الصور والمواصفات الكاملة ل 2013 New Subaru Impreza من «ابوغالى موتروز» للسوق المصرية

**Youssef.Awad** · 13-08-2012 01:42 AM

دى مواصفات الفئات الثلاثة كما هو معلن من سوبارو مصر ع الفيس بوك

والله يا رجالة شكل ابو غالى هايعملها وتكون سوبارو الحصان الاسود فى 2012/2013 بالاسعار دى مقارنة بالنيو الانترا - فورد فوكاس - تويوتا كورولا - هوندا سيفيك ..

**Youssef.Awad** · 13-08-2012 02:50 AM

المشاركة الأصلية كتبت بواسطة blazer

ابقى قابلنى ياباشا
المصريين بيفكروا بلشقلوب :d

يازعيم .. السوق المصرى سياسة القطيع
ديتها اول 1000 عربية تتباع بس وهتلاقى مصر كلها راكبة سوبارو
فاكر الهيونداى بدأت ازاى مع غبور لما نزل الاكسل اول مرة بالانذار والازاز الكهرباء والسنتر ..
ولا الصنى قبل 2005 كانت عاملة ايه فى مصر شوفها دلوقت اكتر من 50 الف عربية
الموضوع محتاج فكر ودعاية وزن ع الودان واول خطوة اتعملت بالاعلانات التلفزيونية

**zangry** · 13-08-2012 05:30 AM

حكاية الاعلانات دى حلوة لأن الناس هتعرف العربية وتسأل عنها + سعرها حلو جداا والعربية امكانياتها واداءها حاجة محترمة

كام عربية تتباع والناس تشوفها على الطبيعة وهتلاقى البلد كلها ركباها

**Hosam_Optrawy** · 13-08-2012 05:45 AM

العربيه دى عايزه كام اعلان فيهم اسعار الصيانه وقطع الغيار والمصنعيه عشان الناس تتطمن , زى مافورد عملت فى الفوكس الجديده

لان معظم اللى عاجبهم العربيه وبيفكروا يجيبوها قلقانين من عدم الانتشار وسمعة الاسعار الغاليه

بصراحه مواصفات واسعار حلوه جدا

**Formulator** · 13-08-2012 03:32 PM

المشاركة الأصلية كتبت بواسطة khalid_adel

وثبات العربيه دي بالذات مش عارف غريب والله ماشوفتو لحد دلوقتي حتي في البي ام (كنت بطلع منهم في الملفات) ثباتها ولا هو الرياضي الغبي اللي هو لو راح مبيرجعش ولا هو ؟؟؟ مش عارف بس بص هي حاجه كده ممكن تقول استنتجتها من مواقف حصلت على ايدي لو فضلت احكيلك عنها محتاج موضوع بس الصراحة مشوفت ولا اتوقع ان اي عربيه تانية تسند في المواقف دي بجد (عشرة 4 سنين من قلة الادب التامة في السواقه)

هو ده Traction يا خالد أكثر منه Stability

تصميم الـDrivetrain والـAWD (الدفرانسيال والكارونة) هو اللى مديها التماسك ده..
مش العفشة (المساعدين والسوست) زى عربياتنا الـFWD

الصراحة هى مكانتش جراية أوى كـAcceleration
بس لما تجمع سرعتك... سهل أوى أوى تحافظ عليها وتفضل راكب؟؟!!!
غرز بالعرض ويمين فـ شمال وإطلع فـ التراب.. تبص عـ الـSpeedo تلاقى سرعتك مانزلتش؟؟؟!!

المشاركة الأصلية كتبت بواسطة Kareem.ElAraby

خفوا شويه علي الكوري يا فورميولاتور انت و خالد بدل ما تجيلك فيرنا 2.2 تربو تعمل معاك التمام :]

ههههههههههههههههههه
ودى فيرنا أيـــــــــــــه دى اللى موتورها 2.2 تربو؟؟!!!
CRDi تربو-ديزل؟؟ سولار ولا أيه يا برانس؟؟؟!!!!!!

هههههههههههههههههه

طب وعلى كده سواق الفيرنا (مش الشاسيه والبودى بقى) هيستحمل موتور كده؟؟!!!

أهااااااااااهاهاهاها هههههههههههههه

المشاركة الأصلية كتبت بواسطة Ahmed A.Maksoud

دي مقارنة بين النسخ الرياضية للميجان و الكليو والامبريزا
اللي في النص ده مسافة التوقف بالمتر من سرعة ١٠٠ كم

Renault Megane RS250 36.34 Motor Magazine (Aust)
Renault RS Clio 200 36.43 Motor Magazine (Aust)
Subaru Impreza WRX 37.38 Motor Magazine (Aust)

مش محتاج يا أحمد بيه تجيب أرقام الـBraking Distance للرينو-سبورت RS

هى أصلا الميجانII الستوك (العادية 1.6) فراملها كانت من أقوى العربيات فـ الفئة بتاعتها..!!

