ههههههههههههههههههههههههه هههههه شعب فتاي
رقم العضوية : 82670
تاريخ التسجيل : 03Dec2010
المشاركات : 899
النوع : ذكر
الاقامة : bani bani
السيارة: no
السيارة[2]: fantasia sport 2012
دراجة بخارية: no
الحالة :
الوصايا العشر لشراء سيارة في مصر !
لـ عمر طاهر
アーメド
بالرغم من أنه « لا خاب من استشار » فإن هذه القاعدة ثبت فشلها في مصر لأكثر من سبب، أولها أننا شعب يعشق إصدار الفتاوي تحديداً في الأمور التي يجهلها، وثانيها أننا نخطئ كثيراً في اختيار من نستشيره حيث نحرص علي استشارة كل من هب ودب إلا المتخصصين، والسبب الثالث هو أن كل شخص يعتبر نفسه « فاهم في كل حاجة » ومن رابع المستحيلات أن يخذلك عندما تستشيره ويقول لك « ما أعرفش ».
ينطبق هذا الكلام علي معظم الأمور في حياتنا اليومية، فإصدار الفتاوي عن جهل يبدأ بالصحة ويمر بالسياسة والاقتصاد وكرة القدم ولا ينتهي عند شراء سيارة جديدة.
في البداية يسأل الراغب في الشراء كل من يمر بهم ويبدأ في جمع فتاوي وآراء ونصائح أقل ما يقال عنها أنها مضللة، وتزيده هذه الفتاوي حيرة وتخبطاً ليدخل في مرحلة الشد العصبي حيث يفاجأ بفتاوي جديدة من نوعية ::
الحق هات لك عربية علشان أنا سمعت إن العربيات هتغلي الشهر الجديد.
ومع ازدياد الضغط العصبي يدخل المشتري في مرحلة التبلد بعد أن يطارده كل من سبق أن طلب رأيهم بتعليق :: هو أنت لسه ما جبتش العربية »!! خلال هذه الفترة يكون المشتري قد استمع للوصايا العشر التي يقدمها له الجميع والتي قد يقوده الالتزام بها إلي التراجع عن الفكرة..
1- قائمة العيوب.. وهي تضم كل العيوب الموجودة في السيارات المتداولة في مصر، الطريف أن هذه العيوب تتنقل عبر الأفواه بنفس تكنيك الشائعات، فالشخص الذي يحدثك عن عيوب السيارات الصينية لم يقد في حياته سيارة صينية واحدة لكنه عرف عيوبها من شخص آخر غالباً هو أيضاً لم يسبق له أن استقل واحدة.
سيقولون لك إن العربيات الكوري خفيفة ولا تحتمل الحوادث، وسيقولون لك إن السيارات ال 4*4 اتزانها ضعيف علي الطرق السريعة، وسيقولون لك إن السيارات اليابانية قطع غيارها غالية، والألمانية قطع غيارها بتسخن بسرعة، وهناك سيارة تكييفها ضعيف، وهناك سيارة أصحاب توكيلها «حرامية»، وهناك سيارة عيبها أن شنطتها صغيرة، وهناك سيارة عيبها أن «شكلها سيارة حريمي»، وهناك سيارة عيبها أنها «عربية ورق لو خدت خبطة خفيفة هتطبق كلها» وهناك سيارة عيبها «إنها متجمعة في مصر»، وهناك سيارة عيبها إنها «ناشفة شوية»، وهناك سيارة عيبها «إنها بتاكل بنزين ».
وهكذا تبدأ رحلة البحث عن سيارة بالاستماع إلي جميع أنواع العيوب الموجودة في السوق، ليستقر في يقينك أن كل السيارات التي تمتلئ بها شوارع القاهرة «معيوبة» وأن كل سائقيها في خطر وأن هناك احتمالاً وهو أن تتعرض لعملية نصب إذا فكرت في شراء سيارة جديدة.
يغيب عن بالك أن حركة شراء كل هذه السيارات المعيوبة لا تتوقف بل في ازدياد وتعتقد أنك أذكي شخص في القاهرة لأنك «لحقت نفسك قبل ما تتدبس في عربية بتاكل بنزين أو تكييفها ضعيف أو قطع غيارها غالية»، ويغيب عن بالك أيضاً أنه لا توجد سيارة كاملة وإلا لتحولت مدينة الحرفيين إلي مدينة مهجورة من زمان!
