العربية رخصتها هتخلص شهر 8
والفحص 2013
والراجل عامل توكيل من المالك
المفروض اننا نروح الشهر العقاري يعملي انا توكيل بتوكيله
اعمل ايه بظبط كخطوات بيع يا ريت تقولولي عشان معملش حاجة غلط
علما بان تمن العربية هيبقى حاجة لا تذكر لان موديلها قديم جدا
اطلب منه ايه واعمل ايه بظبط
منتظر ردودكم
هل أنت ناوي تبيع العربية دي بعد فترة قصيرة .. لو كدة أعمل توكيل .. لو العربية حتستمر معاك فترة سجل العربية بأسمك وريح دماغك .. لأنه من وجهة نظري التوكيلات دي وجع دماغ .
يعني ينفع اللي معاه توكيل من المالك يعملي عقد بيع مسجل واروح بعد كده انا اغير ملكية في المرور
ولو كده هوا لازم يجيبلي شهادة مخالفات وشهادة بيانات ولا ايه بظبط ؟
مش عاوز أفتي في النقطة دي بالذات .. بس طبعاً في أي حالة لازم يجيب ليك شهادة مخالفات على الأقل .
انا كنت شارى عربيه بتوكيل وبعت العربيه بعد كام شهر بتوكيل برضوا ومفيش اى مشاكل خالص ان شاء الله