مش هقول اللى ركب ميجانII سيدان أوى هاتش، فرنساوى أو تركى.. لأ
حضرتك ممكن تراجع مقاسات الـRotors الديسكات فقط.. وتقارنها بالعربيات اللى فـ نفس الفئة باور ووزن، وتشوف...
هتلاقى ديسكات الميجان أكبر بفرق ملحوظ.. ده نظريا،
عمليا: الميجانII من عـ السرعات العالية كانت بترجع لورا من شدة الفرملة (شرط حالة الكاوتش)؟؟!!

المشاركة الأصلية كتبت بواسطة eslamsubaru

التيل الأصلى للسوبارو عليه علامة مستحب يتغير عندها ... و تقريبا دى بتكون عند 30000 الى 35000 كم : بس طبعا بالسواقة العادية مش الجرى و الحرق . و شوف على اليو تيوب فيديوهات للمقارنة بين فرامل السوبارو و كذا عربية تانية..

تيل الميجان فيه فيشة يافندم

شوف
الإمبريزا فراملها أجمد من حاجات كتيييييييييييير يابانى.. Ok
(وقد يكون الـTraction العالى ونظام الدفع بيحسسك بالكنترول عـ العربية فـ الفرملة الإفترا-الطوارىء)؟!!!

لكن أجمد من الميجانII (ولا حتى الفلوينس)؟!! لأ معلش...
عن تجارب للعربيتين

Rgds،

**Ahmed Selim** · 13-08-2012 10:22 PM

المشاركة الأصلية كتبت بواسطة y2y1500

دى مواصفات الفئات الثلاثة كما هو معلن من سوبارو مصر ع الفيس بوك

والله يا رجالة شكل ابو غالى هايعملها وتكون سوبارو الحصان الاسود فى 2012/2013 بالاسعار دى مقارنة بالنيو الانترا - فورد فوكاس - تويوتا كورولا - هوندا سيفيك ..

حد شايف حاجة عن فوانيس زينون ؟

أنا مش شايف أى كلام عنها.............أعتقد هالوجين عادى.

المشاركة الأصلية كتبت بواسطة formulator

مش محتاج يا أحمد بيه تجيب أرقام الـbraking distance للرينو-سبورت rs

هى أصلا الميجانii الستوك (العادية 1.6) فراملها كانت من أقوى العربيات فـ الفئة بتاعتها..!!

مش هقول اللى ركب ميجانii سيدان أوى هاتش، فرنساوى أو تركى.. لأ
حضرتك ممكن تراجع مقاسات الـrotors الديسكات فقط.. وتقارنها بالعربيات اللى فـ نفس الفئة باور ووزن، وتشوف...
هتلاقى ديسكات الميجان أكبر بفرق ملحوظ.. ده نظريا،
عمليا: الميجانii من عـ السرعات العالية كانت بترجع لورا من شدة الفرملة (شرط حالة الكاوتش)؟؟!!

تيل الميجان فيه فيشة يافندم

شوف
الإمبريزا فراملها أجمد من حاجات كتيييييييييييير يابانى.. Ok
(وقد يكون الـtraction العالى ونظام الدفع بيحسسك بالكنترول عـ العربية فـ الفرملة الإفترا-الطوارىء)؟!!!

لكن أجمد من الميجانii (ولا حتى الفلوينس)؟!! لأ معلش...
عن تجارب للعربيتين

rgds،

أنا كنت داخل من على الأيباد..........أول لينك جت فى وشى شوطتها على طول :)

و هى فعلاً أقوى كتير من معظم العربيات اللى سوقتها......و منهم حاجات بأضعاف أضعاف سعر الميجان.

تحياتى يا باشا...

**khalid_adel** · 18-08-2012 09:09 AM

طب انا كنت عايز اعرف حجم الديسك في الميجان كام مللي وفي السوبارو ؟؟؟؟

-

-

الموضوع: الصور والمواصفات الكاملة ل 2013 New Subaru Impreza من «ابوغالى موتروز» للسوق المصرية

LinkBack

أدوات الموضوع

عرض

-

-

-

-

-

-

المواضيع المتشابهه

Opel Astra 2013 Vs Subaru Impreza 2013

الصور والمواصفات الكاملة ل 2013 New Accent HB من «جى بى اوتو» للسوق المصرية

الصور والمواصفات الكاملة ل 2013 New Subaru Impreza من «ابوغالى موتروز» للسوق المصرية

الصور والمواصفات لسوبارو امبريزا 2013 من «ابوغالى موتروز» للسوق المصرية

السعر والمواصفات الكاملة ل N96 فى مصر والامارات والسعودية وفرنسا وامريكا

الكلمات الدلالية لهذا الموضوع

المفضلات

المفضلات

ضوابط المشاركة