اقسم بالله واحشنى جدا وفعلا انا زعلان على غيابى عن المنتدى وعن حبايبى الى فيه
ندخل بقى فى الموضوع
من غير تريقه وكلام كتير انا كان عندى اصوات عجيبه ( تخبيط - شغلله - ترزيع ) ومع اى ظلطه كنت بسمع الصوت ده فى العربيه من الخلف
المهم روحت مع واحد صاحبى كان عنده نفس المشكله عند عفشجى عند كبرى التجنيد الراجل اول ما سمع المشكله قالى دنجل قولت ماشى غير يا عم بعت الواد بليه عند الشيخ احمد الفوال ( رغم انه عمل معايا موقفين مش حلوين الا انتى مضطر اتعامل معاه تانى ) وجاب دنجل وبعد التركيب والاتصال بالمهندس ايهاب علشان يكون اول واحد يعرف وتغير زيت الفرامل وكل حاجه
النتيجه عمال اكل فى مطبات وانا ماشى ومش سامع اى حاجه خالص
الحمد لله
سعر الدنجل بعد الفيصال وبعد ما فكرته بالحاجات الى جبتها منه وطلعت مش تمام 120 جنيه
علبة زيت .4 الراجل بيقول انها المانى وفعلا مكتوب عليها كده ب 30
مصنعيه 50 من غير فيصال ولا كلام بعد ما طلعت جربت
وبس كده
وربنا يستر طريقى وطريقكم