كلاكيت للمرة الألف بلطجة رجال المرور!

**hazem_khidr** · 24-06-2008 08:33 PM

زمايلك غلطانين
اي حد يجي يكلمهم ما كانوش يتكلموا معاه
و عسكري المرور مش من حقه يشوف بطايق
مش اي حد يشوف بطاقه
و رايي استعمل الواسطه و عرفهم نفسم

**mohamed hatem** · 25-06-2008 12:04 AM

ربنا يوفقك ويكرمك في رد الرخصة ...بس ياريت نعرف عملت ايه في المرور ورايك ايه في التعامل هناك ...انا مش بكسر مجاديفك بس عايز اعرف احنا وصلنا لغاية فين ....

على فكرة انا بروح المرور من غير واسطة ...وبخلص اموري هناك ..زبس طبعا بطلوع الروح ...

بس لما بيبقى معايا الحق بشوط في اللي قدامي وخصوصا لو كان انسان مش محترم وبجح ....وبستخدم كل قوة معاه من واسطة وخلافه ...مش عشان اخد حقي ...لان ربنا لومش رايدلي اخده مش هخده .....بس عشان اكثر سم اللي قدامي ووقفه عند حقه

**Mido80** · 25-06-2008 11:18 AM

انا لو مكانك اقلب الدنيا رأسا علي عقب لان الناس دي محتاجين وقفة عشان المهازل اللي بيعملوها دي

**Ramy.Gamal** · 25-06-2008 09:50 PM

بعد كدة هيسحبوا الرخص لان الكاسيت مش سى دى شينجر او الجنوط مش اسبور او التكييف مش اوتو

**r0xer** · 28-06-2008 07:59 AM

أنا نازل كمان ساعة بإذن الله و سأتوجه للمرور لمعرفة الغرامة المطلوبة + تقديم شكوى لمدير النيابة أو أيا كان المسؤول عن الشكاوي.

و طبعا سأعلن التفاصيل بتاعت اليوم كله بمجرد رجوعي....دعواتكم ياجماعة منحتاجش الواسطة بجد!

**r0xer** · 30-06-2008 06:45 PM

ولله في خلقه شؤون!

هي أفضل جملة ممكن تتقال عن أهل المرور و ما يقومون به فعلاً، يعني مش بس الضباط لا..دا الموظفين اللي هناك كمان!.

اللي حصل تفصيليلاً هو كالتالي :

توجهت في تمام الساعة التاسعة صباحا للمرور الموقر و تحديدا عند شباك السيارات الخاصة و الغرامات "أسمه كدا" و صلت هناك تقريبا 9 ونص. وكانت الصدمة في وجود طابور من طوابير العيش هناك و لكن الفرق إن الجو حر أكتر + الناس عمالة تشتم و تلعن وتسب.

بعد وقوفي قرابة ساعة إلا ربع "الساعة بقت 10 وربع" و جدت أن الموظف الكشري يخبرني بكل تفاهة! أن الوصل مدته أنتهت...لازم تجدد الوصل.....و الأهم من كل دا إن الرخصة موصلتش !

يعني حاليا عليا إني أجدد الوصل أولاً و من ثم إنتظار الرخصة المصونة توصلهم.

طيب طالما الرخصة موصلتش ليه كاتبين في الإيصال الصلاحية أسبوع بس؟؟؟ طبعا التساؤلات دي كان الرد عليها بسخرية و وسع يا أستاذ و الدور و أتكل على الله و كأنه أمر عادي جدا و بيحصل كل يوم .

و روحت نمت 7 ساعات متواصلة من الوقفة في الشمس و الشعور بالمهانة و الذل في بلدي المصون المحترم.

و عليه...فلي عدة تساؤولات الله يكرمكم حد يقولي إجابة ليها!!:

1- هل ينفع أبعت حد غيري بالوصل؟ ولا لازم أنا لان الرخصة بتاعت العربية بإسمي؟

2- منين أجدد الوصل اللي معايا؟

3- الغرامة المتوقعة كام لاني لحد دلوقت مش لاقي عقاد نافع ؟

أخيراً....أنا بصراحة حاسس إني متدايق جدا جدا جدا و ندمان إني مستغلتش الواسطة...يعني والله العظيم رئيس مباحث المرور يبقى معرفة ! و كذلك مدير نيابة المرور!!

لو سمحتم ياجماعة ساعدوني ياريت.

**Rsarabia** · 30-06-2008 07:28 PM

كلم مدير النيابة ولا مدير المرور يجيبلك رخصتك ويبعتهالك لحد بيتك انت عايش فين ؟؟ انت فى مصر انا مش فاهم ليه تقف فى طوابير دى مش حاجة وحشة انك تشغل االواسطة هى البلد دى كدا من زمان و هتبقى كدا لحد ما ربنا يرضى علينا و ربنا يعوض عليك و علينا

**SHLD** · 01-07-2008 04:00 PM

هو الاخ ده بيشتغل في مصر ولا شغال وقاعد في دولة تانية ياعم إنت في مصر مش في دولة تانية دأنا الر خصة بتاعت العربية إتسحبت مني علشان النمر سودة المهم الباشا المحترم الرائد أول ما وقفني قالي بتشتغل إيه ما عرفش مال النمر والوظيفة اللي أنا باشتغلها قلت له مهندس قالي طيب الرخص علشان النمر السودة ممنوعة مع إن في ناس كتير نمرها سودة أهم حاجة دي علشان كنت لسة جديد إشتريت نفسي وعلشان البهدلة لان النمر محافظة تانية ومنعا للبهدلة اللي ساعته بيقول عليها إشتريت نفسي تاني يوم مع واحد مخلصاتي ب 250 جنيه والرخصة جت لي لحد البيت

**r0xer** · 03-07-2008 01:03 PM

تم إستلام الرخصة اليوم و أنا في المنزل" أي والله وانا في بيتنا الرخصة جاتلي!" ! :)

الظاهر مفيش فايدة...ولابد من الكوسة مع مرور بلدنا.

**Noha.M** · 03-07-2008 01:42 PM

تصدق بجد حرقت دمى!!!

رمى البطايق على الارض!!

انا لو حد عمل معايا حركة زى دي بجد والله يلهوىىىىىىىىىىى!!!!!!!!!!!!!!!

و بعديين بجد ولا كنت عبرته ولا رديت عليه و لا اديته رخص

ايه التهريج دة كمااااان !!! و يعني ايه كل حاجة بتخلص بالفلوس! لأ بلطج عليه و اتفرد ولا يهمك

بجد انا مرة كنت راكنة اصلا صف تانى قدام بيتنا و انا نازلة عشان مامتى هتحدفلى حاجة من الشباك فامين الشرطة جى يقولى شيلي العربية عشان مدير الامن معدي !! قلتلو ميعدى انا مالى !!!! هاخد حاجة و ماشية علىول .. قالى انتى حرة و عمال يكتب رقم العربية .. قلتلو بقولك ايه انت هتشطب النمرة دلوقتى و انا مش هشيل العربية و خلى مدير الامن يعدي و يلاقي عربيتي و صرصار بأة يقرب من العربية .. طبعا هو تلاقيه قال دي مجنونة يا عم