http://www.nileup.com//uploads/images/s7a634b03ca.jpg
معايا مسدس شبه اللي في الصوره ده
انا كنت بمشي بيه ايام الانفلات الامني عادي
لكن بعد كده معنتش بمشي بيه
حاليا ايه النظام ؟
انا انقذت بيه حياه جاري قبل كده
عرض للطباعة
http://www.nileup.com//uploads/images/s7a634b03ca.jpg
معايا مسدس شبه اللي في الصوره ده
انا كنت بمشي بيه ايام الانفلات الامني عادي
لكن بعد كده معنتش بمشي بيه
حاليا ايه النظام ؟
انا انقذت بيه حياه جاري قبل كده
انت راجع بعد الأيقاف ناويها ولا ايه ):
ههههههههههههههههههههه بهزر طبعا
ههههههههههههههه لا يا عم ابعد عن الشر و غنيله
لا الطبنجه دي كانت عاملالي هيبه كده
كنت بحطها في جراب حزام و البس البلد السوده
شكلي شبه البودي جاردات هههههههههههههه بس علي رفيع
مسدس الصوت عادي تمشي بيه بس مترفعوش في وش حد في مكان عام طول ما في الجراب عادي جدا
وطبعا تكون الماصوره مسدوده مش مفتوحه سعتها عادي جدا
لا انا بسأل
مثلا لو دخلت حمله مرور و تم تفتيشي و اتقفشت بيه
ايه موقفي القانوني ؟
بص ياباشا
انا اخويا كان معاه مسدس زى اللى معاك بالضبط و كان حاطه فى العربية على طول المهم مره من 6 شهور كنا راجعين من طريق العين السخنة و كانت لجنة فيها شرطة و جيش المهم
فتشو العربية و انا كنت مع اخويا المهم العسكرى من الجيش شاف المسدس و هو بيفتش العربية راح واخده و قالى فين الترخيص بتاعه فانا قولته داه مسدس صوت المهم قالى تعالى الى الضابط
الحوار اللى دار بينى و بين الضابط
ضابط الجيش : ايه اللى مخليك معاك المسدس داه
انا : يا فندم انت سيد العرفين البلد ملينه بلطجية و احنا كنا فى شغل و على فكره مسدس صوت
ضابط الجيش : ما انا عارف انه داه مسدس صوت و فين فاتورة البيع
انا: اكيد ياباشا و ادى فاتورة البيع
ضابط الجيش: قال لو انت ساحب طلقة فى المسوره هاخده المسدس منكو .
انا: ياباشا ميغلاش عليك
ضابط الجيش : شاف الخزنه و الماسوره لاقها فاضية. خد المسدس اهو و قالى متخليش فى المسدس رصاصة جاهزة فى المسورة.
انا حاضر.
فجاءة جيه ضابط الشرطة: قال ايه داه.
ضابط الجيش: مسدس صوت كان معاهم
ضابط الشرطة: لا دول لازم يروحوا القسم و يتعملهم محضر.
ضابط الجيش: لا خلاص دول ناس محترمة و مش بتوع بهدله. و بصلى وقالى اتفضل خد اخوك و امشى.
المرة التانية:
كان اخويا خارج بالعربية لوحده و اتمسك فى لجنة عند دريم بارك المهم فتشو العربية كله و مسكو المسدس و اللجنه ديه كانت كلها شرطة و ساعتها كان في العربية مسدس صوت و سارينة شرطة
المهم الضابط ( ملازم )كان واد رخم المهم قال لاخويا انا هعملك محضر و هتحفظ عليك و على العربية (سرينة - فامية - مسدس صوت). المهم تلات ساعات اعد يحاول معاهم علشان يسيبه و قاعدو يقسمو عليه و اخدو المسدس علشان الضابط كان طمعان فيه و السرينة كمان و سابه يمشى بالعربية.
