الموضوع: الحقوني يا رجاله السيراتو

هى العربية ايه ؟ ومن الواضح انى دخلت متاخر

الرايش المعدنى .هو عباره عن نشاره حديد او حديد مبشور .و ده بيحصل نتيجه احتكاك تروس و اجزاء الموتور ببعض فى اثناء عملية التليين . عشان اجزاء الموتور بتطبع على بعض .
و عشان كده اول ما تخلص فترة التليين لازم تغيير الزيت على طول .عشان تنزل الرايش اللى فيه و كمان تنزل اى اوساخ فى الموتور .
و ده طبعا عشان تحافظ على عمر الموتور و قوته لازم يبقى نضيف .
و الا اه رايك كده .لو جبت لوحين زجاج و وضعت ما بينهم شويه رمله او حصى و ضغطت على اللوحين و ما بينهم الرمل .هتلاقى الزجاج اتخربش و مبقاش جديد .
كذلك لما اجزاء الموتور الزياده تتاكل من الاحتكاك و تنزل فى الزيت و تفضل تلف فى اجزاء الموتور .هتخربش الاجزاء الداخليه بدون داعى .فلازم تنزل عشان تحافظ على موتورك .
يعنى مثلا لما تشترى اى لوح زجاج و بتصنفر الحروف بتاعته عشان متعوركش . مش بترمى الزجاج المتصنفر و تركب اللوح الازاز على طول و الا بتخلى بواقى الزجاج ده مع اللوح .اكيد لا .
يعنى الرايش ده بيبقى مجرد اجزاء زياده ملهاش لزمه بتطلع من الاحتكاك و طبعا لازم تتخلص منها عشان متبهدلش الموتور .