الموضوع: حاجة مستفزة

المشاركة الأصلية كتبت بواسطة Mamoud salah H

انا في حاجة والله مستفذاني اوي في العربيات اليباني بشكل عام والكرولا بشكل خاص جدا جدا
يعني ليه وعشان ايه الاقي التويوتا كورولا 2007:2008 وتيبقي 1300cc وتلاقي سعرها 90الف:110الف ليه كل االسعر دة عشان ايه يعني انا حاسس بمبالغة اوي في العربية دي مع انها والله لو زودت بيها شوية هتلاقيها مرجيحة علي الطريق في حد شايف ان دة استفزاز زي كدة ولا انا لوحدي بس حاسس كدة وياريت لو حد يضحلي الاسباب ويصلحلي لو في حاجة غلط في كلامي مع احترامي لااصحات السيارة دي

مع كامل احترامى لحضرتك انت بتتكلم فى عربيه ميختلفش عليها اتنين
حضرتك انا مش متابع السوق اوى بس اعتقد ده رينجها فعلاً
بخصوص الثبات حضرتك العربيه دى من اشد العربيات فى الثبات فى فئتها
و انا على فكره بتكلم عن تجربه بجد لان انا والدى معاه تويوتا كورولا 1300 كلها stock صيانه كامله بالتوكيل عامله 90000 كم اوتوماتيك تسارعها من 0:100 فى 8.9 ثانيه و جبت بيها 180 و برضه عن تجربه على طريق العلمين السنه الى فاتت و كنت مشغل تكيف و كان معايا 3 اشخاص و العربيه كانت ثابته جدا فى المنحنيات و الطرق المستقيمه اما حكايه التنطيط دى بصراحه اول مره اسمعها و خصوصا عن الكورولا

كمان سيب حضرتك من ده كله العربيه سعر اعاده بيعها و الاقبال عليها بسم الله ما شاء الله عليه
حبيت بس اوضح لحضرتك وجهت نظرى كمستخدم للعربيه

فعلا الاسعار فى مصر مبالغ فيها بصورة مخيفة
يعنى مثلا العربية المستعملة فى مصر متوسط ثمنها 60 الف للسيارة الجيدة
وبتكون ماشية ما لا يقل عن 150 الف كيلو يعنى .... الفلوس ال ادفعت فيها عشان الكورسلية فقط بمعنى اخر الموتور كدة شكرا والعفشة مع السلامة والصالون حاجة على ما تفرج
هو دة بقى الاستفزاز على الصح تجيب العربية بــ60 الف وتصرف عليها مبلغ كمان وهى موديل قبل العام الحالى بــ 10 سنين

كان الله فى عون شعب مصر(جهل+فقر+مرض)

كل سوق و له معايير مختلفة عن سوق آخر .

بالنسبة لأسعار العربيات المستعملة في السوق المصري .... أسعارها طبعا مبالغ فيها جدا علشان كدا أنا مستغرب الناس اللي بتنزل تشتري مستعمل و تسيب الجديد مع أنه شاري عربية مستعملة 4 سنين مثلا بنفس ثمن عربية جديدة .
بس كل واحد له أولويات في الشراء و البيع .
موضوع مميزات العربية و الثبات ملوش علاقة بموضوع البيع نهائي .

عندك مثلا السوبارو ...... عربية ياباني و ثابتة على الطريق و أحسن من التويوتا في النقطة دي و لكن سوقها في الباي باي .

الناس بتفكر في سعر اعادة بيع ....... اسم في السوق ........ الخ .

عادي أعمل زيي ......... مش عاجبك السعر ما تشتريش .

مرة شوفت اعلان عربية لانسر عاملة 100 ألف كم ....... و صاحبها طالب 85 ألف جنيه !!!!!!!!!!!!!!!!!!!!!!

عادي كبر دماغك هو السوق كدا