من فوق كده لونه اصفرفابريكا
مهى الفكرة فيه كام عربية نازلة فيها الاير باج و الABS متقطعة عشان تلاقى فيها القطع اللى انت عايزها؟؟؟ و فية كام كهربائى حافظ الحاجات دى فى الدايو عشان يشتغل فيها و يطلعها صح؟؟
لاحظ ان احنا عندنا ضفيرة الABS جزء من ضفيرة العربية مش ضفيرة منفصلة زى باقى العربيات فا اى مشكة هتستدعى انك تغير ضفيرة كاملة لعربية فيها ABS... انا عارف الحوار دة لان ليا صديق ركب ABS فى نوبيرا و عاش فى الحوار دة شهرين و صرف بتاع 3000 جنية عشان يشتغل
العفشة و الشداد دول متركبين للعربية... مفيش عربية دايو نزلت بعفشة سبور او شداد فابريكة
MMamdouh