تعرف الآن على الماتريكس 2009

**ayman3011** · 24-06-2008 07:48 AM

الأخوة الكرام
هذه أول مشاركة لي في هذا المنتدى الجميل
هذا الصباح كنت أبحث عن هيونداي ماتريكس و تصميمها الجديد من بابا حب الإستطلاع
دار السؤال التالي في ذهني ...
هل ستقوم هيونداي بتغيير الشكل أم ستبقي عليه؟
.
.
.
.

(بيني و بينكم مقدمة السيارة بشكلها الحالي شكلها مش عاجبني و كنت بقول في نفسي يا رب يغيروها)
.
.
.
.
.
.

الحمد لله...

قامت هيونداي بتغيير شكل مقدمة السيارة بجانب بعض التعديلات الأخرى التي لا تخطئها العين حيث قدمت السيارة في معرض جنيف الدولي

أترككم مع الصور الجذابة...

المصدر

تحياتي...

**noon_eg** · 24-06-2008 07:58 AM

ياااااه واخير تخلصت الماتريكس من شكل المكواه

الصراحه كده شكلها افضل بكتير تسلم ايدك يا باشا على المجهود ده

عموما ربنا يستر وعمك غبور ما يزودش سعرها علشان شكلها بقى احلى ويعكنن على كل اللى نفسهم يشتروها

**ayman3011** · 24-06-2008 03:42 PM

ههههههه
الله يسلمك أخي العزيز noon_eg
فعلا لا مكواة بعد اليوم
و بالنسبة للتوكيل نعم أتمنى ألا يزيد السعر "كثيرا"...
ربك يستر...

تقبل تحياتي

**mhalawa** · 24-06-2008 05:53 PM

Only 5000 LE over

**ayman3011** · 25-06-2008 03:25 PM

الأخ الكريم mhalawa
هل تعلم موعد توفرها في الأسواق؟
تحياتي

**Nile_Storm** · 25-06-2008 07:16 PM

شكرا ياباشا علي الموضوع

**Ahmad Allawy** · 25-06-2008 08:12 PM

السلام عليكم..

بالنسبة للماتريكس الجديدة..
في واحد صاحبي حجزها.. من كام يوم..
و الحفلة بتاعت القتديم بتاعتها كانت امبارح..
التسليم هيبدأ الاسبوع القادم ان شاء الله..
اما بالنسبة للأسعار..
المانيوال بقت ب 90 الف بالتمام و الكمال.. وجه الحجز بتاع اول دفعة..
و تاني دفعة احتمال تكون اغلي..
امنا الاوتوماتيك.. مش عارف سعرها بصراحة.. بس بيتهيألي هيبقي في حدود 96 مثلا ولا 97..
تقريبا نفس الفرق في السعر بين المانيوال و الاوتو الشكل الحالي..

المفروض هاروح معاه ان شاء اله اتفرج عليها قريب.. و هاجاول اصورها ان شاء الله..
لو عرفت يعني..!!
انا عندي كام سؤال بقي.. لو حد يعرف يعني لحد ما اتأكد من اجابتهم اللي انا متوقعها..
العربية عرفت انها برضه من غير ايه بي اس و اير باجز.. (هل ده حقيقي؟؟)
العربية بنفس الموتور الحالي.. يعني مش الموتور ال سي في في تي زي اللي في النيو اكسنت.. (ليه؟؟)

يعني اضافات مهمة قوي كان متوقع انها تنزل فيها.. و برضه نازلة من غيرهم.. (اللي عنده تفسير يقولي..)

و لو وصلت لأي معلومات زيادة هاقولكم ان شاء الله..

**Matrixawy** · 25-06-2008 08:12 PM

المشاركة الأصلية كتبت بواسطة noon_eg

ياااااه واخير تخلصت الماتريكس من شكل المكواه

الصراحه كده شكلها افضل بكتير تسلم ايدك يا باشا على المجهود ده

عموما ربنا يستر وعمك غبور ما يزودش سعرها علشان شكلها بقى احلى ويعكنن على كل اللى نفسهم يشتروها

:arghh: بقى عربيتى مكواه !!!!

:boxing_smiley:

**Ahmad Allawy** · 25-06-2008 08:20 PM

علي فكرة..
في عربيات كتير قوي اول ما تنزل الواح مش بيبقي واخد علي شكلها..
و بيبقي مستغربها و حاسس ان شكلها وحش قوي..
وانا عن نفسي حصل الموقف ده معايا في 4 عربيات لحد دلوقتي..
أولهم اللانسر 2001 و اللي بيسموها المكواة بجد.. :) :)
و بعديها الماتريكس.. كنت مستغبي شكلها قوي.. و دلوقتي شكلها حلو في نظري..
و السيريون.. برضه كنت كارهها..
و بعدهم الياريس.. و كله بقي شكله عادي..
العربية اللي مش عارف ابلعها لحد دلوقتي.. الماتيريا.. واقفة في زوري بالعرض..
:) :) :)

**ayman3011** · 26-06-2008 12:30 PM

نفس الشئ حصلي مع الإلنترا اللي معايا
أنا معايا 2005
لغاية دلوقتي مش حابب الشكل الجديد بتاع ال2007
أنا حابب الشكل القديم اللي معايا
أي نعم أكتر حاجة مش عاجباني في عربيتي هو اللون
لأنها لونها أبيض
و بيني و بينكم متعقد من اللون الأبيض في العربيات و بحس إن العربية البيضاء عاملة زي التلاجة هههههههههه

تحياتي