الحقونى العربية عملتها معايا

**zendo** · 15-07-2012 02:51 AM

النهارده وانا نازل جيت ادور العربية الحمد لله دارت تمام بس المهم جيت بقى يا معلم علشان اديها غيار علشان تمشى استحالة
جميع الغيارات مش راضية تيجى يمين شمال استحالة راكبة دماغها ومش راضية تدى اى غيار طبعا العربية منوال كربراتير اوبل فكترا a
المهم سبتها شوية وطلعت ونزلت تانى اجرب لقيتها اشتغلت وجابت نقلاتها من اول مرة قلت هى العربية بتشتغلنى ولا ايه ورحت بيها مشوار وركنتها وجيت امشى رجعت زى الاول تانى زفت الفتيس مش راضى ياخد نقلاتة قمت اتصلت بالميكانيكى قالى الدبرياج عالى عندك قلتلة اه الديسك فية مشكلة وممكن يتغير وممكن الاسطوانة
هههه حرام والله علشان العربية تعبتنى المهم عاوز استفسار منكم يا رجالة ياترى ده عيب ايه هل فعلا طقم دبرياج طب لو صح الانواع الكويسة ايه وهل فية انواع لموديلات عربيات تانية تركب على الفكترا ايه وارخص فى السعر وكويسة انا سمعت ان فيه كورى وارخص بس عاوز النصيحة ومش عاوز نوع يرجرج العربية وينتشها
وهل فعلا الاسطوانة والديسك ممكن يتملو ولا ده اختراع فاشل
عاوزكم تدلونى على الصح وتقولولى الاسعار

**حماده المصري** · 15-07-2012 09:41 AM

هو في الغالب طقم دبرياج فعلا

الانواع بصراحه ماليش فيها خالص

**Amrgamal1** · 15-07-2012 03:28 PM

دي مشكله طقم دبرياج وش
وموضوع انك تملاهم دا فاشل ماينفاعش في الاوبل دا بيعملوه في العربيات ال 128 والعربيات القديمه اوي

**zendo** · 15-07-2012 11:46 PM

طب ايه الانواع الكويسة اللى فى السوق سواء كورى او المانى
انا سمعت ان بتاع الدايو بيركب يس مش عارف بتاع اللانوس ولا النوبيرا وهل هو كويس
بالنسبة للانواع عاوز اسمائهم علشان اسال عليهم