واخيرا خصلت ورق عربيتي من مرور بورسعيد
انا طلعت النهارده عملت اسبرنت لحد بور سعيد مواصلات لان فكيت الوحات المعدنيه
وعايز اجيب شهادة بيانات ومطابقه للفحص
طالع من البيت الساعه 5 الصبح
وفضلت اتنطط في المواصلات وكانت البدايه بخناقه مع سواق تاكسي
نزلت في بورسعيد
لقيت بتاع كام سواق تاكسي بيندهلي
كبرت دماغي وولعت سجاره ووقفت كدا لحد لما جه تاكسي شكله نضيف كدا
قولتله المرور يا ريس قالي اه
وشوية وجه واحد من الي بيشورلي بيقولي دي مش اصول قولتله مش فاهم قالي انا مشاورلك
نزلت نضارة الشمس وبصتله بصه شرسه شوية قولتله انا بركب بفلوسي يبق اركب الي انا عايزه ومحدش ليه عندي حاجه
اخد بعضه ومشي
المهم سواق التاكسي واقف يدور علي حد كمان يركب معايا قولتله بتعمل ايه يا سطي قالي بشوف واحد كمان قولتله هو سرفيس يله يا ريس قالي هاخد 5 جنيه قولتله لما اشوف المشوار
ركبنا ومشي قالي يا باشا احنا الصبح لسه ودي ساعت ركاب وكدا قولتله يله يسطي وانا هرضيك نهارك ابيض
وصلت المرور :hlopaet_prv: وصلت بدري بقئ الساعه 9 ونفس الابتسامه دي :grinder:
دخلت شباك الملاكي الحاج محمد
قولتله عايز شهادة بيانات واسلم اللوحات وعايز مطابقه طلب شوية ورق
طبعا اثبات الملكيه والرخصه القديمه وبرائة الزمه وطبعا كل دا كان معايا قالي هاتلي ملف جبتله ملف ودمغات وجبتله كل الي نفسه فيه دا الحاج محمد
قالي انتظر يا استاذ هيندهو اسم حضرتك
فضلت مستني بتاع ساعه في الصاله وقلقان شكلها كدا العربيه دي مسروقه وهتحبسني اقوم اروح
المهم فضلت اتحرك في المكان لحد لما وقعت في ايد عم السيد السواح والراجل دا قمة الاحترام بجد اقسم بالله مشوفتش رجوله زي الراجل دا
عم السيد الملف بتاعي فين قالي انت بتاع الشرقيه قولتله اه قالي ما الملف عند المهندس واتاري البيه المهندس ركن الملف جمبه وشوية ومشي عم السيد راح جاب الملف وفضلنا نلف علي المهندس لحد لما خلص ليه المطابقه
ووصلني لموظف شهادة البيانات قاله الباشا شرقاوي وعايز يخلص عشان يروح
ومشي ومن ساعتها مش شوفته الراجل دا بجد انا كان في نيتي اديله 20 جنيه مش رشوه ولي حاجه علي رجولته وجدعنته
المهم فضلت واقف جمب الموظف بتاع شهادة البيانات الحاج محمد يا عم محمد كل شوية يطلعلي حاجه في الملف غلط
لقيت الرجاله بتنقط الحاج محمد
واحد حج بيت ربنا والدنيا كله بتقوله يا حاج وبياخد فلوس من الناس رشوه عشان يخلص ورقها
المهم قولت انا مش عايز ارجع هنا تاني وظرفته 20 جنيه وبجد زعلان ان انا عملت كدا
وفعلا الورق خلص في ثواني وكان في غلطه في رقم الشاسيه عدلها في ثانيه
ومن الناس المحترمه الي شوفتها المقدم الي ماسك المرور بجد راجل في قمة الادب ربنا يبارك فيه ويحفظه
وبردو الظابط الي كان بيعمل الاختبارات روحت كلمته وكان في قمة الادب والاحترام
ربنا ينتقم من كل واحد مرتشي ويخرب بيته
هنزل اضرب شيشه وجاي حد جي؟؟؟