2- خد بالك ليضحكوا عليك "... يستفزك الناصحون بهذه الجملة لتتحول بعدها إلي مريض بالوسواس القهري يدخل معارض السيارات وبداخله يقين أن أصحاب المعارض مسجلون خطر في مباحث مكافحة جرائم النصب.!!
وأهم ما يقصده الناصحون بجملة «خد بالك» هو خد بالك من موديل السيارة الجديدة لأنه توجد موديلات مصنعة للخليج وأخري لمصر، والموديلات الخليجية أرخص سعراً لأسباب يشرفني أن أقول أنني «ما أعرفهاش»، وتمييز الموديل الخليجي من المصري قد يصعب علي المواطن العادي من الوهلة الأولي لكنه «موضوع ما يستخباش»، حيث إن كل سيارة لها ملف مسجل به كل مواصفاتها ويكفي أن تسأل صاحب المعرض وسيقدم لك إجابة يستحيل تزييفها.
نصيحة التمييز بين الموديل المصري والخليجي أشبه بنصيحة «خد بالك ليبيعوا لك الشقة علي أنها علي الكورنيش وهيا جوه ».
3- بلاش الألوان الميتاليك... هذه نصيحة من شخص لم يجد ما يقوله لأنه لا يفهم في السيارات لكنه يود أن يظهر وكأنه يفهم في الألوان، فيردد مقولة استمع إليها في طفولته وترسخت في وجدانه وهي أن «الألوان الميتاليك بتحرر، أو أن الدهانات الميتاليك بها مادة «لا يعرف اسمها طبعاً» وهذه المادة تمتص أشعة الشمس بقوة.
4- بلاش تشتري في أول الصيف... وبلاش تشتري بعد الصيف... وهذه نصيحة للشخص الذي يفكر في شراء سيارة مستعملة، والنصيحة بعدم الشراء قبل الصيف سببها ارتفاع أسعار السيارات في هذه الفترة مع بدء الإجازات ورجوع المصريين من الخليج وارتفاع نسبة السفر للمصايف، هذا الرواج يرفع أسعار السيارات وبناء عليه تستمع إلي نصيحة استني لما الصيف يخلص.
وتستمع في الوقت نفسه إلي نصيحة مضادة وهي «بلاش تشتري بعد الصيف» والسبب هو ارتفاع نسبة الحوادث في الصيف وأن «أغلب الناس بتتقلب بيهم العربيات وهما راجعين من المصيف» وبعد هذه الحوادث يقوم الناس باصلاح السيارات «أي كلام» وإعادة بيعها، لذلك ينصح بعدم شراء سيارة بعد الصيف لأنها غالباً ما تكون «مخبوطة ومرشوشة»، هذا بخلاف أن شهور الصيف تهلك السيارة.
وملخص النصيحتين السابقتين نصيحة ثالثة وهي أن أنسب ميعاد لشراء سيارة في مصر هو «ليلة رأس السنة ».
5- لازم ترفعها في البنزينة... وهي نصيحة بديهية يتم تقديمها لك إذا فكرت في شراء سيارة مستعملة، وسيقدمها لك الجميع بداية من البواب مروراً بزميلك في العمل نهاية بصاحب السيارة التي ستشتريها منه «خدها بنفسك وارفعها في أي بنزينة»، وسيتم رفع السيارة أمامك وأنت تقف كفرس النهر لا تفهم شيئاً، أما الشخص الذي قام برفعها فهو مجرد عامل في محطة البنزين «مش دكتور عربيات يعني» ولن يقدم لك معلومة مفيدة أكثر من أن السيارة سليمة «بس هيا عايزة شوية شغل»، لتعود إلي صاحب السيارة الأصلي وتعيد عليه ما قاله لك العامل دون أن تغير هذه الرحلة «بكل ما فيها من رفع» شيئاً في الصفقة.
6- ما ترفعهاش في التوكيل... نصيحة إضافية يقدمها لك صاحب النصيحة السابقة وإذا سألته عن السبب سيقول لك بدون تردد« أصل التوكيل حرامية ».
7- لازم تسوقها... نصيحة يشدد عليها قائلها وينبهك إلي أهمية أن تقود السيارة التي ستشتريها بنفسك لتعرف عنها كل شيء، إذا افترضنا صحة ما يقوله وإن تجربة السيارة ستجعلني أعرف عنها كل شيء فهذا يعني أن السيارة التي أفكر في شرائها لابد أن أظل أجربها لمدة لا تقل عن ستة أشهر «وبرده مش هاعرف عنها كل شيء... إذا كانت الناس بتتخطب بالسنتين والتلاتة علشان يعرفوا بعض... أنا هاعرف العربية كويس لما أجربها نص ساعة ؟!».
