قدامى لانوس 2004 كاملة حالتها نظيفة جدا مطلوب فيها 55 لاكنى افكر فى لانسر كرستالة 99 وتقريبا بنفس السعر
وانا محتار...... ولو حبيت اكشف عاى الغربية ياترى فى بنزينة كويسة اثق فيها
عرض للطباعة
قدامى لانوس 2004 كاملة حالتها نظيفة جدا مطلوب فيها 55 لاكنى افكر فى لانسر كرستالة 99 وتقريبا بنفس السعر
وانا محتار...... ولو حبيت اكشف عاى الغربية ياترى فى بنزينة كويسة اثق فيها
لانسر وتوكل على الله
وانا كمان رايي لانسر واؤكد عليها ولو انت مش عوزها انا بدور على واحده ليا لو العربيه ملاكى اسكندريه وانت مش هتخدها ارجوك بلغنى
وربنا معاك ويوفقك
نصيحه اخ خد الانسر
شوف ياسيدي اللانسر 99 ملهاش حل وجامده جدا خصوصا لو حالتها نضيفه
يارجل ده انت بتككلم فى الياباني بس أكيد هتلاقيها عامله كيلومترات كتير جدا
وعيبها الوحيد انها واطيه جدا وده عيب خطير وهيا كانت معايا فتره وسيبتها
وسيبك من اللى يقولك الثبات طبعا هو مهم لكن انت فى البلد لو جبت 80 يبقى 100%
واللانوس اخرها 170 انما اللانس 160 حسب التجربه
طبعا أساسي ان العربيه اللانسر هتحك منك على أى مطب حتى لو انت لوحدك
فما بالك لو معاك حد وكمان من فتره قريبه كنت دايخ فى شارع جامعة الدول عشان أركن
وبعد ما ركنت أفتح الباب ألاقيه مش بيفتح من الرصيف فعملت جمباز عشان أنزل من الباب التانى
وبعدين انت بتقارن باللانوس اللى سعرها رفع فى الفتره الاخيره لمميزتها
العربيه ناعمه بس طبعا مش زى اللانسر وكمان اللانوس ثباتها ممتاز
التكييف ملوش تأثيير يذكر على سحب العربيه وكمان قطع غيار وصيانه رخيصه
وكمان 1500 واستهلاكها للبنزين كويس جدا وبجد مميزاتها كتيره
ويمكن عيبها الوحيد ان صاجها مش جامد جدا تحس انه ضعيف شويه
وأهم حاجه انك لو حبيت تبيع اللانوس هتتباع وانت واقف فى مكانك
نصيحه أخويه لو اللانوس حالتها كويسه وعامله كيلومترات قليله
يعنى ياسلام لو ماتزيدش عن 50,000 او 60,000 فتوكل على الله
بس حاول تقلل فى سعرها شويه الا لو كانت حالتها نضيفه جدا وملهاش مثيل
أما موضوع كشف العربيه ففى فى شارع الهرم بنزينه جنب رويال سنتر
المهندس اللى هناك ماشاء الله ملوش حل وبيجيبلك حالتها بالضبط
وربنا يوفقك ويلهمك الصواب ومتنساش الاستخاره أهم حاجه