-
سؤال بخصوص الفتيس ال mmt
الحاج وصل بالسلامه بالعربيه و الحمد لله
حاليا بسوقها لما بكون نازل مشاوير
انا مليش الا في سواقه المانيوال ابو دبرياج
لكن الفتيس العجيب ده مش فاهم فيه حاجه
و بمشي بالاوتو بالعافيه
دلوقتي عايز اجرب امشي بالستيبترونيك
اعمل ايه ؟ و عايز اجرب الريش اللي في قفا الطاره
-
حمدالله على السلامة يا اسكرين
وحمدالله على سلامة الحج ومنور قسم تويوتا يا اسكريين
انا كنت واثق انك راجع يا حبيب قلبي
حمدالله على السلامة يا باشا
-
الله يخليك يا ريس و يا ريت تجاوب علي السؤال
-
طيب شوف يا سيدى دلوقتى انتا فى المانيوال بتعمل اية بدوس على الدبرياج و تجيب الاول تمام و مشيت العربية كدة على الاول طبعا مس هنفضل مشين على الاول هنخرب الديسك و الاسطوانة .. لما نيجى نجيب التانى بنعمل اية ؟؟ بندوس على الدبرياج و بنرفع رجلنا من على البنزين و نجيب التانى و هكذا فى كل الغيارت دة فى المانيوال ابو دبرياج اللى انتا متعود علية .. هنا بقى فى ال ام ام تى انتا بتجيب على علامة M بتبقى جهزة على الاول و بترفع رجلك من على الفرامل العربية بنطلع و تكبس بنزين على سرعة 20 او ازيد شوية هتبقى عايز تديها التانى هتعمل اية بقى هتخف رجلك من على البنزين و تديه التانى كانك فى المانيوال و دست دبرياج و خفت رجلك من على البنزين عشان تعشق الغيار بس هنا العربية هى اللى بدسلك الدبرياج و دة فعلا لان العربية فيها دبرياج كهربا بداخلها و هكذا فى كل الغيارت تجيى تغير تخف رجلك من على البنزين و تعشق الغيار
بس فى حاجة عاوز اقولك عليها لو مخفتش رجلك من على البنزين العربية هتدى الغيار و تعشقو كمان عادى بس الفكرة ان عشان متحسش بالغيار و هى بتعشو.. زى المنيوال ابو دبرياج بالظبط لو مفختش رجلك من على البنزين و انتا بتدى الغيار هتحس بخنقة كدة او نتشة نفس الكلام هنا بالظبط
بردو عايز اقولك العربية بخصوص موضوع النقلات سواء كانت على الE او على M لازم تخف رجلك من على البنزين يعنى لوعلى ال E بتحفظ هى بتغير امتى و تخف رجلك من على البنزين و انتا معا سواتك الكتير هتحفظ لوحدك لو عايز تريح دماغك تخليها على المانيوال و بردو قبل ماتدى غيار هتخف رجلك من على البنزين سواء هتغير من الريشة او هتغير من الفتيس عن طريق ال - او + اللى فيهم
لية بقى بنقول نخف رجلينا فى الغيارات من عشان بس منحسش وهى بتنقل كمان عشان عمر الدسك و الاسطوانة لانها مش مشية بالنظام الهيدورماتك طرمبة زيت فى الغيارات و الكلام دة
لا دى بالظبط زى المانيوال ابو دبرياج زى ماقولنا
و ال E اختصار ل Easy Tronic
ملهاش علاقة ابدا باليستب ترونك دة
طبعا بعد الرغى دة كلة انتا هتكتب كومنت تقولى انا اركب تاكسى احسن لا طبعا مش معقدة بالطريقة اللى انتا فاكرها دى ابدا هى زى ما قولتلك معا السواقة الكتير هتتعود علية خالص و هتحبها خالص خصوصا انك بتقول انتا متعود على المانيوال العادى
و اى سوال انا تحت امرك
-
شكرا فيرو مان و بجد الشرح وافي جدا ربنا يخليك
Content Relevant URLs by
vBSEO 3.6.0 PL2