بونتو 2004 - أرجو المساعدة
السلام عليكم
ده أول موضوع ليا في المنتدى و أكون شاكر لو ساعدتوني
أنا اشتريت بونتو 2004 , العربية موتورها ملهوش صوت و فابريكة برة و جوه و حلوه جدا
بس عندي كام مشكلة
- العربية عدداداتها متغيرة و الشاشة بتاعة ال trip computer بتنور و تطفي و العربية دايرة
- لمبة check engine بتنور و تطفي بمزاجها مع ان العربية مش حاسس معاها بأي مشكلة
- لمبة الباور ساعات بتنور و السيتي ميشتغلش لما تدور العربية و ساعات لما تطفيها و تدورها تاني المشكلة دي بتروح
- في لمبة في النص على شكل لمبة و في وسطها علامة تعجب بتنور لما بشغل النور و كل لمبات الغربية سليمة ما عدا لمبة الشنطة اللي جوة مش موجودة
قريت في fiat forums ان حل موضوع العداد اللي بينور و يطفي انها تتبرمج على الكمبيوتر و يتعملها حاجة اسمها proxy alignment . هل الموضوع ده صح ؟ و لو صح يتعمل فين غير أوماترا؟ في حد في الحرفيين مثلا بيبرمج ال ECU ؟
و بالنسبة للمبة الموتور و الباور اللي بيفصل و ييجي بمزاجهم هيتعدلوا - ان شاء الله - مع البرمجة ؟
أرجو المساعدة من خبراء فيات و آسف للاطالة