الشيء الوحيد الذي يمكن أن تجربه في النصف ساعة المتاحة أمامك هي أن تجرب «هل بتعرف تسوق ولا لأ ».
8- أهم حاجة أن الـResale بتاع العربية يكون كويس، والـ Resale هو إعادة بيع السيارة، وينصحك الأصدقاء بأهمية أن تشتري سيارة تستطيع أن تبيعها بعد قليل «علي أساس إنك بتغير عربية كل أسبوعين ».
ونظرية الـResale الهدف منها أن تحقق أكبر مكسب ممكن عند إعادة بيع سيارتك «يعني تجيب عربية وتستعملها وتحرقها مشاوير وتستمتع بيها ولما تبيعها تكسب كمان» وهي فكرة إن صحت يصح معها إلغاء فكرة نفقة المتعة.
9- روح سوق الجمعة أو هات الوسيط أو شوف ملحق السيارات بتاع الأهرام... وهي أضعف نصيحة يقدمها لك شخص تخبره بأنك تفكر في شراء سيارة، وهي نصيحة يمكن الرد عليها بجملة واحدة «كانت تايهة عني فين الفكرة دي ؟!».
10- قائمة ال «بلاش» الثانية... وتضم «بلاش الكابروليه» علشان مش من عاداتنا، و«بلاش الأتوماتيك» علشان بيسخن العربية، و«بلاش المانيوال» علشان البلد بقت زحمة وبنمشي بالبطيء والدبرياش هيدمرلك مفصل الفخد، و«بلاش عربية واطية» علشان أي غطا بلاعة هيدمرلك «كرونة الزيت»، و«بلاش الألوان الفاتحة» علشان بتلم تراب، و«بلاش الألوان الغامقة» علشان الشمس عندنا بتخليها تبهت، و«بلاش تشتري من المعارض» علشان الأقساط عليها فوايد جامدة، و«بلاش تشتري من التوكيل» علشان حرامية، و«بلاش تشتري مستعمل» علشان المستعمل هيتعبك، و«بلاش تشتري زيرو» علشان البلد عندنا ما ينفعش فيها غير المستعمل.
ملحوظة: بدأت رحلة البحث عن سيارة جديدة في نهاية 2007، صحيح أنني لم أوفق حتي هذه اللحظة في شراء سيارة لكنني علي الأقل وُفِقَت في كتابة هذا المقال.
رقم العضوية : 105302
تاريخ التسجيل : 25Jun2011
المشاركات : 3,817
النوع : ذكر
الاقامة : Port Said \ Cairo
السيارة: Toyota Corolla 2008
السيارة[2]: Hyundai Verna 2009
دراجة بخارية: Kia Cerato 2010
الحالة :
ههههههههههههههههههههههههه هههههه شعب فتاي
رقم العضوية : 25103
تاريخ التسجيل : 13Nov2008
المشاركات : 37
النوع : ذكر
الاقامة : cairo
السيارة: لا يوجد
السيارة[2]: نوبيرا 2004
دراجة بخارية: لا
الحالة :
والله صدقت فعلا
الفتااااين بيشجعو واحنا معاهم
هههههههههههههههههههه
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
بصراحة قولت كل شئ ..
رقم العضوية : 126496
تاريخ التسجيل : 23Jun2012
المشاركات : 232
النوع : انثى
الاقامة : Dubai
السيارة: Fiat Siena plus 2004 1.4 L
السيارة[2]: Honda City 2009 1.5 L
دراجة بخارية: في البلد دي؟! هع !
الحالة :
هههههههه, تحفة الموضوع.. عمر طاهر ده مسخرة بجد
الجميل ان كل واحد شايف العربية من وجهة نظره, يعنى فيه ناس بتشكر فى الفيرنا مثلاً أوى و انها هايلة و مش عارفة ايه, و ناس تانية بتسب و تلعن فيها.. و ال 2 بيبقوا صح و غلط فى نفس الوقت..
و يا سلام بقى لو وديت عربية تحفة لميكانيكى, مجرد انه مش فاهم فيها هايطلعلك القطط الفطسانة, رغم انها ممكن تكون احسن من عربيات تانية كتيييييير..
