المشاركة الأصلية كتبت بواسطة mhassan9
بص يا باشا الحوار دا حصل معايا قبل كدا وكانت العربيه بتسخن بالتكييف ومن غير علي أكتر من 140
لفيت الدنيا كلها وغيرت حاجات كتيير وحاليا الموضوع اتعدل الحمد لله فهقولك عملت أيه
الأول عشان تتأكد أن الرديتاير سليم هل لما بتغير الميه وتغسل دورة التبريد وتغسل القربه لون الميه في القربه بيفضل نضيف فترة طويله ولا بيغير ويوسخ علي طوول...دا مهم جدا لأن لو بتغير بعد أسبوعين مثلا يبقي الرديتاير وصل لمرحله مش هينفع معاها لا تسليك ولا غسيل
وعامة فيه مصيبه بتحصل في موضوع غسيل دورة التبريد
بيحطوا ميه نار أو بيزودوا تركيز مزيب الصدأ لدرجة ممكن تاكل في الرديتاير نفسه
المهم أنا الميه كانت بتوسخ معايا وأبقي لسه غاسل فغيرت الرديتاير...فيه حاجه كمان ممكن توسخلك دورة التبريد وهي دفاية التكييف اللي في التبلوه...الميه بتخش فيها في كل الأحوال فلو مصديه الأحسن تلغيها عن بتاع رديتاير وكدا كدا مش هتحتاج السخن كتيير دا لو أحتاجته أصلا
أنا غيرت ثرموثتات كوعه وبعدين شيلته...غيرت حساس حرارة المروحه علي الفاضي فسيبك من كل دا
في حجتين مهمين جداً
1- أتاكد من الردياتير والدفاية عن طريق متابعه لون الميه والرديتاير مش غالي عامة أنا جبته من بره التوكيل ب 400 جنيه كوري مش صيني
2- روح أي مرز صيانه خليهم يكشفوا علي ضفيرة الكهربا....هتقولي مال الكهربا ومال الموضوع هقولك أنا كنت شاكك فيها مش عارف ليه وهما كمان شكوا فيها وكشفوا عليها وعملوا حاجه مرضيوش يقولولي عليها بس من بعدها السخونه راحت والموضوع كلفني 50 جنيه بس.
دا والله أعلم أغلب اللي ممكن يكون السبب ما دمت متأكد أن الموتور سليم ودايما حاول تعالج من السبب الصغير للكبير يعني بلاش تفتح علي نفسك فتحه في وش السلندر وحوارت وممكن يكون السبب أتفه من كدا بتكيير
وربنا يوفقك أن شاء الله