بص البلد يه مفيهاش قانون و لما بيبقى فيها كل واحد بيطبقه بمزاجه
فنصيحة منى ليك . انت زى اخويا بلاش تشيله معاك علشان البهدله من بتوع الشرطة . هما بيطبقو القانون على المحترمين اللى زاينا . اما سواقين الميكروباص بيسيبوهم
و الله انا ببقي متوتر و انا شايله
مبحسش بامان ابدا في جو السلاح ده
بس هنعمل ايه ؟ البلد بايظه امنيا
انا عموما بشيله في جنبي
يعني مش بحطه في العربيه خالص
بص حضرتك انا ليا واحد صاحبى كنت هشترى منه مسدس صوت لقيته بيقولى من واحد قريبه فى القضاء انها نزلت جنح والكلام دة سمعته من كام محامى ودة نتيجة لأن الناس دلوقتى بقت بتخشش الماسورة وتقلبه حى فلازم يكون مرخص
طب و هنرخص مسدس صوت ازاي ؟ انا برضه سمعت عن الحوارات الغريبه دي
يعني لا منهم بيحمونا و لا سايبنا نحمي نفسهم
لا منهم و لا كفايه شرهم
دي صورة جلوك حي مش صوتاقتباس:
المشاركة الأصلية كتبت بواسطة Screenplays
ولا انت قصدك على الريتاى بارون
http://www.armaslajungla.com/catalog/images/35442-B.JPG
مفيش جلوك نمساوي حي في مصر لانه غالي كحت و مش بيتباع في مصر اساسا علي ما اعتقد
موجود ومع ناس كتير كسلاح شخصياقتباس:
المشاركة الأصلية كتبت بواسطة screenplays
وكمان موجود فى تسليح الشرطه المصرية كسلاح ميري " بس طبعا مش بكمية الحلوان "
فى رأي هوا افضل سلاح شخصي
مشكلته قلة انتشارة فى مصر لانه يعتبر سلاح هجومي وليس دفاعي عشان كده كل الى شايلينه اما ضباط او حد شاريه من ضابط
بيتباع بكام يا باشا ؟
نفس رينج السيج زاور
طب و السيج بتاع ده بكام ؟ هههههههههههههه انا مش خبير اسلحه
ممكن لو نعرف الرأي الفاصل لحمل محدث صوت فى العربية
ولو خليناه بلي وبيكون فى البيت و ينزل العربية فى التنقل والسفر فى الاوقات غير المعتاده ( بدري او متأخر)
لو بقي بلي هيبقي مشكله لو اتمسكت بيه
هههههههههههههههههه
انت سألتني سؤال وانا جاوبت عليه
زي بالظبط لما حد يقولك سعر العربيه الهيونداي كام ؟
هتكون الاجابه ايه ؟ ... فى نفس رينج الكيا أكيد :)
بخصوص الجلوك في نوعين 17 وفى 19
وطبعا فى الجديد وفى المستعمل منهم
لو مستعمل اعتقد هيكون فى رينج 65 الف وحسب اصداره وحالته وعموما هوا ده نفس رينج السيج والبرتا وطبعا مبيكونش فى اى صعوبات فى اضافته على الرخصة
بخصوص الجديد لو هتشتريه من مصر هيكون مبالغ فى سعره ومش عارف هل ممكن بيعه جديد للمدنيين بدون مشاكل ولا لأ " لاني زي ما قولت بيعتبر سلاح هجومي"
الحل لو عايزه جديد انك تخلى ضابط يعمل موافقه استيراديه على رخصته ولما يجيبه يتنازلك عنه وينقل ملكيته ليك على رخصتك
وعلى فكره فى نوع اماراتي قريب جدا من الجلوك " زي البريتا وحلوان كده " وهيكون سعره اقل وترخيصه اسهل اعتقد اسمه كراكال
وآسف لو مكنتش ملم بالاسعار بالظبط لكن حاولت اساعدك باللى اعرفه
رأي الشخصي ان الاسعار دلوقتى مبالغ فيها بشكل غير طبيعي الحي كله تقريبا مضروب سعره فى 10 كمان سنه او سنتين كمان أكيد هتبدأ الاسعار ترجع تدريجيا لوضعها الطبيعي
تحياتي
انا لا بسأل عشان الحاج عايز يشتري مسدس ... مسدسي قايم بالواجب و زياده
لية المشاكل ريح نفسك
يا باشا الامن مش مستتب و النفوس مش صافيه و شكلها هتبقي عركه كبيره اوي اوي بين الاخوان و العسكر هههههههههههههه
بخصوص مسدس الصوت "المقفول" زي ما حضرتك قولت "محدث صوت"اقتباس:
المشاركة الأصلية كتبت بواسطة michohat
بخصوص البلي معدش محدث صوت بقى سلاح ناري تحت بند " سلاح ناري ذات ماسورة مصقوله - غير مششخنه -" وده عقوبته سجن بدون هزار زيه زي الفرد الخرطوش
سواء اتمسك فى العربيه او البيت حتى وبتثبت التهمه اكتر لو كان الماسوره فيها طبه أو كان معاه طلقات فيها بلي
لازم يا جماعة ناخد بالنا لان الموضوع خطر
طب و الصوت اللي مش معدل و لا حاجه و مفيهوش اي رصاص ؟
طب لو جردناه من كل اضافه عليه مع العلم انه مفتوح من المصدر ومش مفتوح من هنااقتباس:
المشاركة الأصلية كتبت بواسطة sha2e
هيرجع تاني محدث صوت وبس؟ و هخلي معايا خزنه اضافيه فيها البلي مخبأه
يا باشا من الاخر
موضوع تحويل المسدس ده خطر عليك
المسدس الصوت معمول عشان تثبت اللي قدامك
انا مبطلعش المسدس من جرابه الا لما يكون في نيتي الضغط علي الزناد
يبقي قله الحي احسن بدل ما حد يموت
العنف لا يولد الا العنف
واضح ان معلوماتك ممتازه عن الأسلحه , تعرف بقى حد بيبيع كراكال هنا فى مصر؟؟ او حد يعرف يجيبهولى و يتنازلى عنه على رخصتى ؟؟؟ ....اقتباس:
المشاركة الأصلية كتبت بواسطة sha2e
نفس الحال ونفس التفكيراقتباس:
المشاركة الأصلية كتبت بواسطة screenplays
ولا يحمل الا اثناء السفر ليلا او فجرا مع الاسرة فقط
وغير ذلك لا يكون له طبة ولا بلي
محلات السجلابي هيا الوكيل ليه يا فندم فى مصراقتباس:
المشاركة الأصلية كتبت بواسطة sh_masry
كنت اتمنى اني أقدر افيد حضرتك أكتر من كده لكن ده الى اعرفه