رقم العضوية : 122945
تاريخ التسجيل : 10Apr2012
المشاركات : 982
النوع : ذكر
الاقامة : Zagazig
السيارة: kia cerato 2012 high line
السيارة[2]: كانت Skoda Fabia 2004
دراجة بخارية: M3andish
الحالة :
حاجة تجنن فعلا ....... شعب عجيييب يعيش ظروف أعجب ....... بحس إن إدعاء المعرفة بكل شىء هى كرات دم زى كرات الدم الحمرا والبيضا بس عند المصريين بس
ملحوظة هااااااامة جدا :
أنا وأنت وعمر طاهر مصابون بنفس الأمراض فنحن لسنا بمعزل عن أيديولوجية الذكاء الغبى العبقرى الحنكباظى المصرى ولكـــــــن ....... النسب تتفاوت
رقم العضوية : 54640
تاريخ التسجيل : 03Dec2009
المشاركات : 1,632
النوع : ذكر
الاقامة : مش عايش
السيارة: يامسهل يارب
السيارة[2]: Daewoo Lanos 2
دراجة بخارية: مابعرفش اسوق
الحالة :
طيب انا واحد من الناس عايز اشتري عربيه وناس كتير نصحوني بي الصيني وانا مركبتهاش ومش عايز اركبها
وكان ردي عليهم ايه الشيئ الي اشتريته صيني وعاش معاك وحسيت انه متين ؟ ملقتش حد جاوب
اذا كان الموبيل الصيني بيبوظ قبل ماتشغله
علي فكره اغلبيه الموضوع غلط ومفيهوش فتي فعلآ في عربيات ماتصلحش وفي عربيات تصلح هنا
فعلآ في عربيات ورق وفي عربيات عظمها ناشف
يعني امبارح وليست من بعيد والله العظيم علي الطريق الزراعي شايف عربيه فيرنا تحس انها طلعه من بوق حد
شفت البانه لما بتندغها وتيجي ترميها شفت بتبقا عامله ازاي الفيرنا دي كلها كانت عامله زيها كده
وفعلآ في اوقات العربيات فيه بتبقا غاليه يعني اليومين دول العربيات غاليه علشان عارف دلوقتي نتائج الامتحنات هتبان وبقا انتا عارف لو عيل في الثنوي وجاب مجموع حلو هتلقيه رايح يزن علي دماغ ابوه بابا عايز عربيه انا جبتلك المجموع الي عايزه انا واحد من الناس لما نجحت في الثنوي رحط شبط في عربيه فا دي تفكير كل شب مقدم علي الجامعه
فا موضوعك ليس بصحيح لي انك لو كده ممكن لو عجبتك الالفا روميو هتروح تشتريها بس اعرف انك اشترتها كيف ومش هتبقا زعلان وانتا بتبحث عن قطع غيارها
رقم العضوية : 105302
تاريخ التسجيل : 25Jun2011
المشاركات : 3,817
النوع : ذكر
الاقامة : Port Said \ Cairo
السيارة: Toyota Corolla 2008
السيارة[2]: Hyundai Verna 2009
دراجة بخارية: Kia Cerato 2010
الحالة :
و الاحلي
ان مينفعش تشتري في الصيف عشان الاسعار بتبقي مولعه
و لا ينفع تشتري في الشتا عشان العربيات بتتبهدل في الصيف
ههههههههههههههههههههههه
مينفعش تشتري عربيه لونها غامق عشان الشمس
و لا ينفعش تشتريها بلون فاتح عشان التراب
ههههههههههههههههههههه
طب ايه حل المعضله دي ؟
رقم العضوية : 602
تاريخ التسجيل : 12May2007
المشاركات : 796
النوع : ذكر
الاقامة : sharkia
السيارة: Lancer 99
السيارة[2]: Logan AT 2014
دراجة بخارية: no
الحالة :
ههههههههههه
الف شكر يادوب افكر من دلوقت عشان اشتري عربيه سنه 2020
م/محمود عساف
رقم العضوية : 117262
تاريخ التسجيل : 29Nov2011
المشاركات : 815
النوع : ذكر
الاقامة : Alexandria
السيارة: لسه شويه
السيارة[2]: لسه شويه
الحالة :
نسيت النصيحة الذهبية :
لازم الاستبن ميكونش نزل الأرض
المفضلات