-
افبدوني.... افادكم الله
انا حاشتري عربية جديدة ودي أول عربية ليا والفلوس اللي معايا بتخليني قدامي 3 عربيات اللوجان ، واللانوس والفيرنا ، انا عجباني اللوجان بس كل ما اقول لحد اني عايز اجيب لوجان يفتكر اني مجنون ، والكل اجمع ان فيها ثلاث عيوب ، قطع الغيار غالية جداً ، مش اي حد يصلحها ( بالمقارنة بالفيرنا واللانوس ) حتخس فيها كتير لما تيجي تبعها .
فارجوكم افيدوني ... ولا تبخلو عليا بالنصيحة ، علماً بأني بسافر كتير جداً ومحتاج حاجة عملية ، ولو فيه عربية تانية ممكن ترشحوها ليا بس في مش اكتر من 70000
-
الف مبروك مقدما وربنا يديك خيرها يكفيك شر
العروسه الجديده أيا كانت
بالنسبه للعيوب إللي حضرتك بتقول عليها في اللوجان
أولا:
قطع الغيار دي هاتجيبها كل فين وفين يعني مش من أول ما هتجيبها هاتبوظ منك
وبعدين فيه قطع غيار تركي وأسباني سعرهم حنين شويه
وقطعه الغيار بتقعد فتره كويسه يعني مش هاتفتحلك بوقها
ثانيا:
مشكله إن مش أي حد يصلحها دا شيئ عادي وأضمن ليك وبعدين العربيه هاتكون زيرو لسه يعني
مفيش حاجه هاتتكسر أو هاتفصل كهربا أو هاتجيب وش سلندر أو....أو
ثالثا:
بانسبه للسعر إللي هايخس أو هايتخن
لو ربنا وفقك للوجي اظن أن
إنتا مش هاتقدر تستغني عنها هاتحبها مووووت هاتبقي زي عيل من عيالك
أما بالنسبه لسفريات حضرتك هاتبقي ممتعه اكتر لوجي مش متعبه في السفر بالعكس مش هاتبقي عايز تنزل منها
وهاتبقي عايز المشوار يطول اكتر عشان تفضل سايقها اطول فتره ممكنه
توكل عل الله وهات لوجي
ملحوظه هات اللون الدهبي بيبقي تحفه عليها
دي نصيحتي لوجه الله.
وتقبل فائق إحترامي
Content Relevant URLs by
vBSEO 3.6.0 PL2