المشاركة الأصلية كتبت بواسطة screenplays
@
moha4tec
لو العفشه ناعمه و اكلت مطب ... العربيه هتحك جامد في المطب ... و ممكن كارتيره الزيت تتكسر مثلا او القنطره تتعوج ... طالما العفشه ناشفه ... العربيه بتفضل ماسكه نفسها علي المطب و مبتهبطش لتحت ... انا قصدي بتسعف ان مفيش اضرار الا علي العفشه بس ... اتمني ان اكون عرفت اوضح وجهه نظري
تمام فهمتك و معاك فى نفس الراى .
و هي السيراتو اسبور ؟ ممكن يكون شكلها اسبور و لكن ادائها مش اسبور علي الاطلاق
انا مقلتش ان السيراتو سبور .انا قلت ان اى عربيه سبور او مسقطه عفشه اسبور هتبقى نشفه جدا جدا .و ان اللى منشف عفشة السيراتو ان المساعدين بتوعها غاز و ليس زيت .و الفرق بينهم ان المساعد الغاز بينشف العفشه جامد و لكن بيعلى الثبات .و بيقلل الراحه طبعا .المساعد الزيت بيخلى العربيه ناعمه جدا جدا و بيقلل مستوى الثبات عن الغاز . معنى كلامى :السيراتو مش اسبور .و لكنها بها مساعدين غاز ناشفين زى اللى فى العربيات الاسبور .و عشان كده ناشفه جدا .و كمان الجنط ال 17 و السمك الرفيع للكوتش و كمان العفشه الخلفيه تورشن بيم على دنجل .
ممكن برضه
انا متاكد من حتة الشاسيه دى 100% و مفيش عربيه جديده بتنزل عموما و ليها شاسيه معووج ابدا ابدا ....... لا الفيرنا بتجري عنها ... شوف الاوزان و احكم بنفسك
ماشى الفيرنا خفيفه و لكن السيراتو المانيوال تعلم عليها بحق ربنا و تفرق عنها بمراحل .و الاوتو تثبت معاها و تعديها على السرعات العاليه .
و السيراتو 124 حصان و 1325 كجم .=0.0935849056603774
الفيرنا كام حصان على وزن اد اه
هتلاقى مثلا الفيرنا 85 حصان على 1000 كجم وزن =0.085
و لو الفيرنا 92 حصان يبقى نسبتها =0.092
يبقى نسبة عدد الاحصنه على الوزن لصالح السيراتو لكل كجم .حتى لو بفرق بسيط .
و الباقى انت عارف سواق عن سواق يفرق .دا غير فرق الثبات و الفرامل لصالح السيراتو طبعا .و فرق السعر لصالح الفيرنا طبعا .
مشاوير جوه البلد كانت بتقطم وسطي فما بالك بالسفر و بعدين عن نفسي مخاطرشو اخد غرز بيها علي سرعات عاليه[/color]
معاك ان قعدتها ناشفه و عفشتها نشفه .و لكنى بتكلم على العربيه بتسافر مسافات كبيره ماشاء الله و مبتعملش مشاكل فى السفر . و على فكره العربيه دى غريبه جدا جدا جدا . فى سرعات معينه من 120 لحد ال 180 ثباتها بيقل و من ال 200 ل 220 ثابته جدا بطريقه غريبه خصوصا على 210 .كنت حاسس انى على 60 .و الله و كان معايا صحبى بيدخل سباقات و محترف .و لاحظ كده معايا و خدنا الملفات 190 و 200 و كان مستغرب و انا كنت مش مصدق .و لكنها من فوق ال 120 لحد ال 180 ثباتها بيقل بطريقه ملحوظه .خصوصا على 170 و 160 . و فى ناس تانيه لاحظت كده . انا اول مره اشوف فى حياتى عربيه ثباتها يقل على سرعه معينه و يرجع يزيد جامد على سرعه اعلى . و كمان لاحظت ان من 120 لحد 180 الهوا لو لطش العربيه بالعرض بياثر فيها جامد و لو عربيه عدت من جنبك اسرع منك بتحس بيها و لو مقطوره عدت من جنبك هتحس بيها . الغريب بقى على 210 العربيه عديت من جنب عربيات طايره 150 و 160 و 170 و منطقه مفتوحه و الهوا بالعرض جامد .و العربيه ثابته و متهزتش ملى متر واحد .لدرجة انى مكنتش مصدق اصلا . و كنت منبهر . بس هو عموما و الله اعلم اظن ان العربيه على السرعات دى بيحصل ضغط جامد على المساعدين و العفشه بتفتح و تفرش العجل لبره و المساعد بينضغط و العربيه بتهبط جامد من كتر الضغط .و ده مبيتحققش على سرعات اقل .و عشان كده لما بنجرى من فوق ال 120 و العربيه عاليه .فتاثير الهوا بالعرض بيقلل الثبات جامد و تحس بمطبات الهوا جامد جدا و تحس بعدم ثبات و عدم تماسك . كل اللى مكتوب بالاخضر مجرد تخمين فقط و ممكن يطلع كله غلط .
الياباني ياباني و الكوري كوري ... العين مبتعلاش عن الحاجب ههههههههههه
المفضلات